Европа
Како автомобил кој пијан го возите во океанот, се беше катастрофа од почеток: страшни сведочења на патници од подморницата
Експедициите на „Ocean Gate“ во 2021 и 2022 година, иако успешни, имаа многу проблеми.
„Ocean Gate“ успешно ги заврши експедициите до потонатиот брод во 2021 и 2022 година пред „Титан“ да исчезне на своето трето патување. Подморницата „Титан“ беше поздравена како револуционерна подморница која може да им понуди на туристите извонредна можност да го посетат потонатиот брод Титаник, но патниците од минатите мисии споделија застрашувачки приказни за безбедносните проблеми, грешки во комуникацијата и недостатоци во дизајнот, пишува „NBC News“.
Очајничката потрага по исчезнатата подморница заврши во четвртокот, кога крајбрежната стража објави дека остатоците се пронајдени. Загинаа пет патници.
Брајан Вид (42), снимател на каналот Дискавери, спроведе тест возење на „Титан“ во мај 2021 година.
„Во моментот кога го започнавме пробното нуркање, работите тргнаа наопаку.
Лансирањето беше незгодно и помалку од четвртина од патот во текот на нуркањето имаше дефекти во погонскиот систем, оставајќи ги патниците да седат во водата, раскажува Вид. „Тоа беше наводно два месеци пред тие да го направат првото нуркање до Титаник и тоа многу ме загрижи. Требаше да бидеме на едно од тие први нуркања“, рече тој.
Исто така бил загрижен што вратата била заклучена однадвор: „Постои можност да нема излез дури и ако сте на површината.
Но, привлечноста на Титаник, океански брод што потона на своето прво патување од Англија до Њујорк во 1912 година, го привлече кон проектот. „Помислата да слезете и да го видите Титаник навистина ви го заматува умот. Сакате ова да биде можно. Сакате ова да биде вистина“, рече тој.
Вид ја одбил поканата за повторно нуркање една недела подоцна. Тој вели дека почуствувал дека нешто не е како што треба и како да не постои план.
„Имавме проблеми со контролата на притисокот. Имавме проблеми со компјутерите на бродот. Имавме проблеми со комуникациите“, изјави Џош Гејтс, водител на „ Ekpedition Unknovn“. „Искрено, почувствував дека на подморницата и треба повеќе време и повеќе тестирања“, рече тој.
Колин Тејлор, кој во јули минатата година отиде на подморницата со својот син (22), го опиша комуникацискиот систем како многу тежок. „Постои систем за комуникација базиран на текст кој е двонасочен, многу бавен. Мислам, кога испраќате сигнали низ толку многу вода, тоа е многу, многу тешко.
Мајк Рајс, писател и продуцент кој работеше на „Симпсонови“, рече дека отишол на четири нуркања од 10 часа со „Ocean Gate“, вклучувајќи го и Титаник.
„Сонарот, компјутерите, светлата престанаа да работат. Веднаш се вративме на површината“, рече тој. Две години подоцна, тој отиде на друга експедиција на местото на Титаник со подморницата, опишувајќи го како автомобил што го возел пијан возач во океанот контролиран од конзола на видео игри.
„Кога пристигнавме тимот се соочи со бројни проблеми. Не бевме ни блиску до Титаник. Подолните струи не туркаа се подалеку и понатаму во погрешна насока. Сонарот не работеше, а компасот се движеше од исток кон запад, од север кон југ. Почнавме доцна а ураганот не тркалаше на површината“.
Дејвид Пог, дописник на „CBS News“, твитна дека минатата година подморницата била изгубена на морското дно околу пет часа додека била на експедиција на „Ocean Gate“.
„Сè уште можеа да испратат кратки пораки до подморницата, но не знаеја каде е. Беше тивко и многу напнато“, напиша тој на твитер во понеделникот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
ЕУ: Веќе нема ризик од кршење на владеењето на правото во Полска
Европската комисија денеска објави дека планира да ја затвори постапката против Полска до крајот на мај, бидејќи веќе не постои ризик од сериозно кршење на владеењето на правото.
Потпретседателката на Комисијата за вредности и транспарентност, Вера Јоурова, изјави дека полските власти покажале решителност да ги исправат неправилностите во областа на правдата, дека признале дека има проблем во таа област, дека се подготвени да го елиминираат, дека европското законодавство има приоритет пред националното законодавство и дека се обврзале дека ќе ги спроведуваат одлуките на Судот на правдата на Европската унија и Европскиот суд за човекови права поврзани со владеењето на правото, вклучително и независноста на судството.
