Свет
Индија го собори светскиот рекорд по бројот на дневно заразени со коронавирус
Индија денеска забележа најголем број на новозаразени случаи со коронавирус во еден ден досега, и овој црн рекорд не се однесува само на најнаселената земја во светот, туку на целата планета од избувнувањето на пандемијата, затоа што се регистрирани 314.835 случаи, пренесуваат светските агенции.
Досега, според „Ројтерс“, најголемата бројка на заразени со Ковид-19 во еден ден изнесувала 297.430 лица во САД, иако сајтот „Ворлдметерс инфо“ од Вашингтон тврди дека на 8 јануари во САД биле заразени 307.851.
Бројот на починати во Индија претставува исто така рекорд, бидејќи починале 2.104 лица, така што вкупниот број на смртни случаи е 184.657, според податоците на Министерството за здравство, а 15,93 милиони жители на таа азиска земја се заразени од почетокот на пандемијата од Ковид-19.
Врховниот суд на Индија јавно ја критикуваше централната влада за лошото снабдување со кислород во болниците, а вчера бројот на починати беше поголем од 200 во Њу Делхи, објави Би-Би-Си.
„Ова е страшно. Ние сакаме да знаеме што прават во болниците во врска со снабдувањето со кислород низ целата земја”, прашаа судиите на Врховниот суд, откако проценија дека одговорноста на владата е да моли, да позајмува, па дури и да краде резерви на кислород доколку е потребно.
Во Индија е откриен и нов троен вид на коронавиурс во време кога земјата се бори да го спречи најлошиот бран на коронавирус од почетокот на пандемијата и соборувајќи го светскиот негативен рекорд за бројот на пациенти.
Индиските научници претходно предупредуваа на двоен мутиран вид на коронавирус, а тројниот мутиран вид ќе предизвика само уште поголеми проблеми, објави лондонски Индепендент.
Во Јапонија пак владата се очекува да прогласи трета по ред вонредна состојба за префектурата Токио и уште три други западни префектури, што може да трае околу две недели, објавија денес јапонските медиуми.
„Владата размислува да воведе вонредна состојба од 25 април до 11 мај“, објавија јапонските новински агенции.
Некои аналитичари тврдат дека одлуката, која се очекува утре, ќе ја „турне“ Јапонија во рецесија доколку од трговците се побара да ги затворат своите продавници за време на празникот Златна недела, кој започнува следната недела и ќе трае до почетокот на мај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Секој Евреин што ќе гласа за Мамдани е глупав човек
Американскиот претседател Доналд Трамп ги повика Евреите во Њујорк да не гласаат за кандидатот на левото крило на Демократската партија, Зохран Мамдани, нарекувајќи го „докажан мразител на Евреите“.
„Секој Евреин што ќе гласа за Зохран Мамдани е глупaв човек!“, напиша Трамп на својата платформа Truth Social, обвинувајќи го 34-годишниот кандидат дека „ги мрази Евреите“. Мамдани, муслимански демократски социјалист роден во Уганда, е познат поддржувач на палестинската кауза и застапник на кампањата за бојкот и санкции против Израел.
Во обид да ги смири реакциите, Мамдани во последните месеци јавно се изјаснува против антисемитизмот. Тој води во анкетите со 41 отсто поддршка, пред поранешниот гувернер Ендру Куомо, кој има 34 отсто и ја има поддршката на Трамп.
Трамп претходно се закани дека ќе му ги ускрати федералните средства на Њујорк ако Мамдани победи на изборите за градоначалник.
Свет
Глобалното затоплување ќе ја надмине границата од 1,5 степени, предупредува ОН
Светот нема да го исполни климатскиот цел од ограничување на затоплувањето на 1,5 степени Целзиусови, соопшти Програмата на Обединетите нации за животна средина (UNEP). Според годишниот извештај, поради недоволните мерки за намалување на емисиите на стакленички гасови, глобалната температура во следната деценија ќе ја надмине целта утврдена со Парискиот договор од 2015 година.
UNEP предупредува дека сегашните политики водат кон раст на температурите од 2,3 до 2,5 степени, што ќе биде „тешко да се преобрати“. Иако е постигнат напредок во однос на пред десет години – кога прогнозите укажуваа на пораст до четири степени – емисиите и понатаму растат, бидејќи земјите се потпираат на јаглен, нафта и гас за производство на енергија.
Овие податоци, според агенцијата, дополнително ќе го засилат притисокот пред климатскиот самит COP30, на кој државите ќе разговараат за побрзо финансирање на мерките за ублажување на глобалното затоплување.
Свет
Германија им нуди пари на Авганистанците ако се откажат од доаѓање во земјата
Германската влада им понудила финансиска надомест на Авганистанците кои имаат одобрение за прием во Германија, доколку доброволно се откажат од тоа одобрение за влез во земјата.
Според документот на Германското друштво за меѓународна соработка, понудата се однесува на околу 660 лица кои сега се во Пакистан. Поединци што ќе прифатат, ќе добијат еднократна исплата — 1500 евра во Пакистан и дополнителни 5000 евра како „помош за нов почеток“, но со тоа ќе се откажат од сите идни побарувања кон германската влада.
Министерството за внатрешни работи објаснило дека не може да гарантира навремен завршеток на програмата за прием поради административни пречки и рокови што ги поставила пакистанската влада.
Хуманитарни организации ја осудија понудата, нарекувајќи ја „лоша“ и „недоволна“. Според нив, износот не го покрива ниту дел од трошоците што бегалците веќе ги направиле, а враќањето во Авганистан би значело ризик за нивниот живот под талибанскиот режим.
Во меѓувреме, неколку авганистански семејства што поднеле тужби против германската држава успеале да добијат дозвола за влез и пристигнале во Хановер.

