Свет
Кремљ: ЕУ ќе ја предводат две жени кои не сакаат нормализација на односите со Русија
![](https://makfax.com.mk/wp-content/uploads/2024/06/43a1f4b9-ea66-4a3d-9441-7e67ddfe6c51.jpg)
Кремљ денеска соопшти дека изгледите за односите меѓу Русија и Европската унија се лоши откако лидерите на земјите-членки на ЕУ ја номинираа Урсула фон дер Лајен за уште еден мандат на чело на Европската комисија и ја избраа естонската премиерка Каја Калас за висока претставничка за надворешната политика.
Портпаролот на Кремљ, Дмитриј Песков, изјави пред новинарите дека одлуката на Унијата да ја номинира Урсула фон дер Лајен за втор петгодишен мандат нема да промени ништо.
„Госпоѓата Фон дер Лајен не се залага за нормализација на односите меѓу ЕУ и Русија. Така ја знаеме, така ја паметиме. Ништо не се менува во таа смисла“, рече Песков.
Унијата се мобилизираше за финансиска и воена помош на Киев во неговата борба против Русија откако рускиот претседател Владимир Путин испрати десетици илјади војници во Украина во 2022 година.
Брисел, исто така, воведе повеќе пакети санкции за Москва за да се обиде да ја принуди да ги повлече своите сили.
Коментирајќи го изборот на естонската премиерла Калас за шеф на европската дипломатија, Песков рече дека таа е позната по својата антитурска реторика.
„Госпоѓа Калас исто така не покажа дипломатски склоности, а кај нас е позната по своите апсолутно бескомпромисни и понекогаш отворено антитурски ставови“, рече тој.
„Затоа, не мислиме дека европската дипломатија на кој било начин ќе придонесе за нормализирање на односите. Лоша е перспективата што се однесува до односите меѓу Москва и Брисел“, додаде.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Нема струја, водата носи мостови, расте бројот на исчезнати во Швајцарија (ВИДЕО)
![](https://makfax.com.mk/wp-content/uploads/2017/07/oBK9lwTeiv-i-istanbul-pod-voda-poplavite-predizvikale-haos-i-vo-turcija.jpeg)
Во Швајцарија неколку лица се водат како исчезнати во кантон Тичино на југоистокот на земјата, по свлечиште предизвикано од силни дождови што ја зафатија оваа алпска земја, соопшти полицијата.
„Големите бури предизвикаа свлечиште во регионот Фонтана и луѓе се пријавени како исчезнати“, се наведува во соопштението на полицијата без да изнесат дополнителни детали.
Спасувачките акции се особено тешки поради лошите временски услови, додаваат од полицијата. Апел за евакуација од куќите во близина на реката Маги е упатен рано утрово за жителите на Прат-Сорника и долината Маги, каде се бараат исчезнатите. Патиштата се пресечени, а камповите што се наоѓаат покрај реката се евакуирани, соопшти кантоналната полиција. Водата однесе мост и блокираше кантонален пат. Струјата е исклучена во делови од регионот, а дел од кантонот остана без питка вода, според федералниот систем за предупредување Swissalert. Голем дел од Швајцарија од вчера попладне беше погоден од силни грмежни невремиња проследени со многу обилни врнежи.
⛈️ Nouvelle catastrophe à Zermatt en Suisse où des orages diluviens causent des inondations cette nuit, 8 jours après les précédentes. 🌊 (© Manuel Jorge) pic.twitter.com/eYuKmHmZT5
— Météo Express (@MeteoExpress) June 29, 2024
Европа
Русија соопшти дека соборила 36 дронови испратени од Украина
![](https://makfax.com.mk/wp-content/uploads/2024/04/shahed-136-dron00002-830x0.jpg)
Системите на руската противвоздушна одбрана уништија 36 дронови, испратени од Украина во текот на изминатата ноќ кон територијата на Русија, соопшти Министерството за одбрана во Москва.
Петнаесет беспилотни летала се соборени над Курска област, девет над Липецка, по четири над Воронешка и Брјанска и по два над Орловска и Белгородска, посочи Министерството во објава на социјалната мрежа Телеграм.
Европа
Четиринаесетгодишно девојче е киднапирано во Грција, во месноста Лариса
![](https://makfax.com.mk/wp-content/uploads/2024/06/isceznata.jpg)
Четиринаесетгодишно девојче е киднапирано во Грција, во месноста Лариса, а активирана е „Амберт алерт“ – килибарна тревога. Девојчето Хрисула Хрисобаланти исчезнало на 27 јуни околу 20.30 часот. Се претпоставува дека девојчето било киднапирано од постаро лице.
Медиумите пренесуваат дека девојчето е високо 155 сантиметри, тешко 55 килограми, долга кафена коса и темнозелени очи.
Во моментот на нејзиното исчезнување носела зелени бермуди, бела маица и бели влечки.
Грчките власти пред неколку дена известија дека трагаат по девојчето Константина-Ирини Р.(16), кое исчезна од предградието Ахарнес во Атина.
Според грчките медиуми, девојчето последен пат била видена во неделата на 16 јуни во вечерните часови.