Свет
Иран се закани со силен одговор при евентуален напад од страна на Израел
Иран денес издаде остро предупредување како одговор на заканите од американскиот претседател Доналд Трамп, кој рече дека ќе поддржи понатамошни израелски напади врз Иран доколку отфрли нов нуклеарен договор.
„Исламската Република Иран доследно ќе одговара на секоја евентуална агресија, а агресорот ќе се покае за својата акција“, напиша иранскиот претседател Масуд Пезешкијан на Икс.
Претходно, советник на врховниот лидер ајатолахот Али Хамнеи, исто така, ги предупреди САД и Израел дека секој напад ќе предизвика силен ирански одговор. Советникот Али Шамкани во објава на Икс рече дека на Иран не му е потребна дозвола од други земји за своите ракетни капацитети или за одбрана.
За време на состанокот со израелскиот премиер Бенјамин Нетанјаху во неговата резиденција Мар-а-Лаго во Флорида во понеделникот, американскиот претседател Трамп рече дека ќе поддржи дополнителни израелски напади врз Иран доколку Техеран отфрли нов нуклеарен договор и продолжи да ги унапредува своите ракетни и нуклеарни програми.
Според израелските информации, Иран интензивно работи на обнова на својот ракетен арсенал, кој Израел, заедно со нуклеарната програма на земјата, го смета за главна закана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп изјави дека 48 ирански лидери се убиени во тековните американско-израелски напади
Американскиот претседател Доналд Трамп изјави дека 48 ирански лидери се убиени во тековните американско-израелски напади врз земјата.
„Никој не може да поверува во успехот што го имаме, 48 лидери исчезнаа одеднаш. И се одвива брзо“, беше цитиран Трамп во интервју за Фокс њуз.
Во посебно интервју за Си-Ен-Би-Си, тој вели дека американската операција во Иран е „пред предвидениот рок“.
Свет
Израелската војска пак го нападна Иран
Израелската војска соопшти дека нејзините сили започнале со спроведување нови воздушни напади врз иранскиот главен град.
„Воздухопловните сили сега започнаа нов бран напади во срцето на Техеран“, се вели во краткото соопштение на „X“.
Свет
Папата го предупредува Трамп додека тој го крши молчењето за „спиралата на насилство“
Папата го повика Доналд Трамп да ја запре „спиралата на насилство“ на Блискиот Исток „пред да стане непоправлива бездна!“
Папата Лав XIV му испрати силна порака на американскиот претседател додека зборуваше во Ватикан во неделата.
„Со длабока загриженост го следам она што се случува на Блискиот Исток и во Иран во текот на ова бурно време“, истакна Папата во својот говор.

