Регион
Лавров: НАТО и ЕУ сакаат да го претворат Балканот во нивен проект – „Затворен Балкан“

Шефот на руската дипломатија, кој денеска требаше да престојува во дводневна посета на Белград, што беше спречено со тоа што Бугарија, Северна Македонија и Црна Гора го забранија летот на неговиот авион, вели дека се случило нешто незамисливо и дека тоа претставува лишување на една суверена држава од нејзините права за остварување на надворешната политика за која го обвини Брисел, пренесуваат српските медиуми.
„Главната работа е што никој нема да може да ги уништи нашите односи со Србија, како и дека НАТО и ЕУ сакаат да го претворат Балканот во свој проект наречен ‘Затворен Балкан’“, изјавил Лавров.
„Ова е многу поучна информација, што ЕУ ги активира најниските начини на дејствување врз лидерите на оние земји што не сакаат да го потиснат нивното достоинство и интересите, а сето тоа е спротивно на меѓународното право. Посетата на министерот за надворешни работи на Русија на Србија од страна на ЕУ беше сфатена како закана“, рече Лавров на прес-конференција во Москва.
Тој потсети на изјавите на поранешниот премиер на Шведска, Карл Билт, и на американскиот амбасадор во Белград, Кристофер Хил, кои изјавија дека најлошото нешто што Србија може да го направи за да тргне по својот пат од европска перспектива е да го прими шефот на руската дипломатија и треба да избере Исток или Запад и посочи дека „дури и на неискусен набљудувач му е јасно дека во Брисел нема место не само за суверена еднаквост на државите туку и за слобода на избор, за која Западот постојано се залага“.
„Треба да има слобода на избор на партнери за што се залагаше и самиот Запад, а тој самиот го уништи тој избор“, рече Лавров.
Тој додава дека Западот многупати покажал дека „ќе изврши притисок не бегајќи од ниските средства и мерки, дури и за време на трагичното бомбардирање на СР Југославија во 1999 година“.
Тој се осврнал и на тоа што неговиот авион не добил дозвола за летање од трите земји – српски соседи наведувајќи дека би се рекло оти тие самите ја донеле таа одлука, „но знаеме како било“, додал тој.
Нагласувајќи дека ништо нема да ги уништи односите меѓу Србија и Русија, тој најавил дека Москва го поканила шефот на српската дипломатија, Никола Селаковиќ, што побргу да дојде во Русија.
„Се надевам дека авионот со кој ќе лета нема да биде подложен на срам од Брисел, кој целосно го загуби својот лик“, рекол Лавров.
Тој изјавил дека Брисел не сака Лавров и српските претставници да разговараат за „нивното стратешко партнерство, кое бргу се развива, како и за меѓународните прашања.
„НАТО и ЕУ сакаат да го претворат Балканот во нивен проект наречен ‘Затворен Балкан’“, изјавил Лавров, според медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Албанска министерка го разреши својот заменик поради непочитување на забраната за пушење

Министерката за внатрешни работи на Албанија, Албана Кочиу, го разреши својот заменик поради непочитување на забраната за пушење во ресторан во САД, објавува „Спутник“.
Таа потврди на социјалните мрежи дека го сторила тоа врз основа на пријавата на албански државјанин кој живее во Њујорк, каде што бил во посета нејзиниот заменик Анди Махила. Како што изјави, тој пушел цигара во ресторанот „што предизвикало немир кај присутните“.
Албана Кочиу е првата жена на чело на полицијата во историјата на Албанија, а во претходната влада беше министерка за здравство.
Фото: принтскрин
Регион
Улиците во Белград оштетени за време на воената парада

Јавното комунално претпријатие Белград (ЈКП) доби наредба денес да излезе на терен и да започне со поправка на патиштата оштетени за време на воената парада „Силата на единството“ во саботата во српскиот главен град.
Членови на кабинетот на српскиот министер за одбрана и Секторот за инфраструктура и стандардни услуги вчера ја посетија рутата на парадата со претставници на Град Белград, Јавното комунално претпријатие Путеви Београда и ЈКП Белград за да ја утврдат штетата предизвикана за време на подготовките и одржувањето на парадата.
На жителите на Белград претходно им беше ветено дека сè ќе биде вратено во првобитната состојба, објавува Нова.рс.
Во саботата во Белград се одржа воена парада насловена како „Силата на единството“, на која учествуваа околу 10.000 војници. На парадата присуствуваа претставници на српскиот државен врв, предводени од претседателот Александар Вучиќ.
фото: принтскрин
Регион
Милановиќ: Луѓето на водечките позиции, особено во Европа, работат многу лошо

„Времињата во кои живееме денес се депресивни и не се добри. Луѓето што се на лидерски позиции, особено во Европа, работат многу лошо и воопшто не се на ниво на задачата. Некои работи се нерешливи, а начинот на кој се решаваат води кон понатамошен антагонизам и евентуално војна“, рече хрватскиот претседател Зоран Милановиќ во неделата вечерта во Њујорк.
Споредувајќи го времето на Студената војна со денешната ситуација, Милановиќ потсети дека тогаш било исклучително тешко и дека се потребни голема концентрација за разни луѓе да седнат и да разговараат за важни прашања.
„Во последните дваесет години сè е нарушено, безбедносната архитектура на светот, особено на западниот свет и на северната хемисфера, повеќе не постои“, рече тој и додаде дека денес живееме во тешки времиња и затоа мора да се погледнеме себеси, нашата работа и нашите интереси и да видиме дека не се истакнуваме премногу во сојузите во кои сме – НАТО и Европската Унија“.
Зборувајќи за ситуацијата во ЕУ и улогата на Хрватска, Милановиќ нагласи: „За жал, работите не функционираат онака како што требаше. Не мислам на привремени и повремени пласмани на пари што доаѓаат во Хрватска за претежно непродуктивни проекти и работи што нема да ја направат Хрватска технолошка сила и нема да ја направат побогата земја. Но, подобро е да го имаме тоа бидејќи кога ќе престане, ќе имаме нови сериозни предизвици. Денес, Хрватска мора да биде лојална на сојузите во кои е членка и мора да ги почитува обврските што ги презела, но исто така никогаш не смееме да дозволиме да бидеме вовлечени во комбинации и авантури што не сме ги кроеле бидејќи тоа не е солидарност. Никој не може да го бара тоа од нас и нема да го добие, според мене“.
Осврнувајќи се на војната во Газа, Милановиќ изјави: „Можеме да се залагаме за признавање на Палестина. Велат дека нема многу да се промени. Па, нема, но некои работи треба да се решат за да се продолжи понатаму. Светот нема да биде подобар и поубав, секогаш ќе биде исполнет со кризи, дефекти и недостатоци и ние мора да се приспособиме на тоа“.
Фото: принтскрин