Свет
Лукашенко: Конфискувавме оружје и експлозиви од терористи, направивме одлична работа
Претседателот на Белорусија, Александар Лукашенко, изјави дека за време на операција во градот Гродно специјалните служби заплениле оружје и експлозиви, кои требало да се употребат за терористички напади врз официјални лица и други луѓе.
„Специјалните служби направија брилијантна работа. Запленет е целиот арсенал оружје и експлозиви, кои беа наменети за терористички напади од висок профил врз граѓани и функционери на владини агенции“, рече Лукашенко на денешната средба со безбедносниот врв, според руската државната новинска агенција „Тас“.
„Мораме да бидеме подготвени на сè“.
„Значи, нашите момци завршија добра работа: во таква тешка ситуација, кога терористите употребија гранати и оружје, ниту еден оперативец на групата ‘Алфа’ не беше убиен. Добра операција, добра работа“, додаде тој. Тој нагласи дека овој настан е „уште една порака“. Мора да бидеме подготвени за сите настани“, изјави белорускиот лидер.
Претходно, беше објавено дека агенти на белорускиот комитет за државна безбедност уапсиле вооружен странец, кој се инфилтрирал во земјата и планирал терористички напад. Странецот им се спротивставил на агентите пукајќи од автоматско оружје и фрлајќи гранати. Комитетот за национална безбедност сè уште го истражува инцидентот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Големо невреме во Словачка: поплавени улици, дрва паднаа врз куќи
Невремето и обилните врнежи предизвикаа хаос и голема материјална штета во Словачка во средата, објавија денеска словачките власти.
Окружната болница мораше да биде затворена поради поплави, многу патишта беа поплавени, а железничкиот сообраќај беше во прекин.
Дрва паднаа врз куќи, искршија градини и игралишта, јави тв станицата „ТА3“. На некои места за само неколку часа падна дожд како за еден месец.
Метеоролошката служба предупреди за денеска дека доаѓа ново невреме со обилни врнежи.
„Штетите на јавниот и приватниот имот се многу големи“, изјави градоначалникот на Нитра за агенцијата ТАСР. „Но, барем можам да кажам дека досега нема жртви и цврсто верувам дека така и ќе остане.
Пожарникарите најавија дека канализацијата во Нитра не може да се справи со големото количество дожд.
Поради ова поплавени биле улици, подруми и пониски делови од згради во градот и околните населени места.
Понатаму на југ, поплавите парализирале болница на околу 100 километри од Братислава. Пристапот до посетители и нови пациенти бил забранет и сите операции биле откажани.
Свет
Орбан: Европските гласачи беа измамени
Унгарскиот премиер Виктор Орбан денеска, по повод договорот на три политички групи во Европскиот парламент за распределба на водечките функции во ЕУ, што го нарече „срамно“, изјави дека европските гласачи биле измамени.
На социјалната мрежа Икс, Орбан ја обвини Европската народна партија (ЕПП) за формирање „коалиција на лаги со левицата и либералите“.
„Не го поддржуваме овој срамен договор!“, рече Орбан, во време кога во Брисел се одржува самитот на лидерите на ЕУ, на кој се очекува шефовите на држави и влади на ЕУ да донесат одлука за тоа кој ќе биде нов претседател на Европската комисија, кој ќе биде нов претседател на Европскиот совет и кој ќе биде новиот висок претставник на ЕУ за надворешни работи и безбедносна политика.
Претходно оваа недела, шест преговарачи од три политички групи во Европскиот парламент – ЕПП, социјалдемократите и либералите постигнаа договор да ја номинираат актуелната претседателка на Комисијата Урсула фон дер Лејен за втор мандат, поранешниот португалски премиер Антонио Кошта од редовите на социјалдемократите да биде претседател на Европскиот совет, додека естонската премиерка Каја Калас од редовите на либералите требаше да биде шеф на европската дипломатија.
Италијанската премиерка Џорџа Мелони, чија политичка група Европските конзервативци и реформисти станаа трета по големина во ЕП по европските избори и ги собори либералите од таа позиција, го осуди овој вид на договор меѓу политичките групи.
Мелони рече дека е „надреално“ што мислењето на европските гласачи не е земено предвид.
Свет
Во Газа загинале над 15 илјади деца, повеќе од 20 илјади се водат за исчезнати
Министерството за здравство на Хамас, палестинската организација која владее со Газа, денеска соопшти дека во израелските напади во претходните 24 часа загинале 47 лица.
Од почетокот на војната пред повеќе од осум месеци, на таа палестинска територија загинале вкупно 37.765 лица, а 86.429 се ранети, пренесе агенцијата „Франс прес“.
Според написите на светските медиуми се проценува дека повеќе од 15.000 деца загинале во израелските напади врз Газа.
Невладината организација „Спасете ги децата“ во извештајот проценила дека за време на таа војна исчезнале 21.000 деца.
„Речиси е невозможно да се соберат и потврдат информации во сегашните околности во Газа“, се вели во извештајот, но врз основа на обемот на бомбардирањето и густината на населението, се проценува дека 5.160 деца се мртви под урнатините, пренесува „Бета“.
Останатите деца починале од рани поради кои биле непрепознатливи, биле закопани во необележани масовни гробници или исчезнале во хаосот на конфликтот, се наведува во денешното известување на британскиот весник „Гардијан“.