Професорот на Медицинскиот факултет и хирург на Првата хируршка клиника на Универзитетскиот клинички центар на Србија, Владимир Дугалиќ, за Фонет изјави дека посетата на претседателот Александар Вучиќ на пациенти од Македонија на одделот за интензивна нега е „срамна политичка пропаганда“, пренесуваат српски медиуми.

Дугалиќ истакна дека понекогаш се кае што е дел од лекарската професија кога ќе види како некој пушта „ненадлежен човек без капа“ на интензивна нега, каде пристапот е строго забранет дури и за членовите на семејството на пациентите.

Професорот Дугалиќ нагласи дека „изгорениците се отворени рани“ и дека пациентите кои се жртви на пожарот во Македонија се „животозагрозувачка состојба“.

Тој рече дека поради ова јавно се одрекува од „колегите кои му дозволиле на Вучиќ да влезе на интензивна нега“, оценувајќи дека тоа е учество во политичка пропаганда која директно ги загрозува животите на луѓето.

Во оваа политичка пропаганда, како што наведе, учествува и министерот за здравство Златибор Лончар, на кој според Дугалиќ повеќе не може да му се верува бидејќи е подреден на власта.

На прашањето како е можно лекарите од УКЦ да му дозволиле на Вучиќ со голи раце да допира пациенти со изгореници опасни по живот, Дугалиќ одговори дека тој и неговите „нормални колеги се згрозени“ и повтори дека се одрекува од „оние колеги кои учествуваат во тој тип на политичка пропаганда“ на начин што може да ги загрози животите на пациентите.

Тој е поранешниот претседател на Украина и се смета за главен политички ривал на актуелниот претседател Володимир Зеленски. Петро Порошенко владееше со земјата од 2014 до 2019 година и е лидер на најголемата опозициска партија, а беше предмет на санкции од актуелната влада. Нему не му е дозволено да ја напушти земјата и нема пристап до неговиот имот. Причините за ова се нејасни, но опозицијата тврди дека тоа е политички мотивирана кампања на Зеленски за замолчување на политичкиот ривал.

Порошенко даде интервју за германски „Билд“ во кое упатува сериозни обвинувања кон Зеленски.

„Тој е несреќен лидер кој ја води нацијата кон диктатура. Но, Украина не е Русија и нема да дозволиме воспоставување диктатура во Украина. Тоа е голема разлика“, рече Порошенко за Зеленски.

Тој ги опиша санкциите против себе и неговата партија како „напад врз слободата и демократијата“. „Ова е и напад на нашата европска иднина, бидејќи владеењето на правото, кое сега брутално се крши, е суштинско за нашата европска интеграција.

На прашањето зошто е под санкции, Порошенко нема одговор. „Јас сум единствениот политички лидер, единствениот опозициски лидер, кому му беа изречени санкции без никакво објаснување. Она што се случува овде е неуставно, незаконско, нема судска одлука. Ова е едноставно многу глупаво, незаконско, криминално кршење на законот“, вели тој.

Порошенко смета дека Зеленски се плаши од актуелната политичка ситуација и затоа сака „да се ослободи од сите конкуренти“.

Порошенко зборуваше и за тековните преговори за прекин на огнот. Тој смета дека има шанса за прекин на огнот во следните два до три месеци. „Или ќе се случи или нема да се случи. Ако не се случи во рок од два до три месеци, тоа воопшто нема да се случи.

Поранешниот претседател бара план Б во случај да не се постигне решение. „Ако Путин постави услови, предуслови, одбивања и сè друго, тогаш очекувам план Б од претседателот Трамп. А планот Б треба да биде: прво, повеќе оружје за Украина; второ, повеќе санкции против Русија; трето, враќање на трансатлантското единство; четврто, финансиска поддршка; петто, можност за влез во НАТО.

На прашањето на „Билд“ како гледа на изјавата на Трамп дека има доверба во Путин, Порошенко одговори: „Тоа е само преговарачки стил на Трамп. Апсолутно сум убеден дека Трамп не му верува на Путин. Работев со Трамп три години. Го познавам претседателот Трамп и тоа е неговиот пристап“.

Тој одби да ја открие точната содржина на неговите претходни разговори со Трамп за Путин, но рече: „Не сум сигурен дали имам право да зборувам за тоа и да ги откријам деталите, но имам целосен впечаток дека тој не му верува“.

Порошенко во интервјуто зборува и за големите воени загуби што ги трпи Украина. „Мојата порака е оваа: Мораме веднаш да престанеме да губиме луѓе и веднаш да престанеме да губиме територии. И мора веднаш да престанеме да губиме време.

Американскиот државен секретар Марко Рубио и советникот за национална безбедност Мајк Волц повторно ќе отпатуваат во Саудиска Арабија на разговори со руската делегација за прекин на огнот во руската војна против Украина, а разговорите ќе започнат в недела во Џеда, изјави специјалниот пратеник на американскиот претседател Стив Виткоф, неколку часа по телефонскиот разговор меѓу американскиот и рускиот претседател Доналд Трамп и Владимир Путин.

Зборувајќи за Фокс њуз за предложениот прекин на огнот што ќе вклучува цели и мети на енергетската инфраструктура во Црното Море, Виткоф рече дека мисли оти Русија и Украина постигнале договор за овие прашања и се надева дека Украинците ќе се согласат со тоа, пишува Тајмс оф Израел.

Тој додаде дека „останува релативно мал чекор до целосно спроведување на прекинот на огнот“.

Сепак, Украина ја обвини Русија дека го отфрлила предлогот за прекин на огнот, наведувајќи дека по договорот со Русија за запирање на нападите врз енергетски цели, имало нови напади врз цивилната инфраструктура, додека Русија, пак, соопшти дека напад на украинско беспилотно летало предизвикал мал пожар во близина на селото Кавказскаја во Краснодарската област.

За време на 90-минутниот разговор со Трамп во вторникот, Путин и нареди на руската војска да ги запре нападите врз украинските енергетски цели на 30 дена.

Виткоф, сепак, повтори дека предложениот прекин на огнот вклучува „енергетски и инфраструктурни цели воопшто“ и го пофали Путин за неговата улога во напорите да се приближи Русија до постигнување конечен мир.