„Мислам дека во случајот со Полска веќе нема очигледен ризик од сериозно кршење на владеењето на правото“, рече Јоурова и најави дека по дискусијата на состанокот на министрите за европски прашања во вторник овој месец, ќе предложи до Комисијата да ја затвори постапката.
Таа додаде дека приговор на ваквата оценка има само унгарскиот министер за правда Јанош Бока, кој обвинува дека Комисијата во овој случај се води од политички причини, а не од реални промени во полското правосудство.
Во текот на осумте години на власт, претходната полска влада предводена од националистичката партија Право и Правда спроведе низа реформи во судството, со што се доведе во прашање поделбата на власта и независноста на судството, како и слободата на медиумите. Поради ова, Полска беше блокирана од милијарди евра кои и беа наменети во европскиот буџет.
Новата полска влада предводена од премиерот Доналд Туск, која ја презеде функцијата во декември минатата година, најави дека ќе обезбеди повторно воспоставување на независноста на судството и ќе го поништи она што претходната влада го направи во таа област.
Слична постапка се води и против Унгарија, чија влада со години е во конфликт со европските институции и другите членки на ЕУ за почитување на владеењето на правото во таа земја.
Европа
Илјадници бегаат од руската офанзива во регионот Харков
Во борбите за вториот по големина град во Украина досега се раселени околу 14.000 луѓе, покажуваат податоците на Светската здравствена организација (СЗО), пренесува Би-би-си.
Руските сили неодамна започнаа летна офанзива, заземајќи неколку села на североисточната граница на Украина во близина на градот Харков додека се обидуваат да ја пробијат ослабената линија на фронтот на Украина.
Регионалниот лидер на Харков изјави дека седум лица се повредени во ноќните напади на руски беспилотни летала врз градот. Во меѓувреме, најмалку едно лице загина во напад на украинско беспилотно летало над границата со Белгород, јавуваат руските медиуми.
Говорејќи на брифинг со новинарите, Јарно Хабихт од СЗО рече дека 14.000 луѓе избегале од борбите во областа, но 189.000 луѓе кои останале во близина на границата со Русија се соочиле со „значителни ризици поради борбите“.
Украина сè уште контролира околу 60 отсто од Вовчанск, пограничниот град во центарот на неодамнешните борби, изјави заменик-гувернерот Роман Семенука за националната телевизија во понеделникот.
Друг украински воен функционер изјави за АФП дека борбите во Харков „остануваат тешки и динамично се менуваат“.
Европа
Русија почна со вежби со тактичко нуклеарно оружје
Руските сили ја почнаа првата фаза од вежбите кои вклучуваат „практична обука за подготовка и употреба на нестратешко нуклеарно оружје“, соопшти денеска руското Министерство за одбрана.
Претседателот Владимир Путин ги нареди вежбите претходно овој месец. Москва ги поврза со, како што ги нарече, „милитантните изјави“ на западните официјални лица за кои рече дека претставуваат безбедносна закана за Русија.
Предупредување на Путин до Западот
Руското Министерство за надворешни работи ги цитираше коментарите на францускиот претседател Емануел Макрон, кој ја покрена можноста за испраќање европски сили да се борат против Русија во Украина, и британскиот министер за надворешни работи Дејвид Камерон, кој рече дека Украина има право да користи оружје обезбедено од Лондон за напад на цели во Русија.
Безбедносните аналитичари велат дека вежбата е предупредување на Путин до Западот повеќе да не се вклучува во војната во Украина, на која и испорачува оружје и разузнавачки информации, но се воздржа од испраќање војници.
Министерството за одбрана соопшти дека во првата фаза од вежбата се вклучени ракетите Искандер и Кинжал.
Вежбите се одржуваат во Јужниот воен округ на Русија долж украинската граница и делови од Украина под контрола на Русија.
Белорусија, каде Русија распореди тактичко нуклеарно оружје минатата година, исто така ќе биде вклучена во вежбите, соопштија двете земји.
Тактичкото или нестратешкото нуклеарно оружје е помалку моќно од стратешкото оружје дизајнирано да избрише цели непријателски градови, но сепак има огромен деструктивен потенцијал.