Европа
Книга за рускиот шпион: Сергеј Скрипал првично не веруваше дека Русија се обидела да го убие
Поранешниот руски шпион Сергеј Скрипал, кој беше отруен со новичок, првично не сакал да верува дека руската Влада се обидела да го убие и продавајќи тајни за МИ-6, тој бил нескротлив руски националист, пишува во новата книга новинарот на Би-би-си, Марк Урбан. Како што се наведува во книгата, поранешниот шпион постепено почнал да сфаќа дека бил цел во Кремљ.
Скрипал се борел со тоа да ја прифати неговата ситуација по нападот врз него и неговата ќерка. Двајцата беа цел на напад во март и за малку ќе ги загубеа животите. Кога Скрипал се разбудил пет недели подоцна од кома, се наведува во кинигата, се соочил со некои „тешки психолошки прилагодувања” – не само на фактот дека во почетокот не сакал да признае дека бил цел на убиствениот заговор во Кремљ.
Урбаната книга „Документите на Скрипал“ е објавена оваа недела. Во неа Урбан се сеќава на серија состаноци со Скрипал во летото 2017 година, кога рускиот шпион живеел тивко и очигледно безбедно во куќа купена од МИ-6 во Солсбери.
Според Урбан, Скрипал рекол дека не сака да биде директно цитиран, објаснувајќи: „Гледаш, ние се плашиме од Путин”.
„Тој не веруваше дека лично е во опасност, но сакаше да избегне изјави во јавноста“, наведува авторот на книгата.
Книгата не одговара на клучното прашање за тоа зошто поранешната организација на Скрипал, ГРУ, се обиде да го убие непосредно пред претседателските избори во Русија, пренесува „Гардијан“. Неговите двајца потенцијални атентатори, полковник Анатолиј Чепига и Александар Петров, се службеници за разузнавање, смета владата.
Урбан ги поткрепува извештаите дека Скрипал ги информирал западните разузнавачки агенции по неговото преместување во Велика Британија во 2010 година, по размена на шпион. Тој патувал во САД во 2011 година, Чешката Република во 2012 година и Естонија. Минатото лето тој поминал една недела во Швајцарија за што ја информирал својата разузнавачка служба, пишува Урбан.
Сепак, овие посети не објаснуваат зошто Москва се обиде да го убие со новичок, нервен агенс од советската ера.
Сегашната локација на Скрипал е непозната. Јулија Скрипал посочи дека има намера да се врати во Русија, но досега се чини дека не го сторила тоа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.