Свет
Крвавата војна меѓу Хамас и Израел однесе повеќе од 4.500 животи, меѓу нив Тајланѓани, Французи, Аргентинци

Многу странци загинаа или беа убиени, земени како заложници или исчезнаа по нападот на Израел на 7 октомври од страна на исламистичкото движење Хамас, проследен со израелски одмазднички напади врз Појасот Газа.
Во конфликтот загинаа повеќе од 1.400 на израелска страна и околу 3.000 на палестинска страна, соопштија нивните власти.
Според АФП, смртта на речиси 170 странски државјани, од кои многумина имале и израелско државјанство, ја потврдиле властите на нивните земји.
Во ажурираниот извештај во понеделникот израелската армија објави дека 199 лица биле заробени од Хамас. Вооруженото крило на ова исламистичко движење соопшти дека има помеѓу 200 и 250 заложници.
Најмалку 30 Американци се убиени, соопшти Стејт департментот во неделата, тринаесет се водат како исчезнати, а претседателот Џозеф Бајден изјави дека Американците се меѓу оние што се приведени од Хамас.
Дваесет и осум Тајланѓани загинаа во конфликтот, според Бангкок, 17 беа киднапирани, а 16 беа повредени.
Околу 30.000 Тајланѓани работат во Израел, главно како земјоделски работници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
„Шпионирала за Киев, планирала да труе војници“: Русите уапсија готвачка на Крим

Федералната служба за безбедност (ФСБ) на Русија објави дека уапсила 45-годишна Русинка, главен готвач во ресторан во Севастопол, на Крим, под сомнение за шпионажа за Украина и план за труење руски војници, објави „Киев пост“.
Неименуваната жена, која е во притвор, е обвинета дека работела за Главната дирекција за разузнавање на Украина (ХУР) во последните две години. ФСБ тврди дека таа ги понудила своите услуги на украинската разузнавачка служба уште во септември 2023 година.
Таа наводно користела „Воцап“ за да споделува информации со своите врски за локациите и за рутите на рускиот воен персонал и опрема во Севастопол, поранешното главно пристаниште на руската Црноморска флота. ФСБ конкретно тврди дека таа фотографирала бродови на Црноморската флота стационирани во Севастополскиот Залив, кои подоцна биле користени од украинските вооружени сили за планирање ракетни напади.
Таа е обвинета и за план за труење припадници на руските специјални сили, кои го посетувале ресторанот во кој работела.
Кримскиот одред на ФСБ соопшти дека жената е обвинета за велепредавство според член 275 од Рускиот кривичен законик додавајќи дека истрагата за нејзините криминални активности е во тек. Во соопштението за медиумите на ФСБ се наведува дека ова е уште еден пример за тоа како „украинските специјални служби ја дестабилизираат општествено-политичката ситуација и предизвикуваат економска штета на државата со активно регрутирање сторители на саботажи и терористички напади“.
фото: принтскрин
Регион
(Видео) Општа тепачка на свадба во Србија: гостинка ја удри невестата, возврати младоженецот

Свадбена прослава во Горњи Милановац се претвори во вистинска драма кога избувна масовна тепачка меѓу гостите.
Според порталот „192.рс“, инцидентот почнал кога гостинка на свадбата, од причини што засега се непознати, физички ја нападнала невестата и ја удрила.
Потоа реагирал младоженецот обидувајќи се да ја заштити својата сопруга, а конфликтот набргу се проширил и на другите гости.
View this post on Instagram
Според снимката, во салата владеел целосен хаос, а некои од присутните се обидувале да ја смират ситуацијата.
фото: принтскрин
Регион
Дојава за бомба на имотот на Милорад Додик

Утрово, во Бања Лука е примена пријава за поставена бомба на имотот на Милорад Додик, поранешниот претседател на Република Српска.
Според Радио Сараево, полицијата веднаш излегла на местото на настанот и спроведува контрадиверзиска инспекција на имотот.
Претходно наутро, примена е и пријава за бомба во хотелот „Палас“ во Бања Лука. Министерството за внатрешни работи на РС извршило увид и утврдило дека станува збор за лажна пријава.
фото: принтскрин