Свет
Италијанската полиција заплени шест тони хемикалии за производство на екстази
![](https://makfax.com.mk/wp-content/uploads/2018/11/5bffc409fc7e938e078b4625.jpg)
Италијанската финансиска полиција заплени околу 6,3 тони хемиски супстанци за производство на екстази, соопштија денеска официјални лица.
Акцијата за конфискација била спроведена по истрагата покрената пред две години, пренесе агенцијата Анса.
На овој начин е спречено потенцијалното производство на 63 милиони таблети екстази со пазарна вредност од околу 630 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Едно лице им подлегна на повредите во Израел откако напаѓач избодел луѓе во трговски центар
![](https://makfax.com.mk/wp-content/uploads/2024/07/fds-1.jpg)
Едно лице загина, а друго е повредено во напад со нож што се случи рано денеска во израелски трговски центар.
Како што информираа од полицијата, се работи за терористички напад, пренесува Ројтерс. Израелскиот портал Инет го идентификуваше напаѓачот како Јуда Рабија од Нахаф, израелски град во кој живеат многу припадници на арапското малцинство.
Ниту една терористичка група не ја презеде одговорноста за нападот, иако милитантната група Исламски џихад нападот го нарече „херојска операција“.
Претходно денеска беше објавено дека по нападот во медицинскиот центар во Нахарија биле префрлени двајца млади момчиња на возраст од околу 20 години и дека напаѓачот е убиен.
Свет
Харис: Бајден е нашиот кандидат, повторно ќе го победиме Трамп
![](https://makfax.com.mk/wp-content/uploads/2024/07/kamala-haris.jpg)
Потпретседателката на Соединетите Американски Држави, Камала Харис, денеска ја отфрли идејата дека претседателот Џо Бајден треба да се повлече од изборната трка откако демократскиот претставник Лојд Догет од Тексас го повика да ја напушти трката по лошиот настап на минатата неделна дебата.
„Гледате, Џо Бајден е нашиот кандидат. Го победивме (републиканскиот кандидат Доналд) Трамп еднаш и ќе го победиме повторно, точка“, рече таа во интервју за „Си-би-ес њуз“.
Таа нагласи дека се гордее што е потпретседател на Џо Бајден и одби директно да одговори на прашањето дали е подготвена да ја води земјата доколку е потребно.
Европа
Финска им дозволи на САД пристап до воените бази; Русија: Ќе возвратиме
![](https://makfax.com.mk/wp-content/uploads/2024/07/vojska-finska.jpg)
Русија ќе одговори на одлуката на Финска да дозволи пристап на САД до нејзините воени бази, соопшти денеска руското Министерство за надворешни работи.
На 1 јули финскиот парламент едногласно го одобри договорот за одбранбена соработка со Соединетите Американски Држави, кој беше потпишан во декември 2023 година.
Договорот наведува 15 објекти и области во Финска до кои американската војска ќе има неограничен пристап и каде што може да складира и воена опрема и муниција.
„Можам само да потврдам дека Русија нема да пропушти да одговори на трупањето сили на НАТО на нашата граница, што претставува закана за безбедноста на Руската Федерација“, изјави заменик-портпаролот на Министерството, Андреј Настасин.
„Ќе ги преземеме и сите неопходни мерки, вклучително и мерки од воено-техничка природа, со цел да возвратиме на агресивните одлуки на Финска и нејзините сојузници во НАТО“, додаде тој.
Финска стана членка на НАТО минатата година.