Свет
Кина притвори австралиска новинарка поради шпионажа, сега ѝ се заканува смртна казна
Кинеските власти ја приведоа австралиската новинарка Ченг Леи под обвинение за шпионажа, за што сега ѝ се заканува доживотен затвор, па дури и смртна казна, пишува ДВ.
Леи, австралиска ТВ-водителка со кинеско потекло, е уапсенa и обвинетa за објавување државни тајни во странство. Австралиската министерка за надворешни работи, Мариз Пејн, изјави дека Кинезите го пријавиле апсењето на Леа на 5 февруари, која е приведена без образложение од август.
Притворот за водителката, која разговараше со водачи на компании од целиот свет за државната телевизија ЦГТН, дојде во време на растечки билатерални тензии меѓу Пекинг и Канбера.
Дипломатските односи нагло се влошија на почетокот на минатата година откако Австралија започна меѓународна истрага за потеклото на коронавирусот, откриен во кинескиот град Вухан. Австралијците исто така ги критикуваа Кинезите за нивното зголемено влијание во Азиско-пацифичкиот Регион и за наводното мешање во австралиските работи.
Кина презеде голем број економски одмазднички мерки против повеќе од десетина австралиски производители, особено на јачмен, говедско месо, вино и јаглен.
Министерката Пејн рече дека австралиските дипломати ја посетиле Леи шест пати откако е уапсена.
„ Австралиската Влада редовно на највисоко ниво ја објавува својата длабока загриженост во врска со притворот на Ченг Леи“, нагласи Пејн.
Леи е вториот истакнат австралиски државјанин приведен по апсењето на писателот Јанг Хенгјун во јануари 2019 година, осомничен за шпионажа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ученик донел бомба во училиште во БиХ
Полициските службеници од Полициската администрација Приедор дејствувале по пријава на директорот на основното училиште „Петар Петровиќ Нјегош“ во близина на Приедор, дека од страна на просветен работник на тоа училиште била одземена рачна бомба од еден ученик.
Постапувајќи по пријавата, полицајците утврдиле дека се работи за бомбата „М75“ (т.н. црна бомба) без почетен дел за детонација, и како таква се смета за неупотреблива и не може да биде опасност.
За настанот бил информиран и Окружниот јавен обвинител на Приедор под чиј надзор ќе се преземаат понатамошни мерки и активности.
Информациите за споменатиот настан ќе бидат доставени до Центарот за социјална работа Приедор, пренесуваат медиумите во регионот.
Свет
ОН ги повикуваат сите земји да ја признаат Палестина
Група експерти на Обединетите нации денеска ги повикаа сите земји да ја признаат палестинската држава за да се постигне мир на Блискиот Исток.
Повикот доаѓа по една недела во која Шпанија, Ирска и Норвешка официјално ја признаа палестинската држава, што го налути Израел, кој стана се повеќе изолиран на меѓународно ниво поради војната во Газа.
Експертите, вклучително и специјалниот известувач на ОН за човекови права на палестинските територии, рекоа дека признавањето на палестинската државност е важно за правата на палестинскиот народ и неговите напори за слобода и независност.
„Тоа е предуслов за траен мир во Палестина и на целиот Блиски Исток и започнува со итно објавување на прекин на огнот во Газа и запирање на натамошните воени упади во Рафа“, нагласија тие.
„Решението за две држави останува единствениот меѓународно договорен пат кон мир и безбедност и за Палестина и за Израел и е излез од генерациските циклуси на насилство и гнев“.
Со нивното признавање, Шпанија, Ирска и Норвешка сакаат да го забрзаат постигнувањето мир во Газа. Трите земји изразија надеж дека тоа ќе го забрза признавањето на другите западни земји. Данскиот парламент подоцна одби да го стори тоа, а Словенија ќе го разгледа во вторник. Израел се противи на признавањето на Палестина, тврдејќи дека тоа го зајакнува Хамас.
Свет
Шефот на Ербас: Проблемите на Боинг се товар за целиот сектор
Проблемите со безбедноста и квалитетот на американскиот производител на авиони Боинг би можеле да ја разнишаат довербата на патниците во воздушниот транспорт, предупреди извршниот директор на европскиот конкурент Ербас.
„Проблемите во Боинг се товар за целиот сектор“, изјави извршниот директор на бизнисот со комерцијални авиони на Ербас, Кристијан Шерер, за германскиот деловен неделник WirtschaftsWoche.
„Поради проблемите на Боинг, луѓето ќе почнат да ја доведуваат во прашање безбедноста на летањето“, објасни Шерер.
Боинг повторно е под лупа откако авионот од серијата 737 MAX остана без врата на летот на Алјаска ерлајнс на почетокот на годината. Пред пет години, регулаторите ширум светот го повлекоа Боинг 737 MAX поради две тешки несреќи во кои загинаа 346 луѓе.
Шефот на европскиот производител на авиони тврди дека не планираат да ја искористат можноста за поскапување на авионите.
„Ги зголемуваме цените само кога побарувачката ја надминува понудата“, рече Шерер, додавајќи дека е тешко да се предвиди како ќе се развиваат работите.
„Би рекол дека конкурентот во неволја може да се однесува релативно непредвидливо. Доколку, поради неповолни околности, авионите се натрупаат во неговите хангари, тој може да се одлучи на распродажба“, објасни шефот на Ербас.