Европа
Келнерот опишал како изгледале последните моменти на патниците пред да се качат во подморницата: „Сите беа возбудени“

Подморницата „Титан“ беше пријавена за исчезната во неделата, откако изгубила контакт, час и 45 минути по нуркањето и не се вратила на површината во очекуваното време.
Келнерот на кафулето во кое се наоѓале патниците на подморницата „Титан“, која се изгубила во Атлантикот, открил како изгледале нивните последни моменти пред да се качат на неа.
Токму во тоа кафуле петте патници го испиле последното кафе што им го послужил Џејмс Ло.
Тие дојдоа во кафулето околу осум часот наутро и беа многу возбудени.
„Секогаш кога ќе видиме луѓе кои носат заштитни елеци и сина јакна „Ocean Gate“, ги прашуваме што прават. Сите беа расположени, неколку од нив изгледаа како да брзаат, малку задоцнија. Првиот ден кога се расчисти времето маглата се повлече, тие беа многу возбудени“, рече тој.
Неколку часа откако испиле кафе, се качиле во подморницата.
„Дури кога беа објавени идентитетите на патниците и ги видов фотографиите, сфатив дека се тие“, додал келнерот.
Тој вели дека целата ситуација го потсетила на братот на неговиот добар пријател, кој исчезнал додека ловел риба во септември 2021 година.
„Марк беше капетан на бродот, тие беа на риболов кога бродот ненадејно исчезна. Канадската крајбрежна стража започна голема потрага, но неколку недели подоцна ја прекина операцијата. За време на потрагата вклучија и сонар но потонатиот брод никогаш не беше пронајден“, се сеќава тој.
Иако братот на неговиот пријател никогаш не бил пронајден, Џејмс се надева дека ситуацијата нема да биде иста со подморницата „Титан“, пишува „Daily Mail“.
“Искрено се надевам на најдоброто. Сепак, се чини дека нешто лошо веќе се случи. Кога сте на таква длабочина, притисокот е голем. Тоа е навистина тешка ситуација”, рече тој.
Џејмс вели дека на сите што живеат во близина на океанот им е јасно дека се случуваат несреќи, но дека никој не очекувал дека тоа ќе се случи сега.
“Сите беа навистина возбудени. Не можев ни да помислам дека ќе се случи вакво нешто. Кога станав наутро ја прочитав веста дека постои шанса „Титаник“ да однесе уште неколку жртви. Лудо е да се мисли дека тие се заробени некаде во урнатините“, вели Џејмс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Мелони застана во одбрана на Ле Пен: „Им се одземаат правата на милиони граѓани“

Италијанската премиерка Џорџа Мелони денеска ја критикува одлуката на францускиот суд со која ѝ се забранува на лидерката на екстремната десница, Марин Ле Пен, да се кандидира на претседателските избори во 2027 година.
„Не ги знам деталите за обвиненијата против Марин Ле Пен, ниту причините за ваквата сурова одлука, но мислам дека никој што се грижи за демократијата не може да се радува на пресуда што ќе влијае на лидерот на голема партија и ќе ги лиши правата на милиони граѓани“, рече Мелони во интервју за италијанскиот весник „Ил Месаџеро“.
Мелони, која важи за најмоќниот десничарски лидер во Европа, со оваа изјава застана во одбрана на француската политичарка, која во понеделникот од парискиот суд беше прогласена за виновна за проневера на средства на Европската Унија.
Ле Пен е осудена на четири години затвор, од кои две ќе поминат под електронски мониторинг во домашен притвор, а две години се условни. Покрај тоа, таа е казнета со 100.000 евра и забрана за учество на избори во следните пет години.
Европа
Земјотрес ја погоди Италија

Земјотрес со јачина од 3,8 степени според Рихтеровата скала е регистриран денес, вторник, 1 април 2025 година, во 3.30 часот во Италија.
Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 6 километри под површината на земјата.
Засега нема извештаи за материјална штета или повредени, а надлежните служби ја следат состојбата.
Европа
Од утре нови правила за Европејците за влез во Обединетото Кралство

На европските граѓани кои патуваат во Обединетото Кралство од утре ќе им треба дигитална пропусница за да влезат во земјата, што според британската влада ќе ја зајакне безбедноста на границите.
Електронското овластување за патување (ЕТА) може да се купи онлајн за 10 фунти (12 евра) во наредните денови, а од 9 април цената ќе се зголеми на 16 фунти (19 евра).
Дозволата ќе биде задолжителна за сите Европејци кои сакаат да ја посетат Велика Британија од 2 април, откако истата пропусница беше воведена во јануари за граѓаните на САД, Канада и други земји на кои не им е потребна виза.
Слична дозвола за влез во земјата имаат и САД.
„Со дигитализирање на системот за имиграција, го отвораме патот за бесконтактни гранични премини во ОК“, рече министерката за миграција Сема Малхотра претходно овој месец, кога беше отворена веб-страницата за првите апликации.
Таа додаде дека проширувањето на ЕТА во земјите ширум светот „ја зајакнува посветеноста за подобрување на безбедноста преку технологија и иновации“.
Документот дозволува посети до шест месеци и важи две години. Тоа е задолжително за сите патници, вклучително и малолетни и новороденчиња.
Пропусницата може да се добие од апликација за паметни телефони или од владината веб-страница, а на Европејците им е достапна од почетокот на март.
Почнувајќи од среда, граѓаните на околу триесет европски земји, вклучително и целата ЕУ со исклучок на Ирска, ќе треба да имаат електронска дозвола за влез во Обединетото Кралство, кое ја напушти ЕУ во 2020 година. Апликантот мора да приложи фотографија од пасош и од лицето. Процесот трае околу десет минути, информираат од британското Министерство за внатрешни работи.
Во повеќето случаи, одлуката за апликацијата се носи во рок од неколку минути, но можно е да се чека и до три работни дена, велат од Владата.
Доколку апликацијата се обработи успешно, ЕТА е дигитално поврзана со пасошот на апликантот.
Патниците кои претстојуваат на аеродроми без да ја поминат границата со ОК се ослободени од оваа програма. Ова беше направено по притисокот од Хитроу, најпрометниот аеродром во Европа, кој стравуваше од губење на бројот на патници.