Свет
Колку изнесува платата на војниците кои заминаа да војуваат во Украина?
Конфликтот во Украина и сè што се случува во таа земја веќе ги отвори вратите за странските борци, но и за странските платеници.
За денот на војување или „извлекување цивили“, како што официјално се нарекува работата, на која може да се пријават заинтересираните, земале плата од 1.000 до 2.000 долари, јавуваат хрватските медиуми. Платата зависи од локацијата на работното место, а има и различни бонуси.
„Сајлент партнер“, компанија со седиште во САД, која регрутира за работни места во воена зона и за лична заштита во мирно време, бара повеќе агенти и тимови за тајно евакуирање и заштита на поединци и семејства во украинските села и поголемите градови.
Околу 200 хрватски доброволци веќе пристигнаа во Украина, каде што се борат, а на тоа остро реагираше Русија.
Според официјалниот претставник на ресорот, во четвртокот во Министерството за одбрана бил поканет одбранбеното аташе на хрватската амбасада во Москва, при што, меѓу другото, бил информиран дека руската страна била запознаена со доаѓањето на платениците.
„На военото аташе му беа посочени незаконските активности на хрватскиот државјанин Денис Шелер, кој учествуваше во воените дејствија во југоисточна Украина во 2015 година, формирајќи одреди од хрватски платеници кои требаше да бидат испратени во Украина“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Нема струја, водата носи мостови, расте бројот на исчезнати во Швајцарија (ВИДЕО)
Во Швајцарија неколку лица се водат како исчезнати во кантон Тичино на југоистокот на земјата, по свлечиште предизвикано од силни дождови што ја зафатија оваа алпска земја, соопшти полицијата.
„Големите бури предизвикаа свлечиште во регионот Фонтана и луѓе се пријавени како исчезнати“, се наведува во соопштението на полицијата без да изнесат дополнителни детали.
Спасувачките акции се особено тешки поради лошите временски услови, додаваат од полицијата. Апел за евакуација од куќите во близина на реката Маги е упатен рано утрово за жителите на Прат-Сорника и долината Маги, каде се бараат исчезнатите. Патиштата се пресечени, а камповите што се наоѓаат покрај реката се евакуирани, соопшти кантоналната полиција. Водата однесе мост и блокираше кантонален пат. Струјата е исклучена во делови од регионот, а дел од кантонот остана без питка вода, според федералниот систем за предупредување Swissalert. Голем дел од Швајцарија од вчера попладне беше погоден од силни грмежни невремиња проследени со многу обилни врнежи.
⛈️ Nouvelle catastrophe à Zermatt en Suisse où des orages diluviens causent des inondations cette nuit, 8 jours après les précédentes. 🌊 (© Manuel Jorge) pic.twitter.com/eYuKmHmZT5
— Météo Express (@MeteoExpress) June 29, 2024
Европа
Русија соопшти дека соборила 36 дронови испратени од Украина
Системите на руската противвоздушна одбрана уништија 36 дронови, испратени од Украина во текот на изминатата ноќ кон територијата на Русија, соопшти Министерството за одбрана во Москва.
Петнаесет беспилотни летала се соборени над Курска област, девет над Липецка, по четири над Воронешка и Брјанска и по два над Орловска и Белгородска, посочи Министерството во објава на социјалната мрежа Телеграм.
Европа
Четиринаесетгодишно девојче е киднапирано во Грција, во месноста Лариса
Четиринаесетгодишно девојче е киднапирано во Грција, во месноста Лариса, а активирана е „Амберт алерт“ – килибарна тревога. Девојчето Хрисула Хрисобаланти исчезнало на 27 јуни околу 20.30 часот. Се претпоставува дека девојчето било киднапирано од постаро лице.
Медиумите пренесуваат дека девојчето е високо 155 сантиметри, тешко 55 килограми, долга кафена коса и темнозелени очи.
Во моментот на нејзиното исчезнување носела зелени бермуди, бела маица и бели влечки.
Грчките власти пред неколку дена известија дека трагаат по девојчето Константина-Ирини Р.(16), кое исчезна од предградието Ахарнес во Атина.
Според грчките медиуми, девојчето последен пат била видена во неделата на 16 јуни во вечерните часови.