Свет
Иран бара Интерпол да го уапси осомничениот за нападот на нуклеарниот објект Натанц
Иран побарал од Интерпол да уапси човек осомничен за извршен напад врз иранскиот нуклеарен објект Натанц во име на Израел, пренесува „Мидл Ист монитор“.
Иранската државна телевизија објави вчера фотографија на 43-годишен маж по име Реза Карими, наведувајќи дека иранското Министерство за разузнавање ја потврдило неговата улога во нападите со кои беа саботирани иранските нуклеарни постројки.
Според извештаите, Карими избегал од земјата на неидентификувана локација пред инцидентот. Конзервативниот весник „Кајхан“ додава дека откако бил утврден неговиот идентитет, биле преземени неопходни мерки преку Интерпол за негово апсење и враќање.
Нема објавено повеќе детали за осомничениот и има уште многу непознати работи, како на пример кој е Карими и како имал тој пристап до објектот Натанц.
Телевизискиот извештај алудираше на црвено известување на Интерпол со кој се бара апсење на осомничениот, но спротивставените извештаи посочуваат дека таквото известување не може да биде веднаш достапно на јавната база на податоци на Интерпол.
Интерпол, исто така, наводно изјавил дека не може да потврди дека е издадено црвено известување за Карими.
Иранското барање до Интерпол прави втор ваков апел до меѓународната полициска организација годинава. Првиот беше во јануари, кога Иран побара потерници по убиството на неговиот нуклеарен научник Мохсен Фахризаде.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина ги повлекува тенковите Абрамс од борба: Пет од нив веќе се уништени во руските напади
Украина ги повлече од борбата тенковите Абрамс М1А1 испратени до неа од САД, делумно затоа што нападите со руски беспилотни летала ја попречија работата на тие тенкови и затоа што тие се цел на напади, изјавија за АП двајца американски воени претставници.
Засега, тенковите се преместени од првите линии на фронтот, а САД ќе соработуваат со Украинците за да најдат нова тактика за користење на тие тенкови, изјавија заменик-претседателот на Здружениот генералштаб, адмирал Кристофер Грејди и неименуван претставник на одбраната.
САД одобрија испраќање 31 тенк Абрамс во Украина во јануари 2023 година, откако украинските власти побараа нивна испорака, тврдејќи дека тенковите, кои чинат по околу 10 милиони долари, се од витално значење за пробивање на руските борбени линии.
Оттогаш фронтот значително се промени, особено поради употребата на руски извидувачки беспилотни летала, што им отежна на украинските сили да ги заштитат тенковите Абрамс од руски напади, бидејќи беспилотните летала брзо ги откриваат, наведува АП.
Агенцијата додава дека пет од 31 тенк Абрамс веќе се уништени во руските напади.
Свет
Јенс Столтенберг: Украина се уште може да ја добие војната против Русија
Генералниот секретар на НАТО Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.
Во четвртокот, на состанокот на непрофитната организација „Атлантски мост“ во Берлин, Столтенберг рече дека членките на НАТО сега треба да го претворат она што и го ветија и обврзаа на Украина во итна испорака на оружје и муниција, објави Киев Индипендент.
„Во последните месеци, членките на НАТО не ја дадоа поддршката што ја ветија“, рече Столтенберг.
Свет
Во Аргентина откриен нов вид диносаурус
Аргентинските палеонтолози објавија дека откриле нов вид диносаурус, наречен Chakisaurus nekul, кој живеел пред околу 90 милиони години во областа на денешна Патагонија.
Chakisaurus nekula е тревојаден диносаурус со средна големина, а фосилот е пронајден во природниот резерват Пуебло Бланко, во јужната провинција Рио Негро, каде што претходно биле пронајдени бројни остатоци од други диносауруси, цицачи и риби.
Се смета дека најголемиот чакисаурус достигнал големина од три метри во должина и 70 сантиметри во висина, а новите студии покажуваат дека овој тип на диносаурус трчал брзо и имал невообичаено закривена опашка, наведува Ројтерс.