Свет
Иран е против турска воена акција во Сирија
Иран е против турска воена акција во Сирија, порача иранскиот министер за надворешни работи, Мохамед Џавад Зариф.
Во телефонски разговор со турскиот министер за надворешни работи, Мевлут Чавушоглу, Зариф повика на „почитување на територијалниот интегритет и суверенитет на Сирија“, соопшти иранското Министерство за надворешни работи.
Зариф и Чавушоглу разговарале синоќа откако американскиот претседател Доналд Трамп изјави дека ги остава оние што се вклучени во сирискиот конфликт сами да ја решат ситуацијата.
„Турција, Европа, Сирија, Иран, Ирак, Русија и Курдите сега ќе мора сами да ја решат ситуацијата и да утврдат што ќе прават со припадниците на Исламска држава, фатени во нивната околина“, рече Трамп.
Тоа е прва реакција на Трамп откако Белата куќа најави повлекување на американските трупи, отворајќи го патот за турската воена офанзива против Курдите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија ја нападна Украина со 68 дронови
Русија синоќа истрела 68 беспилотни летала и четири ракети врз Украина, соопшти украинската армија.
„Две балистички ракети Искандер-М ги погодија регионите на Полтава и Одеса, а две ракети Х-59 беа лансирани кон регионите Чернихив и Суми“, соопштија украинските воздухопловни сили на апликацијата за комуникација Телеграм.
Украинските сили за противвоздушна одбрана, наводно, уништиле 31 дрон.
Свет
Украинската армија цврсто ги држи позициите во регионот Курск, вели Зеленски
Претседателот на Украина, Володимир Зеленски синоќа изјави дека украинската армија цврсто ги држи позициите во регионот Курск, иако руската армија се обидува да ги врати назад.
– Во врска со операцијата Курск, Русија се обиде да ги потисне нашите позиции, но ние се држиме, изјави Зеленски во вечерното радио обраќање.
Руската армија на почетокот на неделата соопшти дека вратила две села во Курската област и најави дека ќе продолжи со акциите за истиснување на украинските сили од нејзината територија.
Зеленски призна дека украинскиот упад во регионот Курск во август беше осмислен за да се повлечат руските војници од позициите во источна Украина, каде што напредуваа изминатите месеци.
Руските војници сè уште напредуваат во источна Украина, особено кон Покровск, клучен логистички центар за украинските сили.
Регион
Во Македонија почувствуван земјотрес, епицентарот е во Врање
Земјотрес со јачина од 4 степени според Рихтеровата скала утрово ја погоди јужна Србија, а истиот е почувствуван и во Македонија и во Бугарија.
Епицентарот на земјотресот бил на 12 километри североисточно од Врање, а потресот бил на длабочина од 14 километри и се почувствувал во 4 часот и 48 минути по локално време.