Напојувањето е делумно вратено во делови од чилеанската престолнина Сантијаго, откако речиси целата земја остана без струја, јавува Би-Би-Си. Прогласена е вонредна состојба со полициски час во погодените подрачја, каде се распоредени војници.

Третиот ден од фестивалот Виња дел Мар, најголемиот музички настан во Латинска Америка, е откажан. Болниците и затворите ширум државата работат на генератори за итни случаи, а сообраќајот е во застој.

Massive traffic jams from Chile electricity blackouts #SinLuz #CorteDeLuz @CNNChile pic.twitter.com/sLGr6rPC72

— Unequal Scenes (@UnequalScenes) February 25, 2025

Претседателот Габриел Бориќ ѝ се обрати на нацијата на телевизија, велејќи дека осум милиони домаќинства се погодени, но дека електричната енергија е вратена на околу половина од нив. „Она што се случи денеска е срамота“, рече тој. „Не е прифатливо една или неколку компании да влијаат на секојдневниот живот на милиони Чилеанци и затоа е должност на државата да ги повика на одговорност“.

Earlier today, an Italian social media creator was doing a live broadcast in Santiago, Chile when the electricity went out throughout the city.

A state of emergency and curfew were issued due to the countrywide blackout. pic.twitter.com/Baist5gCex

— Brian’s Breaking News and Intel (@intelFromBrian) February 26, 2025

Националната служба за спречување и одговор при катастрофи претходно објави дека прекинот на електричната енергија ги зафатил регионите Арика и Паринакота на север сè до Лос Лагос на југ.

Ројтерс објави дека најголемиот рудник за бакар во светот, Ескондида, останал без струја, повикувајќи се на извор близок до тоа прашање.

BIG BREAKING

A Massive widespread Power outage has hit #Chile.

Leaving over 19 million people without electricity and distributing essential services. pic.twitter.com/zP0VQ4vZR2

— 𝗡𝗢𝗜𝗦𝗘 𝗔𝗟𝗘𝗥𝗧𝗦 (@NoiseAlerts) February 25, 2025

Снимките од градот покажуваат како патници се евакуираат од станиците, додека семафорите исто така се исклучени. Се формираа долги редици за автобусите кои сè уште сообраќаат по градските улици.

Ante el corte de suministro eléctrico que se registra entre las regiones de Arica y Parinacota y Los Lagos, he convocado a una reunión inmediata de #Cogrid Nacional, donde adoptaremos medidas para enfrentar la emergencia y trabajar en la reposición del servicio.

— Carolina Tohá (@Carolina_Toha) February 25, 2025

Чилеанската министерка за внатрешни работи Каролина Тоха објави на Икс дека ќе се свика состанок за да се разговара за понатамошни мерки за обновување на услугите.

Доналд Трамп објави видео генерирана од вештачка интелигенција на неговиот профил на социјалните мрежи Truth Social.

Видеото со вештачка интелигенција што го објави без коментар го визуелизира пејзажот на моментално разорената од војна Газа во модерен и трансформиран град на морето, полн со хотели, луѓе и облакодери.

Ова следи по неодамнешната идеја на Трамп за преселување на Палестинците од Газа во соседните арапски земји за да се изврши масовна реконструкција на уништената земја.

Мотивот на постојана забава и пари се провлекува низ видеото откако прво е прикажан уништениот град. „Газа 2025, што е следно?“ е напишано на почетокот на видеото пред генерираниот од вештачка интелигенција Илон Маск да почне да фрла по луѓето со банкноти од американски долари.

Тука е и џиновската златна статуа на Доналд Трамп, поставена на средина на вештачки создадена Газа, но и американскиот претседател кој танцува со стомачна танчерка, а Илон Маск јаде. Во еден момент и Трамп и израелскиот претседател Бенјамин Нетанјаху се појавија во нивните костими за капење на лежалка со пива во рака пред хотелот.

Американскиот претседател Доналд Трамп вчера објави дека САД ќе почнат да продаваат „златни билети“ во вредност од пет милиони долари на странци кои сакаат да се преселат во САД и да отворат работни места. „Богатите луѓе ќе дојдат во оваа земја со купување на овој билет. Тие ќе бидат богати, ќе бидат успешни, ќе потрошат многу пари, ќе плаќаат многу даноци и ќе вработат многу луѓе“, изјави американскиот претседател за новинарите во Белата куќа.

„Тоа е некако како зелена карта“ за постојан престој во Соединетите држави, „но на повисоко ниво на софистицираност“, рече Трамп, додавајќи дека „златната карта“ ќе им овозможи на нејзините иматели пристап „кон државјанство“ на долг рок.

Руските олигарси, од кои повеќето се под санкции на САД по руската инвазија на Украина, потенцијално ќе можат да аплицираат за програмата. „Познавам некои руски олигарси кои се многу добри луѓе“, рече Трамп. „Можно е“ тие се подобни за програмата, додаде тој.

Трамп рече дека новата програма за имиграција би можела да почне да функционира за околу две недели. „Златните картички“ ќе ја заменат имиграциската програма „ЕБ-5“, која им овозможи на странските инвеститори со големи суми пари да отворат работни места во САД и да добијат постојан престој во земјата.

Американскиот секретар за трговија Хауард Лутник рече дека постоечката програма е склона кон измама и е „начин да се добие зелена карта по ниска цена“.