Свет
(Видео) Лекари тврдат дека Трамп има тешкотии со дишењето

Американскиот претседател, Доналд Трамп, минатиот петок доби позитивен тест за коронавирус, завршувајќи во позната болница во Вашингтон каде што престојуваше три дена. Таму доби три различни терапии (експериментален коктел со антитела, ремдесивир и дексаметазон) и по три дена се врати во Белата куќа.
Откако со хеликоптер беше пренесен до тревникот на Белата куќа, Трамп се качи по скалите, ја симна маската и позираше пред фоторепортерите.
На снимката може да види дека Трамп има тешкотии со дишењето, а има и такви кои тврдат дека американскиот претседател видливо страда од болка. Тој веќе припаѓа на група со висок ризик (има 74 години), а отежнато дишење е еден од симптомите на корона.
Дишењето на Трамп по враќањето од болницата го коментираа и лекари и професори по медицина.
„Претседателот одеше како да страда од отежнато дишење. Направи околу 60 чекори (застана двапати) и искачи околу 30 скалила. Која беше неговата сатурација со кислород пред да замине од болницата Валтер Рид? Неговата ‘енергија’ не е реална, веројатно е несакан ефект на стероиди. Има многу други проблеми“, напиша д-р Талмаџ Кинг Jуниор, декан на USCF, еден од најпрестижните универзитети во Америка во областа на медицината. Кинг е, патем, еден од водечките светски експерти за болести на белите дробови.
Неговата проценка беше поддржана од неговиот колега од факултет, проф. д-р Боб Вахтер.
FYI, Dr. King, Dean @UCSFMedicine, is a world expert in interstitial lung disease.
If there was any doubt re lung involvement, this pic is worth 1000 words – this is what patients look like when a significant part of their lungs can’t exchange oxygen/CO2. A truly scary feeling. https://t.co/NiIM2u5sxW
— Bob Wachter (@Bob_Wachter) October 6, 2020
„Ако некогаш имало сомневање за состојбата на белите дробови, оваа слика зборува повеќе од 1000 зборови. Вака изгледаат пациентите кога значителен дел од нивните бели дробови не можат да разменуваат кислород и јаглерод диоксид. Навистина застрашувачко чувство“, рече Вахтер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израел со одговор на Британија: Промената на ставот го наградува Хамас и им штети на мировните напори

Министерството за надворешни работи на Израел реагираше на најавата на Велика Британија дека ќе ја признае Палестина доколку Израел не преземе конкретни чекори кон прекин на конфликтот во Газа и обновување на мировниот процес што води кон решение за две држави.
„Промената на ставот на британската влада во овој момент, по францускиот потег и внатрешниот политички притисок, претставува награда за Хамас и им штети на напорите за постигнување прекин на огнот во Газа и рамка за ослободување на заложниците“, се вели во соопштението на израелското Министерство за надворешни работи на X.
Британскиот премиер Кир Стармер го објави потенцијалниот потег неколку дена откако францускиот претседател Емануел Макрон изјави дека Париз ќе ја признае палестинската држава на Генералното собрание на Обединетите нации во септември.
Во официјалното соопштение од Даунинг стрит се наведува дека признавањето на Палестина е „неотуѓиво право на палестинскиот народ“ и дека ставот на британската влада отсекогаш бил дека признавањето ќе биде дел од поширокиот мировен процес, според медиумите.
Сепак, се наведува дека поради „сè понеподносливата ситуација во Газа и намалената надеж за мировен процес“, сегашниот контекст бара порешителна акција.
Стармер истакна дека признавањето ќе следи ако израелската влада не се согласи на итен и траен прекин на огнот, јасна посветеност на мировен процес што води кон решение за две држави и недвосмислена посветеност дека нема да има анексија на територија на Западниот Брег.
Тој, исто така, повтори дека „нема еквивалентност меѓу Израел и Хамас“ и дека барањата на Велика Британија кон Хамас остануваат: ослободување на сите заложници, прифаќање на прекин на огнот, откажување од каква било политичка улога во идното управување со Газа и целосно разоружување.
Фото: принтскрин
Свет
Велика Британија: Ќе ја признаеме Палестина во септември ако Израел не се согласи со нашите услови

Велика Британија ќе признае палестинска држава во септември ако Израел не се согласи на прекин на огнот во Газа, не дозволи помош од ОН и не преземе други чекори кон долгорочен мир, објави британскиот премиер Кир Стармер, според светските медиуми.
Стармер свика редок летен состанок на кабинетот за да се разговара за ситуацијата во Газа.
Тој им рече дека Велика Британија ќе ја признае државата Палестина пред Генералното собрание на Обединетите нации, „освен ако израелската влада не преземе значајни чекори за да ја заврши ужасната ситуација во Газа, не постигне прекин на огнот, не вети дека нема да има анексија на Западниот Брег и не се обврзе на долгорочен мировен процес што ќе обезбеди решение за две држави“.
Тој исто така рече дека Хамас мора да ги ослободи сите заложници што ги држи, да се согласи на прекин на огнот, „да прифати дека нема да игра никаква улога во владата на Газа и да се обврзе на разоружување“. Во телевизиска изјава, Стармер рече дека неговата влада ќе го процени „степенот до кој страните ги исполниле овие чекори“ во септември пред да донесе конечна одлука за признавање.
Велика Британија долго време ја поддржува идејата за постоење на независна палестинска држава покрај Израел, но верува дека признавањето треба да дојде како дел од договореното решение за конфликтот.
Притисокот за формално признавање на палестинската државност се зголеми откако францускиот претседател Емануел Макрон објави дека неговата земја ќе стане првата голема западна сила што ќе признае палестинска држава.
Повеќе од 250 од вкупно 650 пратеници во Долниот дом потпишаа писмо со кое ја повикуваат британската влада да признае палестинска држава. Стармер истакна дека и покрај условите што ги поставил, Велика Британија верува дека „државноста е неотуѓиво право на палестинскиот народ“, пренесуваат агенциите.
Фото: принтскрин
Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.