Свет
Коронавирусот во САД бил присутен уште во 2019 година, покажа најнова студија
Најново истражување покажа дека Ковид-19 пристигнал во САД кон крајот на 2019 година.
Новата анализа на примероци од крв од 24.000 Американци, донесена на почетокот на 2020 година, е најновото и најголемо истражување што сугерира дека вирусот пристигнал во САД во декември 2019 година.
Тоа беше неколку недели пред здравствените власти да го забележат првиот случај на коронавирус, пренесуваат американските гласила.
Анализата не е конечна, а некои експерти остануваат скептични.
Сепак, федералните здравствени власти сè повеќе ја прифаќаат временската рамка во која во САД можеле да се појават мал број заразени од Ковид-19 пред светот да стане свесен за опасниот нов вирус што излезе во Кина.
Студијата е објавена вчера во списанието „Клинички инфективни болести“, пренесуваат агенциите.
„Студиите се прилично конзистентни“, рече Натали Торнбург од Центарот за контрола и превенција на болестите (ЦДЦ).
„Веројатно тука имаше многу ретки и спорадични случаи порано отколку што знаевме. Но, тоа не беше раширено. Зголемувањето на бројот на заразени лица се случи дури на крајот на февруари“, рече таа.
Во студија предводена од ЦДЦ, објавена во декември 2020 година, биле анализирани 7.000 примероци на донации на крв од Црвениот крст на САД.
Притоа било заклучено дека некои Американци биле заразени од коронавирус веќе во средината на декември 2019 година.
Најновото истражување беше спроведено од тим што вклучува истражувачи од Националниот институт за здравство.
Тие анализирале примероци на крв од повеќе од 24.000 луѓе во целата земја, собрани во првите три месеци од 2020 година како дел од долгорочна студија.
Коронавирусот се појави кон крајот на 2019 година во Вухан, Кина. Официјално, првиот заразен пациент во САД бил патник од државата Вашингтон, кој се вратил од Вухан на 15 јануари и побарал лекарска помош на 19 јануари, пренесуваат медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Египет ги повика Хамас и Израел да покажат флексибилност и да постигнат договор за прекин на огнот во Газа што е можно поскоро
Египет апелираше до Хамас и Израел да покажат флексибилност за што поскоро да се постигне прекин на огнот во борбите во Газа, соопшти утрово египетското Министерство за надворешни работи. Египет смета дека преговорите во Каиро не доведоа до прекин на огнот. Тие во моментов се во „деликатна фаза“, а делегациите на Хамас и Израел го напуштија главниот град на Египет, се наведува во соопштението.
Во телефонски разговор со американскиот државен секретар Ентони Блинкен, египетскиот министер за надворешни работи Самех Шукри ја нагласи „важноста да се повикаат страните да покажат флексибилност и да ги направат сите неопходни напори за постигнување договор за прекин на огнот и на тој начин да се стави крај на хуманитарната трагедија во Газа. соопшти Министерството.
Каиро стравува од опасноста, израелската операција во Рафах да ја загрози стабилноста и безбедноста на регионот, се додава во соопштението на египетската дипломатија.
Блинкен потврди дека Соединетите Американски Држави се против голема воена операција во Рафах и какво било принудно раселување на Палестинците од Газа, изјави неговиот портпарол Метју Милер.
Израелската армија во вторникот распореди тенкови во Рафах и ја презеде контролата на граничниот премин со Египет, блокирајќи го главниот премин за конвои со хуманитарна помош кон опколената палестинска територија.
Свет
Десетици илјади Палестинци бегаат од Рафах
Десетици илјади раселени Палестинци ги спакуваа своите шатори и други работи и бегаат од Рафах во други делови на Појасот Газа поради израелската закана од инвазија, пишува АП.
Израел постојано се закануваше дека ќе го нападне Рафах, каде засолниште побараа околу 1,3 милиони Палестинци, повеќе од половина од населението на Газа.
Еден од раселените рече дека не знае каде да оди.
Израелскиот премиер Бенјамин Нетанјаху денеска изјави дека американската закана дека нема да достави одредено оружје нема да го спречи Израел да продолжи со офанзивата во Појасот Газа.
Во текот на оваа недела израелските сили започнаа ограничена операција при која го зазедоа граничниот премин Рафах од палестинска страна и го блокираа влезот на хуманитарна помош.
ОН објавија дека северот на Појасот Газа веќе е во состојба на „тотален глад“.
Израел смета дека Рафах е последното упориште на борците на палестинското движење Хамас и дека армијата мора да влезе во тој град за да го уништи тоа движење и да ги врати заложниците кои беа киднапирани на 7 октомври.
Европа
Украина: Русите го нападнаа Харков, уништени се згради, меѓу повредените има и дете
Украина ги уништи сите 10 беспилотни летала во руски напад во текот на ноќта, но две лица се повредени, а станбени згради во регионот Харков беа зафатени од пожар, соопштија денеска украинските власти.
Воздухопловните сили на Телеграм соопштија дека Русија лансирала и две противвоздушни наведувани ракети. Портпаролот на украинските воздухопловни сили во телевизиски пренос изјави дека руските ракети најверојатно биле насочени кон североисточниот град Харков.
Гувернерот на регионот Харков, Олех Синехубов, рече дека три станбени куќи биле запалени, а десетици биле оштетени како резултат на рускиот напад, чија цел, според него, била и инфраструктурата и станбените области. На фотографиите што ги објави Синехубов на Телеграм, се гледаат големи пламени јазици од станбените згради.
„Две лица, меѓу кои и едно 11-годишно дете, се ранети во нападот и се на медицинска помош“, рече Синехубов на апликацијата Телеграм.
Ројтерс сè уште не ја потврди независно оваа вест. Москва негира дека цели на цивили во овие „легитимни напади врз воената, енергетската и транспортната инфраструктура на Украина“.