Свет
Илон Маск го повика Путин на борба: Влогот е Украина
Најбогатиот човек на планетата Илон Маск се огласи на својот твитер-профил со порака испратена до рускиот претседател Владимир Путин.
„ На овој начин го предизвикувам Путин на индивидуална борба“, напиша Маск, делумно на латиница, делумно на кирилица и додаде:
„Влогот е Украина“.
I hereby challenge
Владимир Путин
to single combatStakes are Україна
— Elon Musk (@elonmusk) March 14, 2022
Неговиот твит предизвика бројни коментари, а многумина се запрашаа дали се шегува. Кога еден од 77-те милиони следбеници на Маск напиша дека основачот на „Тесла“ можеби не размислувал добро за својот предизвик, Маск рече дека е „апсолутно сериозен“.
„Доколку Путин би можел толку лесно да го понижи Западот, тогаш би го прифатил предизвикот. Но, нема“, додаде тој.
Маск ја означи и наредбата на рускиот претседател и на руски праша „Дали се согласувате со оваа борба“.
Од Кремљ засега нема реакција.
Маск претходно одби да ги блокира руските државни медиуми. Тој изјави дека некои влади, но не и украинската, му наредиле на неговиот сателитски широкопојасен сервис „Старлинк“ да ги блокира руските извори на информации и медиумски куќи.
„Тоа нема да го направиме доколку не сме на целта. Жал ни е што сме апсолутни поддржувачи на слободата на говорот“, рече Маск на својот профил на „Твитер“.
Сепак, тој ги испорача сателитите „Старлинк“ во Украина за да ѝ помогне на земјата која Русија ја нападна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Опозициските политичари во Албанија запалија столчиња пред парламентот во знак на протест поради апсењето на нивниот колега
Албанските опозициски политичари запалија куп дрвени столчиња пред Собранието во знак на протест поради апсењето на нивниот колега.
На почетокот на редовната собраниска седница пратениците од опозицијата ги извадија столчињата од собраниската сала и ги запалија на скалите од зградата.
Припадниците на службата за безбедност брзо го изгаснале пожарот.
Апелациониот суд на Албанија во петокот ја потврди пресудата на понискиот суд со која Ервин Салијани, член на опозициската Демократска партија, беше осуден на една година затвор.
Понискиот суд го прогласи Салијани за виновен за „лажна пријава“ против поранешниот министер за внатрешни работи. Салијани ја негираше вината и рече дека судењето е политички мотивирано.
Претходно овој месец, водачот на Демократската партија Сали Бериша, кој е во домашен притвор од декември, беше обвинет за корупција за дејствија што ги презел додека бил премиер од 2005 до 2013 година. Бериша, исто така, ја негира вината.
Демократската партија повика на голем протест во главниот град Тирана на 7 октомври.
Свет
Литванија побара од Меѓународниот кривичен суд да ги истражи злосторствата на Лукашенко против човештвото
Литванија поднесе барање до Меѓународниот кривичен суд да ги истражи можните злосторства против човештвото од режимот на белорускиот лидер Александар Лукашенко.
„Денеска, 30 септември, претставници на Министерството за правда испратија барање на Република Литванија до Меѓународниот кривичен суд за покренување истрага во согласност со член 14 од Римскиот статут во врска со ситуацијата во Белорусија, особено во однос на злосторствата против хуманоста извршена од режимот на Александар Лукашенко – присилна депортација и прогон на лица и други сурови дејствија што се спротивни на основните норми на меѓународното право“, се наведува во соопштението на веб-страницата на Министерството за правда на Литванија.
Се додава дека „иако Белорусија не е земја потписничка на Римскиот статут за основање на Меѓународниот кривичен суд, овој суд има јурисдикција и да истражува ситуации во кои злосторствата против човештвото ги преминуваат границите на државите потписнички на Римскиот статут, како што е Литванија. “
Свет
Ердоган повика на мобилизација на муслиманите: „Тажен сум што не сме поактивни против Израел“
Турскиот претседател Реџеп Таип Ердоган рече дека Генералното собрание на Обединетите нации треба да препорача употреба на сила, во согласност со резолуцијата што ја усвои во 1950 година, доколку Советот за безбедност на ОН не успее да ги запре израелските напади врз Газа и Либан.
Турција, членка на НАТО, ги осуди разорните израелски напади врз Хамас во Газа и Хезболах во Либан. Анкара ја запре целата трговија со Израел и поднесе барање да се приклучи на тужбата за геноцид против Израел пред Светскиот суд.
„Генералното собрание на ОН треба брзо да го искористи овластувањето да препорача употреба на сила, како што направи со резолуцијата Обединети за мир од 1950 година, доколку Советот за безбедност не може да ја покаже потребната волја“, рече Ердоган по состанокот на владата.
Во резолуцијата се наведува дека Генералното собрание на ОН може да се вклучи доколку несогласувањата меѓу петте постојани членки на Советот за безбедност со право на вето – Велика Британија, Кина, Франција, Русија и САД – не успеваат да го одржат меѓународниот мир.
Советот за безбедност е единственото тело на ОН кое може секојдневно да донесува законски обврзувачки одлуки, како што се одобрување употреба на сила и воведување санкции.
Ердоган, исто така, рече дека е тажен што муслиманските земји не успеваат да заземат поактивен став против Израел, барајќи од нив да преземат економски, дипломатски и политички мерки против Израел за да го притиснат да прифати примирје.
„За мир на сите во нашиот регион, од муслимани до Евреи до христијани, ја повикуваме меѓународната заедница и муслиманскиот свет да се мобилизираат“, рече Ердоган, додавајќи дека нападите на Израел ќе бидат насочени и кон муслиманските земји, доколку наскоро не бидат запрени.