Свет
Инженер украл опрема вредна 90.000 долари – Пентагон почна истрага во американската воздухопловна база
Пентагон почна истрага за 17 објекти на американските воздухопловни сили по извештаите дека 48-годишен инженер во воздухопловната база „Арнолд“ во Тенеси однел дома разни владини радиотехнологии во вредност од речиси 90.000 долари, објави Форбс.
Агентите за спроведување на законот го претресоа неговиот дом, каде што открија дека тој имал „неовластен администраторски пристап“ до радиокомуникациската технологија што ја користи Командата за воздушно образование и обука (AETC) – една од деветте главни команди на воздухопловните сили.
Истражувачите пронајдоа и отворен компјутерски екран, кој покажа дека инженерот користел софтвер за програмирање радио, „Моторола“. Според налогот, софтверот „го содржел целиот комуникациски систем на воздухопловната база „Арнолд“ (ААФБ), објави „Форбс“.
Покрај тоа, инженерот имал во своја сопственост и УСБ, во кое имало „административни лозинки и електронски системски клучеви“ за радиомрежата AETC.
Други запленети предмети вклучуваа флеш-драјвови, кои содржеа „програмски датотеки за локални органи за спроведување на законот“ и „програмски датотеки на радио на ‘Моторола’“, кои имаа предупредувачка етикета, што укажува дека се владина сопственост.
Во налогот исто така се наведува дека сведоците и соработниците ги информирале инспекторите дека инженерот наводно „продавал радија и радиоопрема, работел чудни часови, бил арогантен, често лажел, покажувал несоодветно однесување на работното место и сексуално вознемирување, имал финансиски проблеми.
Се додава дека тој двапати бил пријавен од колега за „индикации за закана од внатре“, како и за неовластено поседување опрема на воздухопловните сили, според истражителите.
Инспекторите исто така објавија дека пронашле докази, кои укажуваат дека претресениот изведувач имал можен пристап до комуникациите на ФБИ, како и до државните агенции на Тенеси, објави „Форбс“. ФБИ работи со воздухопловните сили на истрагата, соопшти агенцијата.
Името на инженерот сè уште не е објавено бидејќи тој не е обвинет или прогласен за виновен.
Сепак, медиумот објави дека според неговата страница на LinkedIn, тој има голема историја во сајбер-безбедноста и радиокомуникациите.
„Тој тврди дека извршил многубројни безбедносни тестови во воздухопловната база Арнолд, ја подобрил заштитата на радиокомуникациите на локацијата и знаел за шифрирањето, што се користи за владините податоци“, објави „Форбс“.
Извештајот на „Форбс“ доаѓа само три месеци по едно од најлошите истекувања на американското разузнавање во последната деценија. Во тој случај 21-годишниот Џек Тешеира, тогашен чувар на воздухопловната национална гарда, беше уапсен под сомнение дека му открил стотици документи на Пентагон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Ние сме во состојба на борбена готовност, Западот ризикува глобален конфликт: Путин од Црвениот плоштад по повод Денот на победата
Во денешниот говор од Црвениот плоштад рускиот претседател Владимир Путин го обвини Западот дека ризикува глобален конфликт и рече дека никој нема да смее да ѝ се заканува на најголемата нуклеарна сила во светот додека Русија ја одбележува победата на Советскиот Сојуз над нацистичка Германија во Втората светска војна.
Додека руските трупи напредуваат против украинските сили поддржани од Западот, Путин ги обвини арогантните западни елити дека заборавиле на одлучувачката улога на Советскиот Сојуз во поразот на нацистичка Германија и поттикнувањето конфликти во светот, пишува „Гардијан“.
„Знаеме до што водат таквите амбиции. Русија ќе направи сѐ за да спречи глобален конфликт“, рече Путин.
„Но, во исто време нема да дозволиме никој да ни се заканува. Нашите стратешки сили се секогаш во состојба на борбена готовност“.
Свет
Харази: Не планиравме да направиме нуклеарна бомба, но ако опстанокот на Иран е загрозен, нема да имаме друг избор
Иран ќе мора да ја промени својата нуклеарна доктрина доколку Израел му се закани, изјави советникот на врховниот лидер на Иран, Камал Харази, предизвикувајќи загриженост за иранското нуклеарно оружје.
„Не планиравме да направиме нуклеарна бомба, но ако опстанокот на Иран е загрозен, нема да имаме друг избор, освен да ја промениме нашата воена доктрина“, рече Харази, објави иранската Студентска вести мрежа додавајќи дека Техеран веќе објавил дека има потенцијал да се направи такво оружје.
Врховниот водач на Иран, Али Хамнеи, го забрани развојот на нуклеарно оружје со фатва на почетокот на 2000-тите повторувајќи ја својата позиција во 2019 година кога изјави дека „изградбата и складирањето нуклеарни бомби е погрешно, а нивната употреба е религиски забранета.
Но, во 2021 година тогашниот ирански министер за разузнавање рече дека притисокот на Западот може да го принуди Техеран да работи на нуклеарно оружје.
„Во случај ционистичкиот режим (Израел) да ги нападне нашите нуклеарни постројки, ние повеќе нема да се двоумиме“, додаде Харази.
Во април Иран и Израел достигнаа историски максимум, при што Техеран директно лансира речиси 300 проектили и беспилотни летала кон Израел како одмазда за непотврдениот израелски напад врз комплексот на иранската амбасада во Дамаск, кој резултира со жртви. Иран ги развива своите нуклеарни постројки во последните години тврдејќи дека тие служат чисто цивилни цели.
По долготрајните преговори поради загриженоста дека Техеран би можел да развие нуклеарно оружје, Иран потпиша нуклеарен договор во 2015 година, со кој драстично се ограничува збогатувањето со ураниум и ја овластува Меѓународната агенција за атомска енергија (МААЕ) да врши строги инспекции.
Оттогаш САД се повлекоа од договорот во 2018 година за време на тогашниот претседател Доналд Трамп, а Техеран почна да збогатува со ураниум.
Неодамна, поранешните водечки ирански политичари навестија дека земјата сега е технички способна да произведува нуклеарно оружје.
Регион
Вучиќ до Силјановска-Давкова: Уверен сум дека ќе продолжиме да работиме на зајакнување на врските меѓу Србија и Македонија
Српскиот претседател Александар Вучиќ ѝ ја честита победата на Гордана Силјановска-Давкова во вториот круг од претседателските избори во Северна Македонија.
„Ѝ честитам на Гордана Силјановска-Давкова за нејзиниот избор за претседател на Северна Македонија и ѝ посакувам успешно да ја извршува одговорната должност што ја презема. Уверен сум дека ќе продолжиме да работиме заедно за зајакнување на врските меѓу Србија и Македонија, со цел напредок и благосостојба на нашите народи, како и просперитет на целиот регион“, изјави Вучиќ на платформата „Икс“.
„Многу ми значат вашите честитки“, му одговори Силјановска-Давкова на Вучиќ по упатената честитка.
„Вашите искрени честитки ми значат многу, претседателе Вучиќ. Очекувам дека ќе продолжиме да работиме на подобрување на одличните македонско-српски односи. Ви благодарам многу, претседателе Вучиќ“!, напиша таа во својот одговор на социјалната мрежа X.