Свет
„Ламбда“-нов вид на коронавирус се шири низ Латинска Америка, експертите загрижени
Додека научниците во Германија предупредуваат на опасноста од „делта“ или т.н индиски сој на коронавирус, во светот веќе се шири нова варијанта на коронавирусот.
Научниците сега треба да истражуваат колку е опасен вирусот „ламбда“ што брзо се шири, особено во Латинска Америка.
Вирус Ц37 или едноставно ламбда. Можно е наскоро името на овој вид да се најде на насловните страници низ целиот свет. Пред една недела, Светската здравствена организација го класифицираше овој вид во категоријата „под опсервација“, бидејќи доведува до чести инфекции и се појавува истовремено во неколку земји. Поточно, во 29 земји, а седум од нив се латиноамерикански земји: Бразил, Колумбија, Еквадор, Мексико, Аргентина, Перу и Чиле.
Варијантата „ламбда“ првпат се појави во август 2020 година во Перу. Скоро една година подоцна, тој вид доминира таму со 82 проценти. Во Чиле, овој вид ја предизвикува секоја трета инфекција.
Хаиро Мендез-Рико, експерт за вирусни заболувања во Светската здравствена организација, изјави дека досега нема индикации за агресивно однесување на варијантата „ламбда“.
„Иако постои можност за поголема стапка на инфекција, сепак немаме докажано истражување за споредување на овој вид со веќе постоечките соеви „гама“ и „делта “.
„Гама“ и „делта“ соевите, како и претходните „алфа“ и „бета“ варијанти на коронавирус, спаѓаат во „загрижувачките соеви“ . Докажано е дека се повеќе заразни, потешко се контролираат и доведуваат до сериозни болести“, вели Мендез-Рико.
Потенцира дека вакцината е ефикасен лек против мутантни соеви: “Сите одобрени вакцини се генерално ефикасни против сите варијанти на коронавирус кои се во оптек низ целиот свет. Нема причина да претпоставуваме дека тоа не е случај и со „ламбда“ сојот”.
Многу научници тврдат дека пандемијата ќе заврши само кога ќе се вакцинираат 80 проценти од светската популација. Дотогаш, постојано може да се појавуваат нови варијанти на вирусот. Сепак, Хаиро Мендез-Рико смирува: “Иако ја има таа можност, во моментот нема индикации дека варијантите се поопасни или доведуваат до зголемена смртност. Коронавирусот веројатно ќе стане заразен во својот еволутивен процес, но не повеќе штетен за домаќинот “.
Пабло Цукајама е баран соговорник кога станува збор за „ламбда-вирусот“. Овој перуански микробиолог, со неговиот тим од Универзитетот Кајетано Хереди во Лима, ја откри оваа варијанта во неговата татковина.
“Во декември, имавме само 200 инфекции со вирусот „ламбда“. На крајот на март, тоа беше половина од сите нови инфекции во Лима, а сега, три месеци подоцна, тоа е 80 проценти во целата земја. „Ламбда“ стана доминантен вид во Перу за многу кратко време“, вели тој.
Цукајама потсетува дека новата варијанта најде идеални почетни услови во неговата земја.
„Ние сме земјата што помина најлошо во пандемијата, имаме 187. 000 починати и највисока стапка на смртност во светот. Затоа, не е ни чудо што се појави нова варијанта токму тука“, посочи експертот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик: Британски специјалци се дојдени во Република Српска да ме убијат
Милорад Додик, претседателот на Република Српска и осуден бегалец кој е наведен како бегалец во Федерацијата на Босна и Херцеговина, во интервју за Новости упати сериозни обвинувања.
Тој тврди дека „тројца претседатели на европски земји и еден премиер“ му кажале дека во Босна и Херцеговина е префрлена британска воена единица со многу специфична задача – негова ликвидација.
„Тоа не е класична единица. Станува збор за четириесет војници кои пристигнаа со јасна наредба – не да ме уапсат, туку да ме убијат. И тоа под изговор дека давам отпор. Мафијашки принцип – ако отстраните човек, го отстранивте проблемот. Лидерите од Европа ми го потврдија тоа. Тие не се откажаа, но засега молчат“, вели Додик.
Тој во интервјуто нагласува дека не живее во страв и дека слободно се движи, отфрлајќи ги тврдењата дека е изолиран.
„Никогаш нема да бидам скршен од политичките процеси. Нема да се откажам од борбата за Република Српска“, вели тој.
