Свет
Маскирани „вагнеровци“ регрутираат ученици во московските училишта, тврди британското разузнавање

Британското Министерство за одбрана го објави најновиот разузнавачки извештај за војната во Украина. Во него тие потсетуваат како руските власти ѝ забранија на озлогласената руска платеничка група „Вагнер“ да регрутира во затворите поради тензиите со военото раководство во Москва. Додаваат дека пред тоа „Вагнер“ регрутирала голем број осуденици од руските затвори и ги пратила на фронтот во Украина.
Британското воено разузнавање известува дека основачот на „Вагнер“, Евгениј Пригожин, сега многу веројатно се префрлил на обидот да регрутира слободни руски граѓани. Така, „Вагнер“ формира центри за регрутирање на најмалку 40 локации во Русија од почетокот на март, се вели во извештајот.
„Во текот на изминатите неколку дена маскирани ‘вагнеровци’, задолжени за регрутирање, одржаа предавања за кариера во московските средни училишта и дистрибуираа прашалници, со наслов „апликација за млад воин“, за да соберат информации за контакт од заинтересирани студенти“, се вели во извештајот на британското разузнавање.
Во извештајот се наведува и дека околу половина од осудените испратени во Украина, најверојатно, биле убиени или ранети. Малку е веројатно дека новите иницијативи ќе ги компензираат загубите на осудениците во редовите на ‘Вагнер’“, се вели во извештајот.
„Доколку се задржи забраната за регрутирање затвореници, Пригожин, најверојатно, ќе биде принуден да го намали интензитетот на операциите на ‘Вагнер’ во Украина“, се вели во извештајот на британското разузнавање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.