Свет
Кинески дисидент ги предупредил САД за коронавирусот уште во ноември 2019 година

Најпознатиот кинески дисидент, кој побегна во САД, ги предупредил разузнавачките служби таму во ноември 2019 година дека коронавирусот се шири во Вухан. Според американските медиуми, тоа било шест недели пред кинеските власти да објават дека има епидемија на коронавирусот.
Веи Џингшенг, основачот на Кинеското демократско движење, откри во новата книга „Што навистина се случи во Вухан“ дека првпат слушнал за мистериозниот нов вирус на Светските воени игри во октомври 2019 година во Вухан.
Според „Њујорк пост“, поранешниот инсајдер во Комунистичката партија на Кина бил загрижен и ги предупредил американските разузнавачки служби за инфекцијата, како и американскиот политичар кој бил поврзан со претседателот на САД, односно активистот за човекови права, Дејмон Лиу.
На прашањето дали разузнавачките служби го сфатиле сериозно во врска со неговите тврдења за вирусот во Вухан, Веи рекол дека „не биле многу загрижени“.
„Имав чувство дека не се многу загрижени, па се потрудив да им дадам уште подетаљни информации. Можеби тие не веруваа дека владата на една земја ќе сака да прикрие вакво нешто. Така постојано повторував во обид да ги убедам“, рекол Веи.
Тој изјавил дека е многу загрижен бидејќи, како што нагласил, на кој начин и да го ослободил вирусот комунистичкиот режим, имал чувство дека „Западот не е подготвен“.
Кинескиот дисидент објасни дека дознал за вирусот преку неговите контакти во Пекинг, кои се на високи позиции во земјата.
„Тој разговараше со Дејмон и некои други американски политичари во Претставничкиот дом за опасноста од оваа ситуација. Некои претставници на Белата куќа исто така присуствуваа на тие разговори во ноември 2019 година“, посочи тој.
Веи не сакаше да открие со кој американски политичар бил во контакт.
„Не сум сигурен дека политичарот би сакал да зборувам за него. Сепак, сакам да кажам дека тој беше политичар на доволно висока позиција за да стигне до претседателот на САД”, објасни овој дисидент.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Украина и Русија разменија заробеници

Украина и Русија денес одржаа нова размена на воени затвореници според јунскиот договор, без да го откријат нивниот број.
Двете земји неколку пати разменија воени затвореници во последните недели, што е единствената област на соработка меѓу двете завојувани страни кои не постигнуваат напредок во мировните преговори, според медиумите.
„На 4 јули, нова група руски војници се врати од територијата контролирана од режимот во Киев“, соопшти руското Министерство за одбрана.
Објави видео на кое се прикажани околу петнаесет војници опкружени со знамиња и извикуваат „Русија“ во автобус.
Украинскиот претседател Володимир Зеленски, исто така, ја потврди размената, велејќи дека повеќето од затворениците биле во руско заробеништво од 2022 година, вклучувајќи и цивили.
„Размените мора да продолжат. Целта на Украина е да ги ослободи сите наши сонародници притворени во Русија“, напиша Зеленски на апликацијата Телеграм.
На 2 јуни, Киев и Москва се согласија да ги ослободат сите воени заробеници под 25 години и тешко ранетите, како и да ги вратат останките на паднатите борци, што беше единствениот позитивен исход од разговорите во Истанбул.
Двете страни неодамна престанаа да откриваат информации за ослободените затвореници.
Свет
(Видео) Трамп на митинг: Демократите ме мразат, но и јас ги мразам, не можам да ги поднесам

Претседателот на САД, Доналд Трамп, повторно предизвика бран реакции со шокантна изјава, пишуваат светските медиуми.
„Тие ме мразат, но и јас ги мразам“.
Зборувајќи на митинг во Ајова, Трамп коментираше за фактот дека демократите не го поддржаа неговиот закон, кој го нарекува „одличен, прекрасен закон“. Во таа пригода, тој рече: „Тие го мразат Трамп, но и јас ги мразам, знаете? Навистина не можам да ги поднесам. Бидејќи верувам дека ја мразат нашата земја“.
BREAKING: In a shocking moment, Trump declares that he is unable to be a President to ALL Americans, as he hates Democrats. "They hate Trump, but I hate them too. I really do, I hate them. I can’t stand them."
What a small, hateful man. pic.twitter.com/hUKIGMs9g5
— Really American 🇺🇸 (@ReallyAmerican1) July 4, 2025
Изјавата веднаш предизвика остри реакции, особено од демократската страна. Ова не е прв пат Трамп да користи слична реторика кон политичките противници. Така, неодамна го нарече демократскиот кандидат за градоначалник на Њујорк, Мамдани, „луд комунист“, според написите во медиумите.
Конгресот вчера го одобри законот на Трамп, кој демократите го нарекоа „одвратна гнасотија“. Трамп тврди дека ќе ја зајакне Америка со даночна реформа и инвестиции во војската и безбедноста, додека демократите предупредуваат на укинување на бројни социјални мерки, даночни олеснувања за најбогатите и дополнително зголемување на огромниот американски јавен долг.
Свет
Зеленски се договорил со Трамп за зајакнување на заштитата на украинското небо

Претседателот на Украина, Володимир Зеленски, изјави дека за време на телефонскиот разговор со неговиот американски колега, Доналд Трамп, се согласил да „ја зајакне заштитата“ на украинскиот воздушен простор по новиот масовен напад од страна на руски беспилотни летала и ракети.
„Разговаравме за опциите за противвоздушна одбрана и се согласивме да работиме заедно за зајакнување на заштитата на воздушниот простор“, рече Зеленски на Телеграм и додаде дека разговорот бил значаен.
Шефот на кабинетот на Зеленски, Андриј Јермак, изјави претходно денес дека телефонскиот разговор меѓу Зеленски и Трамп „бил многу важен и богат“.
Трамп претходно разговараше по телефон со рускиот претседател Владимир Путин, но немаше напредок кон прекинување на руската војна во Украина, пренесуваат светските агенции.