Свет
Маж се јавил во полицијата и признал убиство од пред 15 години: „Беше добар човек, не заслужи“
Тони Пералта се сметаше за осомничен за убиството на сопственикот на станот во кој престојувал, Вилијам Блеџет, кога исчезна во декември 2008 година, соопштија властите во Розвел, Ново Мексико. Но неговото тело никогаш не било пронајдено, никој не бил уапсен и случајот завршил во фиока.
Тоа се промени минатиот месец кога 37-годишниот Пералта зел телефон, повикал полиција и го признал убиството што го извршил пред речиси 15 години, пишува „Си-ен-ен“.
„Многу луѓе имаат изговор, јас немам“, им рекол на детективите, како што стои во записникот.
Пералта се јавила во полицискиот оддел во Розвел на 1 мај. Во емотивната сцена која е снимена од страна на полицијата тој постојано признава дека го убил Блеџет, дури и наведувал кое оружје го користел и каде го закопал телото на жртвата. Пералта се соочува со обвинение за убиство од прв степен, соопшти окружното обвинителство на округот Чавез.
„Едноставно ми е смачено од прикривање. Уморен сум да го живеам својот живот, господине“, му рекол Пералта на полицаецот во објавеното видео, додавајќи дека чувството на вина го поттикнало да им се јави.
„Убив човек. Го убив со шрафцигер“, изјавил подоцна во собата за сослушување.
Пералта плачел додека разговарал за деталите за случајот со властите.
Синот на Блоџет, Грег, пријавил дека неговиот татко исчезнал на 3 јануари 2009 година, откако никој во семејството не можел да контактира со него повеќе од 10 дена. Полицијата во тоа време дознала дека мажот имал проблем со закупецот, подоцна идентификуван како Пералта, и се обидел да го избрка. Детективите го испрашувале Пералта, но не откриле ништо за време на испрашувањето.
Пребаруван бил домот и населбата, полицијата разговарала со соседите и со помош на куче го пребарала теренот, но ништо не било најдено. Возилото на Блеџет сè уште стоело паркирано дома и немало промени на неговата банкарска сметка.
На крајот полицијата соопшти дека случајот застраел и го затвори.
Пералта им кажа на властите во мај дека земал апчиња и ги испил пред да повика полиција, само за да се отвори.
„Признавам. Не сакам да живеам без признание“, рече тој.
„Беше добар човек и не го заслужи тоа што му го направив. Тој секогаш беше добар со мене, а јас му го одзедов животот без причина“, рече тој.
Полициското видео покажува дека Пералта ги води полицајците до домот во Розвел каде се случило злосторството. На делумно заматеното видео се гледаат и полицајци со лопати како копаат.
„Еве ги чевлите“, се слуша гласот на еден од нив.
Властите на местото на настанот пронајдоа неколку коски, меѓу кои и череп. Пералта повторно ќе се појави на суд на 21 август.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.