Европа
Испораката на тешко оружје во Украина целосно ги подели Германците

Германија е длабоко поделена, покажало истражувањето на јавното мислење, а пренесува „Дојче веле“, по одлуката за испораката на тешко оружје во Украина.
Мислењата на граѓаните брзо се менуваат во ова време на криза, германската влада ја промени својата политика оваа среда и сè уште сака да испорача тешко оружје во Украина, пишува медиумот.
Според новото истражување и новинарските написи, жителите на таа земја сега се повнимателни: 45% се за испорака на оружје во Украина, а 45% се против таквата одлука.
Како што покажале анализите, најголеми поддржувачи се поддржувачите на либералите, а на второ место (67% за и 25% против испораката на тешко оружје) се гласачите на Зелените.
Објаснувањaтa за оваа поголема претпазливост на Германците се дека претходната анкета беше спроведена на 7 април, веднаш по првата вест за масакрот и злосторствата извршени во окупираната Буча и други места во Украина.
Ужасите на војната сè уште траат, но тие ја сфатија и претпазливоста на канцеларот Олаф Шолц, кој стравува дека одлуката за испорака на оружје може да се протолкува како директно вклучување во конфликтот.
Мислењето на граѓаните за канцеларот е исто така контрадикторно: огромното мнозинство од испитаниците сметаат дека неговата комуникација не е убедлива, наспроти тие кои сметаат дека тој може добро да ја води земјата низ криза.
Во исто време, огромното мнозинство признава дека се однесува претпазливо.
Според истражувањата, самиот канцелар ја плаќа цената за ваквиот исход: доживеа драстичен пад на популарноста од 12% и е само на петтото место на листата на германски политичари, бидејќи само 39% од испитаниците се задоволни од неговата работа. На прво место се политичарите на Зелените: министерот за економија Роберт Хабек и министерката за надворешни работи Аналена Баербок.
Всушност, анкетата покажала како што пренесуваат медиумите, дека многу граѓани се за уште „построг“ однос кон Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Авион со руски туристи принудно слета во Естонија поради украински напад со дронови

Патнички авион што превезуваше руски туристи до Санкт Петербург беше принуден да слета во Естонија вчера по украинскиот напад со беспилотно летало врз Русија.
„Авионот беше пренасочен кон Талин бидејќи не можеше да слета на аеродромот ‘Пулково’ поради неговото привремено затворање“, потврди Маргот Холтс, раководител за комуникации и за маркетинг на аеродромот во Талин.
Во ноќта од саботата кон неделата украински беспилотни летала погодија гасен терминал во регионот Ленинград и рафинерија за нафта во регионот Самара. Извор во Службата за безбедност на Украина потврди за „Киев индепендент“ дека разузнавањето стои зад нападот врз терминалот за течен природен гас во регионот Ленинград.
Авионот, управуван од египетскиот превозник „Ал Масрија јуниверсал ерлајнс“, полетал од Шарм ел Шеик и слетал во Талин во 5.33 часот по локално време. Тој го продолжил своето патување кон Санкт Петербург речиси шест часа подоцна.
Според Холтс, на патниците и на екипажот не им било дозволено да го напуштат авионот додека биле на аеродромот во Талин.
Украинските напади со беспилотни летала, кои сè повеќе го нарушуваат цивилниот воздушен сообраќај во Русија, се дел од пошироката украинска стратегија за поткопување на руската логистика далеку над линиите на фронтот. Во првите месеци од 2025 година украинските напади со беспилотни летала наводно ја принудиле Русија да затвори аеродроми повеќе од 200 пати.
фото: принтскрин
Европа
Украинци: Русите извршија 500 напади врз Запорожје за еден ден

Во текот на изминатите 24 часа, руските сили извршија 500 напади насочени кон 13 населени места во регионот Запорожје, објави на Телеграм Иван Федоров, началник на Воената администрација на Запорожје.
„Руските сили извршија четири воздушни напади врз Билохирија, Полтавка и Червони. Три напади со повеќекратен ракетен систем (MLRS) ги погодија Плавни и Мала Токмачка. Вкупно 327 беспилотни летала (главно дронови FPV) ги погодија Запорожје, Биленки, Плавни, Хулајпол, Шчербаки, Новоданиливка, Мала Токмачка и Чаривно. Исто така, 166 артилериски напади се регистрирани во Плавни, Хулајпол, Орихив, Шчербаки, Преображенки, Новоданиливка, Мала Токмачка и Чаривно“, се вели во соопштението.
Властите добија 19 пријави за штети на станбени згради и помошни згради. Немаше пријави за цивилни жртви.
фото: принтскрин
Европа
(Видео) Патниците врескаат во агонија, трепка црвено светло: пекол на летот за Рим

Патниците врескаа од страв откога силни турбуленции го погодиле летот од Шпанија до Рим принудувајќи го пилотот итно да слета.
Преплашените патници гласно врескаа додека авионот се бореше со силни турбуленции на летот од Аликанте до аеродромот во Рим.
Turbulence caught on camera today on a Wizz Air flight from Alicante to Rome, forcing a diversion to Bologna.pic.twitter.com/sbLjXUp1DH
— The Age Of Genz (@TheAgeOfGenZ) August 21, 2025
Кога авионот изврши итно слетување во Болоња, патниците „му се заблагодарија на Бога што се живи“.
Снимките од кабината го покажуваат авионот како силно се тресе, со светла претежно изгаснати, а црвено светло трепка надвор од прозорецот.
Лошите временски услови во регионот предизвикаа проблеми за авионот додека се обидуваше да слета во Рим.
По неколку обиди за слетување на аеродромот во Рим, авионот беше пренасочен кон Болоња. Таму слетал во 3.53 часот наутро, речиси три часа откога требаше да пристигне во италијанската престолнина.
Патот од Аликанте до Рим обично трае нешто помалку од два часа.