Додик открива и дека официјални лица од Брисел наводно го советувале да се засолни.
Регион
Сестри си размениле пцости, па тупаници за имотот на нивниот татко
Две сестри се степале за имотот на нивниот покоен татко! Сè експлодирало во двор во Цазин (БиХ) кога жените, откако си размениле остри зборови, почнале да си разменуваат удари. Соседите зачудено гледале како драматичниот конфликт ги вознемирува локалните жители, принудувајќи ја полицијата да интервенира.
„Прво дошло до жестока расправија во дворот од куќата на нивниот покоен татко, а потоа сето тоа прераснало во физичка пресметка“, вели еден од соседите, кој сакал да остане анонимен.
Според него, спорот настанал околу поделбата на имотот на нивниот татко – земјиште и стара рурална станбена зграда.
„Беше страшно да се гледаат две сестри како се тепаат пред луѓе кои со години ги познаваат како мирни и резервирани луѓе“, додава сосед.
Свет
(Видео) Шокантни видеа, Руси лежат на под во теретана, а полицијата бира кој ќе оди во војна
За време на вечерното вежбање во фитнес центарот „Спирит“ во југоисточна Москва, на посетителите ненадејно им било наредено да легнат на подот, пренесува британски Дејли Телеграф.
Ова не беше дел од обуката, туку наредба на руската полиција која бараше илегални мигранти и оние кои бегаат од мобилизација.
Според активистите за човекови права, ваквите рации се спроведуваат со недели во бројни руски градови, а започнале уште пред Владимир Путин да потпише наредба за мобилизирање на 160.000 мажи како дел од редовниот пролетен повик, најголем од 2011 година.
На една од објавените снимки пишува: „Гестапо на Путин напаѓа во спортски сали“.
Russia: Putin’s gestapo raided a Spirit Fitness club in Moscow to collect cannon fodder for the invasion of Ukraine.
The gym chain has 20 locations across the city. pic.twitter.com/H8K0SEDMk5— Igor Sushko (@igorsushko) March 30, 2025
Очевидци велат дека полицијата ги одвојува граѓаните и странците во спортските сали.
Русите биле однесени во воени канцеларии каде им била проверена воената евиденција.
Странците се обвинети за кршење на прописите за имиграција и им се нудат две опции: депортација или регрутирање во војска, пишува „Current Time“, независна руска медиумска платформа.
Снимката од рацијата на 30 март во „Spirit Fitness“ покажува десетици мажи и жени како лежат на стомак со рацете над главите.
Неколку дена подоцна беше извршена рација во друга експозитура од истата спортска сала.
Сведоците изјавија за „Current Times“ дека жените биле ослободени, додека мажите биле подредени по етничка припадност и националност, по што од нив се барало да ги покажат своите документи.
„Трчав на лентата за трчање, ја гледав емисијата, никому не му пречев. Одеднаш, некој ме удри по рамо. Се симнувам од лентата за трчање и ги гледам сите како лежат на стомак на подот“, изјави еден посетител на теретана за каналот Телеграм, „msk1_news“.
Russians rounding up young men at a Saint Petersburg MMA club. pic.twitter.com/Ok0qVCOE9d
— Drew Pavlou 🇦🇺🇺🇦🇹🇼 (@DrewPavlou) February 9, 2025
Друг изјави за „Current Times“ дека полицијата барала сите мажи да ги покажат своите пасоши, кои веднаш биле проверени за воени информации.
„Ќе го отвореа пасошот, ќе свртеа страница со воените досиеја. Ако пишуваше дека треба да служиш, веднаш ќе те одведат во воената канцеларија, без разлика на сѐ“, вели сведокот.
Активистите за човекови права тврдат дека на мигрантите обвинети за помали прекршоци им се нудат договори да служат војска и да одат на фронтот во Украина.
Кремљ исто така користи тактики „морков и стап“ и нуди големи финансиски стимулации за привлекување нови војници.
Најновото истражување на Јанис Клуге од германскиот институт за меѓународни безбедносни студии покажа дека бројот на воени регрутации нагло се зголемил во март.
Бранот на регрутирање доаѓа кога американскиот претседател Доналд Трамп продолжува да бара брз крај на војната и често ги обвинува украинскиот лидер Володимир Зеленски и Украина за конфликтот.
Пет лица се повредени во сообраќајката кај „Градска болница“
Пет лица се повредени, од кои едно потешко, во тешка сообраќајна несреќа што се случи синоќа во центарот на Скопје,...
