Свет
Курц: Тие што нема да се вакцинираат може да наидат на проблеми
Австрискиот канцелар Себастијан Курц порача дека во Австрија нема да биде задолжителна вакцинацијата против коронавирус. Но, тој сепак нагласи дека оние кои нема да се вакцинираат, би можеле да наидат на проблеми.
„ Останува личната одлука на секој поединец дали ќе се вакцинира. Владата нема да воведе задолжителна вакцинација“ изјави Курц, наведувајќи дека може авиокомпаниите или организатори на манифестации да воведат такви правила.
„ Многу земји во светот сè уште бараат докази за вакцините, на пример против хепатитис, маларија или тифус. Тоа би можело да биде слично и за коронавирусот во иднина “, објасни тој во изјавата за дневниот весник „Кронен цајтунг“.
Курц најави дека ќе биде вакциниран што е можно поскоро.
Претходно, на прашањето зошто не се вакцинирал на самиот почеток на вакцинацијата, Курц рече дека тој, како и другите членови на владата, не сака привилегиран статус, бидејќи на ред се ризичните групи. Кога станува збор за враќање на нормалноста, канцеларот повтори дека не очекува тоа да се случи многу наскоро.
„ Во следните месеци, поради ниските температури, лошиот имунолошки систем ќе биде многу предизвикувачки. Третиот бран веќе силно погодува многу земји, како што се Чешка или Холандија. Сите овие се сигнали дека овој развој може да се случи и кај нас. Ќе треба уште време за соодветните групи да бидат вакцинирани“, потенцира Курц.
На прашањето дали може да има четврто заклучување на државата, на пример, во март, Курц вели дека никој не може да ја исклучи таа можност, бидејќи целта е да се спречи тријажа на интензивната нега. Нагласи дека го загрижуваат факторите врз кои никој нема влијание, а тоа се, на пример, мутации, како што сега има во Велика Британија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Германија сака да ги подготви децата за војна преку училишна програма: „Тоа е разумна подготовка“
Германскиот сојузен министер за внатрешни работи Александар Добриндт (CSU) предложи учениците во училиштата систематски да се учат како да реагираат во кризни ситуации и во случај на војна. Тој планира да го презентира својот план во ноември на конференција на државните министри за внатрешни работи, а тој би вклучувал воведување на специјални двочасовни предавања.
„Важно е младите луѓе да разберат какви закани може да постојат и како да се подготват за нив. Децата се важни пренесувачи на знаење во семејството“, изјави Добриндт за весникот Ханделсблат, објави DW.
Остри реакции во Бундестагот
Предлогот предизвика жестоки реакции во германскиот парламент. Опозициската левица верува дека ова „шири страв кај децата и младите“, додека десничарската радикална Алтернатива за Германија (AfD) го обвини министерот за „подбуцнување војна“. Пратеникот на AfD, Готфрид Курио, тврди дека Добриндт сака „да ја направи војната неизбежен дел од секојдневниот живот“.
Од друга страна, Зелените веруваат дека идејата има смисла, но дека не е доволна. Нивниот претставник, Леон Екерт, предлага постојниот „Ден на предупредување“ да се прошири во национален ден за вежбање со цел практично да се подготват граѓаните за кризни ситуации.
Ова не е прв пат слична идеја да се дискутира во Германија. Уште за време на мандатот на претходната влада, тогашната министерка за образование Бетина Старк-Вацингер (ФДП) презентираше сличен предлог, осврнувајќи се на практиката во Велика Британија, каде што вежбите за вонредни ситуации се дел од училишната програма.
Добриндт, исто така, најави нов „пакт за заштита на населението“, кој би вклучувал подобрување на системот за предупредување, означување на заштитни зони и обезбедување основни потреби во вонредни околности.
„Нема ништо лошо во тоа секој да има основна залиха од храна, батерии и радио дома. Тоа не е паника, тоа е разумна подготовка“, рече Добриндт. Тој додаде дека интересот на граѓаните за прирачниците за цивилна заштита е голем, што покажува дека луѓето „сакаат да бидат подготвени“ во случај на криза.
Фото: принтскрин
Свет
Зеленски: Украина и нејзините сојузници ќе работат на план за прекин на огнот во наредните денови
Украина и нејзините сојузници се согласија да работат на план за прекин на огнот во следните десет дена, изјави претседателот Володимир Зеленски за „Аксиос“ по предлогот на американскиот претседател да се запре војната на сегашните граници.
„Неколку брзи точки како план за прекин на огнот. Одлучивме дека ќе работиме на тоа во следната недела или десет дена“, изјави украинскиот лидер за „Аксиос“ во интервју објавено во понеделникот.
Зеленски додаде дека Украина, за да изврши притисок врз Русија за разговори, бара од американската администрација не само ракети „томахавк“ туку и слични работи што не бараат долгорочна обука, пренесува „Ројтерс“.
Фото: принтскрин
Свет
Трамп подложен на преглед со магнетна резонанција: „Беше совршено“
Претседателот на САД, Доналд Трамп, во понеделникот изјави дека бил подложен на магнетна резонанција, без да каже зошто.
„Беше совршено“, им рече тој на новинарите во авионот „ер форс уан“ на пат кон Токио.
Магнетната резонанција користи магнети и радиобранови за да создаде детаљни слики од внатрешноста на телото. Може да се користи за следење голем број состојби.
Порано овој месец, како што анализираат медиумите, лекарот на американскиот претседател изјави дека по медицинската процена, се утврдило дека Трамп е во „исклучителна здравствена состојба“.
Во јули Белата куќа откри дека Трамп имал оток во долниот дел на нозете и модринки на десната рака откога фотографиите го покажаа претседателот со отечени глуждови и шминка што го покрива засегнатиот дел од раката.
Фото: принтскрин

