Европа
Ленка е една од жртвите на масакрот на универзитетот во Прага, идентификувани 13 лица

Во масакрот на Филозофскиот факултет во Прага во четвртокот попладне загинаа 14 лица по што напаѓачот наводно се самоубил.
Полицијата работи на идентификација на жртвите, а една од нив е Ленка Хлавкова.
Оваа информација ја потврди и Институтот за музика.
„Со длабоко жалење објавуваме дека вчерашната вест, за жал, е потврдена. Врз основа на проверени информации од семејството и со нивна дозвола соопштуваме дека нашата колешка и директорка на Институтот за музика ФФ УК, Ленка Хлавкова, не го преживеала вчерашниот напад. Изразуваме длабоко сочувство, пред сѐ, до семејството“, објавија од Институтот на социјалните мрежи.
Полицијата работи на идентификација на жртвите на масакрот, а досега идентификуваше 13 од 14-те.
Вчера, на Филозофскиот факултет на Карловиот универзитет во Прага имаше пукање, во кое, според последните информации од полицијата, загинале 15 лица, меѓу кои и напаѓачот, а 24 се повредени.
Меѓу повредените има и тројца странци – едно лице од Холандија и двајца од Обединетите Арапски Емирати.
Чешката полиција соопшти и дека таткото на осомничениот за пукањето бил пронајден мртов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Единаесетгодишно девојче исчезна откако вчера влегло во реката Темза во Лондон

Единаесетгодишното девојче кое исчезна откако вчера влегло во реката Темза во источен Лондон е именувано како Калија Коа, потврди полицијата.
Калија беше надвор и играше и влезе во реката во близина на аеродромот во Лондон Сити.
Итната помош била повикана на местото на настанот во 13 часот и 23 минути. по локално време, а во потрагата по девојчето се вклучени лондонската Брза помош, пожарникари, крајбрежна стража и спасувачка служба.
Метрополитенската полиција води операција за пребарување и спасување долж Темза.
Ден Кард, началникот на локалната полиција за североисточен Лондон, рече: „Нашите службеници специјалисти го поддржуваат семејството на девојчето во овој исклучително тежок момент, а нашите мисли се со сите погодени од овој настан. Посветени сме на наоѓање на Калија и, работејќи со партнерите, спроведуваме детална потрага на широк простор, користејќи беспилотни летала и чамци“.
Тој им се заблагодари на граѓаните, полицајците и другите служби за итни случаи за брзата реакција и големата операција за пребарување.
Една жена која се обидела да помогне, рече дека стигнала до брегот со појас за спасување, но не можела да го најде девојчето.
Кери Бенаџауд (62) изјави за новинската агенција PA дека децата трчале и викале дека нивната другарка е во реката.
„Ми се јави еден сосед. Тој рече дека повикал полиција и тогаш видел дека нејзините раце исчезнуваат под водата. Кога пристигнав со појасот за спасување, повеќе не ја видов“, рекла таа.
Европа
Мелони застана во одбрана на Ле Пен: „Им се одземаат правата на милиони граѓани“

Италијанската премиерка Џорџа Мелони денеска ја критикува одлуката на францускиот суд со која ѝ се забранува на лидерката на екстремната десница, Марин Ле Пен, да се кандидира на претседателските избори во 2027 година.
„Не ги знам деталите за обвиненијата против Марин Ле Пен, ниту причините за ваквата сурова одлука, но мислам дека никој што се грижи за демократијата не може да се радува на пресуда што ќе влијае на лидерот на голема партија и ќе ги лиши правата на милиони граѓани“, рече Мелони во интервју за италијанскиот весник „Ил Месаџеро“.
Мелони, која важи за најмоќниот десничарски лидер во Европа, со оваа изјава застана во одбрана на француската политичарка, која во понеделникот од парискиот суд беше прогласена за виновна за проневера на средства на Европската Унија.
Ле Пен е осудена на четири години затвор, од кои две ќе поминат под електронски мониторинг во домашен притвор, а две години се условни. Покрај тоа, таа е казнета со 100.000 евра и забрана за учество на избори во следните пет години.
Европа
Земјотрес ја погоди Италија

Земјотрес со јачина од 3,8 степени според Рихтеровата скала е регистриран денес, вторник, 1 април 2025 година, во 3.30 часот во Италија.
Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 6 километри под површината на земјата.
Засега нема извештаи за материјална штета или повредени, а надлежните служби ја следат состојбата.