Меџити: Вреди ќе се менува, платформата станува партија
Од платформата Вреди наскоро ќе произлезе нова политичка партија, која ќе настапи обединето на претстојните локални избори. Како што најави...
Откриен големиот воен проект на Трамп, Илон Маск е вклучен во сѐ
Компанијата на Илон Маск, заедно со партнерите „Palantir“ и „Anduril“, моментално е еден од главните кандидати за развој на клучните...
Г.г. Стефан: Страдањето во Кочани нè соочи со суровата стварност на смртта, само надежта во воскресението ни даде утеха
Овогодишниот Велигден го доживуваме поразлично од досега, по страшниот пожар во Кочани во кој пострадаа шеесетина наши чеда, а повеќе...
Сиљановска-Давкова: Од велигденската светлина да црпиме сила за солидарност и човечност
Претседателката на државата, Гордана Сиљановска-Давкова, упати велигденска честитка до поглаварите на верските заедници и до сите верници од христијанска вероисповед...
Христос воскресе објавено во полноќните литургии, црквите преполни со верници
Православните верници денеска го одбележуваат најголемиот христијански празник – Велигден, денот на Христовото воскресение, кога, според верата, Исус Христос ја...
Сончево и топло низ целата земја, температури до 27 степени
По нестабилностите од претходните денови, денес ќе има стабилизација на времето во целата држава. Ќе биде сончево и топло, со...
За Зеленски велигденското примирје на Путин е нова манипулација
Украинскиот претседател Володимир Зеленски изрази скептицизам во врска со едностраниот велигденски прекин на огнот, објавен денеска од рускиот претседател Владимир Путин. Во...
Путин објави велигденско примирје
Рускиот претседател Владимир Путин објави велигденско примирје и запирање на сите воени операции, соопшти Кремљ. – Руската страна, водејќи се...
Родителите на децата загинати во пожарот во Кочани: Живееме за да одиме на гробишта, да си помуабетиме со нашите деца
Обвинители, дали нашиот молк, тишината и тагата по нашите деца, кои се убиени, ви даде право да ослободите лица кои...
Деветнаесетгодишно момче загина откако со БМВ излета од пат
Момче на 19-годишна возраст од село Миравци, загина утрово околу четири часот кога со автомобил БМВ, што го управувало, излетало...
МВР го објави идентитетот на загинатите во тешката сообраќајка
На 18.04.2025 во 20.40 часот во ОВР Кичево e пријавено дека на магистралниот пат Кичево-Гостивар, кај место викано „Сеферов бунар“,...
Тошковски: Голема неприлагодена брзина е причината за сообраќајката во која загинаа три лица
Голема неприлагодена брзина е причината за трагедијата која вчера се случи на патот Кичево-Гостивар, а во која загинаа три лица....
Со протестен марш на семејствата, ќе се бара правда за настраданите во пожарот во Кочани
Во Кочани за денеска во 12:05 часот е најавен нов протестен марш на семејствата на настраданите во пожарот во дискотеката...
Три лица загинаа, а осум се повредени во сообраќајната несреќа на патниот правец Кичево-Гостивар
Три лица загинаа, а осум се повредени во сообраќајната несреќа што вчера вечерта се случи на патниот правец Кичево-Гостивар. Од...
Велигден е тука, но нашите деца ги нема, не прашува ли некој нас како ги минуваме деновите, пишува Златкова, мајка на загинато момче во дискотеката во Кочани
Велигден е тука, но нашите деца ги нема. Престанаа да им чукаат срцата, ги закопавме во црната земја. Некои биле...
Одземени возила: биле користени во „диви“ трки во Куманово
На 16.04. и 17.04.2025 во СВР Куманово било пријавено дека на автопатот Куманово – Скопје се одвиваат диви трки со...
Синдикатот на културата разочаран од Љутков: вработените останаа без плата за најголемиот христијански празник
Секој март од 2021 па наваму, кога се коригира минималната плата и кога платите во културата треба да се усогласат...
Наместо куќен притвор, мерки на претпазливост за двајца поранешни инспектори на ДПИ, иста мерка и за лице од дискотеката
Основното јавно обвинителство Кочани, постапувајќи во предметот во врска со пожарот во кабаре клуб “Пулс”, до Основниот суд во Кочани...
Се задушил од запалена плинска боца: пронајден починат маж во Кавадарци
Центарот за управување со кризи (ЦУК) информира дека пожар во урбана средина бил трагичен за повозрасно лице во Кавадарци. Од...
