Свет
Макрон: Прашајте ги Србите дали им се промени животот со отворањето на поглавјата
Францускиот претседател уште еднаш повтори дека е против отворање пристапни преговори пред реформите на преговарачкиот процес.
Како што објасни Макрон, тоа се однесува на која било земја кандидат, пред да дојде до реформите на преговарачкиот процес, а според него, сегашната процедура на преговори е бирократска и нејасна.
„Сметам дека процедурата за преговори која ја имаме денес е премногу бирократска, конфузна, нејасна. Еве, прашајте ги Србите дали им се промени животот со отворањето на новите поглавја? Не би рекол“, изјави Макрон по завршувањето на самитот на НАТО во Лондон.
Тој нагласи дека Франција не била единствената членка на ЕУ која се противела на отворањето на пристапните преговори со Скопје и Тирана, но дека е подготвен повторно да ја прифати улогата на негативец.
„Пред кое било следно отворање на преговори, експлицитно кажувам дека сакам да дојде до реформа на нашата процедура на преговарање“, порача Макрон.
Тој оцени дека Европа не е подготвена и дека условите не се исполнети за почеток на пристапни преговори со новите кандидати. Макрон се заложи за редефинирање на процедурата за преговори на начин на кој процесот би станал, како што рече, повеќе стратешки.
Го повтори своето барање за реформата која процесот би го направила пореверзибилен и ќе овозможи диференцијација.
„Крајната цел на сето тоа е да го зацврстиме Западен Балкан на европската страна. Знаеме дека тоа е геополитички предизвик, да се избегне интервенцијата на другите земји, да се избегне дестабилизација кои се ризик и за тие земји и за Европа. Тоа за некои можеби значи пристапување кон ЕУ, но треба да биде јасно дека тоа значи и фаза на стратешко партнерство и посилни инвестирања“, објасни Макрон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лукашенко: Исходот од претседателските избори во Русија е сериозен сигнал за Западот
Претседателот на Белорусија Александар Лукашенко ги коментираше резултатите од претседателските „избори“ во Русија.
„Исходот од претседателските избори во Русија е сериозен сигнал за Западот, кој сметаше на протресување на ситуацијата во Русија одвнатре. Тие не можеа да го направат тоа на првата линија, па се обидоа да го направат тоа одвнатре, но и тие не успеаја“, рече Лукашенко, цитиран од државната агенција „БелТА“.
Лукашенко рече дека никој не може да ги принуди луѓето на Белорусија и Русија на ништо.
Тој се пофали како изборниот процес во Русија е добро организиран. „Природно, претседателот Путин мораше да работи многу, видовте. Тој неуморно патуваше низ цела Русија, посетуваше различни места и одговараше на виталните прашања на рускиот народ.
Процесот на планирање и селекција беше совршен. Има многу да се научи. Сите беа мобилизирани и консолидирани. Луѓето се патриоти и резултатот е совршен. Ова е лекција за нас“, рече претседателот на Белорусија.
Свет
Драма на лет за Лондон: Патник се обидел да се убие во тоалетот на авионот
Пилотот на авионот принудно слетал откако патник наводно се обидел да се самоубие за време на летот.
Патувањето од Бангкок до Лондон завршило драматично, откако стјуардесите наишле на страшна сцена. Наводно патникот бил пронајден во тоалетот во моментот кога се обидувал да стави крај на животот, пренесуваат медиумите.
Британскиот таблоид „Сан“ наведува дека на помош на патникот дошле стјуардесите и докторот кој се затекнал на летот. На мажот му била укажана прва помош по слетувањето и итно бил пренесен во болница на понатамошно лекување.
Компанијата „ЕВА“ потврди дека инцидентот се случил на летот „БР67 Бангкок-Лондон“.
Не е познато на кој аеродром во Лондон слетал авионот.
Регион
Неписмени гангстери: реакција на Милановиќ по одлуката на Уставниот суд
Хрватскиот претседател Зоран Милановиќ денеска ја коментираше одлуката на Уставниот суд за неговата кандидатура.
Медиумите во регионот потсетуваат на одлуката на Уставниот суд во која е заклучокот дека хрватскиот претседател Зоран Милановиќ не може да учествува во политичките активности на ниту една политичка партија додека ја извршува својата функција. Претседателот на Уставниот суд,Мирослав Шепаровиќ му забранил да биде на избирачкиот список и на кој било начин да учествува во изборната кампања додека е претседател.
„Тоа го направија на гангстерски начин. Тие не ми можат ништо, но јас им можам. Тоа се сељаци, неписмени. Писмен човек, барем тој што завршил автошкола, има проблем со тоа“, рече тој.
Зоран Милановиќ потоа на насобраните во Вела Лука им ја прочитал одлуката на Уставниот суд.
„Најверојатно хрватскиот го научиле во автомеханичарска работилница. Според овие неписмени гангстери, тоа е забрането, но не е“, рече тој.
„Ова мора да се реши на избори. На крајот ќе бидам премиер, но нема да и кажувам на таа банда како. Ќе бидам кандидат на изборите, како што можев да бидам и на европските избори. Јас нема да си дадам мандат. Што е тука спорот, неписмени гангстери“, праша тој.
Собирот на ХДЗ во Лисински го нарече бал на вампирите. Тој рече дека во првите редови имало двајца ректори на државните универзитети.
„Со гангстерите ќе се справиме по изборите“ рече тој.