Европа
Маж од Англија ја убил сопругата, а потоа ги задавил децата со кабел

Таткото кој ја задавил својата сопруга пред да ги убие нивните две малолетни деца во семејниот дом, е осуден на доживотен затвор.
Саја Челавалел никогаш не откри зошто ги убил неговата сопруга Анжа Асок (35), нивниот шестгодишен син Џева Саја и нивната ќерка Јанви Саја која имала 4 години.
Денеска, на 52-годишникот, кој призна три обвиненија, му беше изречена казна во судот во Нортхемптон. Тој ќе одлежи казна од најмалку 40 години.
Само 10 дена пред Божиќ минатата година, екипите за итни случаи биле повикани во нивниот дом во Англија.
Полицијата ја скршила вратата и се соочила со Челавалел кој држел нож и викал „убиј ме“.
Полицијата го нападнала пред да ги најдат телата на неговата сопруга, и синот и ќерката во блиската соба.
Челавалел, по потекло од Керала, Индија, тврди дека ја изгубил контролата додека бил пијан со погрешно верување дека неговата сопруга имала афера, и ја убил околу 22 часот на 14 декември во нивниот стан во Петертон Корт.
Обвинителот пред судот изјавил дека убиецот бил уапсен по повикот на 999 во 11.12 часот на 15 декември, откако претходно го видел соседот.
Откако полицијата го скршила прозорецот за да добие пристап до имотот, било забележано дека Челавалел држел нож на сопственото грло.
Во судот беше кажано дека на телефонот на неговата сопруга не биле пронајдени докази за каква било афера, туку дека Челавалел барал жени на страниците за запознавање.
За време на полициските испрашувања, Челавалел тврдеше дека не се сеќава дека ги убил своите деца, но рече дека изгубил контрола кога неговата сопруга му дала навредлив коментар за неговата мајка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Ковчегот на папата Франциско затворен, погребот в сабота наутро

Од средата наутро, кога телото на покојниот папа Франциско беше пренесено во базиликата „Свети Петар“, низ неа поминаа 150.000 луѓе од целиот свет. Ковчегот на папата беше затворен вечерва, а погребот ќе се одржи в сабота наутро.
Пред церемонијата на запечатување, во ковчегот на папата беа поставени 12 монети, по една за секоја година од неговиот понтификат, како и краток запис и извештај за неговото папство. Церемонијата ја водеше кардиналот Кевин Фарел, камерлегно на Светата Римска црква.
Реки верници доаѓаат во Рим за да присуствуваат на утрешниот погреб на папата Франциско, а се очекува и пристигнување на бројни делегации од целиот свет.
Во Рим се воведени строги безбедносни мерки, со илјадници волонтери и полицајци, систем против дронови, снајперисти на покривите и борбени авиони подготвени за полетување.
Европа
Жена во Шпанија ја продала новородената ќерка за 2.000 евра на двојка која не можела да има деца

Шпанската полиција уапси 37-годишна жена која ја продала својата новородена ќерка на пар кој се лекува од неплодност, јавува АФП.
Полицијата соопшти дека жената била уапсена минатиот месец во Мостолес, јужно предградие на Мадрид. Брачен пар осомничен за купување дете и двајца нивни роднини беа уапсени во јужниот град Кордоба.
Според прелиминарната истрага, жената се согласила да им ја предаде својата новородена ќерка на двојката за 2.000 евра. Сепак, по породувањето, таа се предомислила и побарала да ѝ го вратат детето.
Двојката, според АФП, одбила да го врати бебето освен ако жената не им го врати платениот износ, плус дополнителни 1.000 евра за покривање на трошоците што тврделе дека ги направиле во текот на месецот што го поминале со неа во Кордоба пред да се роди детето.
Полицијата започна истрага откако една жена поднесе жалба тврдејќи дека семејство во Кордоба го „киднапирало“ нејзиното новородено бебе. Детето е предадено во центар за заштита на деца во Кордоба. Полицијата, исто така, објави дека властите ѝ одзеле уште шест деца на жената во 2022 година поради занемарување.
Европа
Зеленски: Подготвени сме да разговараме за територија, но само под еден услов

Украинскиот претседател Володимир Зеленски изјави денес дека Украина ќе биде подготвена да разговара за територијални прашања како дел од мировните преговори, но само откако Русија ќе се согласи на целосен и безусловен прекин на огнот.
„Целосно и безусловно примирје отвора можност да се разговара за сè“, изјави Зеленски пред новинарите во Киев.
Тој ја коментираше и изјавата на американскиот претседател Доналд Трамп, кој во интервју за „Тајм“ изјави дека „Крим ќе остане со Русија“.
„Она што го кажува претседателот Трамп е вистина. Се согласувам со него дека денес немаме доволно оружје за да ја вратиме контролата врз Кримскиот Полуостров“, рече Зеленски.
Да потсетиме дека украинските претставници претходно решително ја отфрлија можноста за какви било територијални отстапки во замена за мир со Русија.