Европа
Маск: Време е Трамп да ја закачи шапката и да заплови кон зајдисонцето
Илон Маск му порача на Доналд Трамп дека е време да ја заврши кариерата, и тоа неколку дена откако поранешниот американски претседател го исмеа милијардерот поради неговата одлука да се откаже од купувањето на „Твитер“.
На оваа социјална мрежа Маск напиша: „Не го мразам човекот, но време е Трамп да ја закачи шапката и да заплови кон зајдисонцето“, пренесува „Ројтерс“.
Коментарите на Маск дојдоа како одговор на забелешките на Трамп во саботата на политичкиот митинг во Алјаска, каде што тој рече дека републиканскиот конгрес ќе даде приоритет да се стави крај на „левичарската цензура и да се врати слободата на говорот во Америка“, анализира медиумот.
Во написите се додава дека поранешниот американски претседател го исмејуваше Илон Маск за неговата неодамнешна одлука да се откаже од купувањето на „Твитер“.
„Илон нема да го купи ‘Твитер’. Од кого го слушна тоа? Од мене?“, рекол Трамп.
Покрај тоа, поранешниот американски претседател го критикувал извршниот директор на „Тесла“ за неговата изјава дека никогаш не гласал за републиканците.
Маск, најбогатиот човек на светот, одлучи да го раскине договорот за купување на „Твитер“ вреден 44 милијарди долари.
Причината, според неговите адвокати, е тоа што оваа компанија не дала информации за лажни нарачки, пренесува „Ројтерс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Сè уште нема трага од бабата и нејзиниот внук, кои исчезнаа за време на поплавата во Италија
Сè уште нема трага од баба Сабина и нејзиниот петмесечен внук Ноа, кои исчезнаа за време на поплавата во Италија.
Во понеделникот вечерта, околу 21 часот, огромен бран на поројот Стерца, кој тече меѓу ридовите Монтекатини Вал ди Чечина, во областа Пиза, ги однесе од куќата.
Мајката, таткото и дедото на детето се безбедни бидејќи имале време да се фатат за столбовите од тремот од куќата и за дрвјата. Првите информации беа дека тие се качиле на покривот на куќата, од каде што биле спасени.
❌#Maltempo #Pisa, prosegue la ricerca di nonna e nipote dispersi a Montecatini Val di Cecina: #vigilidelfuoco con sommozzatori, soccorritori fluviali, droni, cinofili ed elicottero in azione tra loc. Lagabella e Canneto.
Situazione migliorata tra Pisa e Livorno [#23settembre 9] pic.twitter.com/x5b6Yeill0— Vigili del Fuoco (@vigilidelfuoco) September 24, 2024
Семејството е по потекло од Минхен и беше на одмор во Тоскана 10-ина дена. Веднаш е почната потрага по нив со помош на повеќе од 100 лица, меѓу кои и пожарникари и Црвениот крст. Освен кучиња трагачи, се користат и дронови и хеликоптер. Потрагата засега е неуспешна.
Непрестајниот дожд во понеделникот беснееше низ Вал ди Чесина, на границата меѓу провинциите Пиза и Ливорно, а нивото на реките се зголеми за неколку часа. Кога водата почна да надоаѓа во изнајмената куќа на фармата кај Стерза, надвор веќе беше темно темно, објавија италијанските медиуми.
Според медиумите, германското семејство ги повикало пожарникарите на помош во понеделникот околу 21.30 часот, но јазичната бариера ја отежнала комуникацијата. Врската била прекината, а неколку минути подоцна бебето и бабата биле однесени од силната струја на надојдениот бран.
Европа
Нова експлозија одекна во Келн: изгоре кафуле среде ноќ, жителите евакуирани
Кафулето за кое се вели дека неодамна било отворено во Келн, вечерва, околу 2.45 часот, целосно изгорело. Пред тоа дошло до експлозија во зградата, а жителите пријавиле силен тресок во текот на ноќта.
Набргу потоа кафулето било во пламен, а прозорците биле испукани.
Зградата е евакуирана додека пожарникарите го гаснеле пожарот. Околу еден час подоцна, околу 4 часот наутро, 25 станари можеле да се вратат во своите станови.
Две лица наводно биле полесно повредени, пишува „Билд“.
На терен се голем број полицајци и пожарникари. Засега не е позната заднината на експлозијата, ниту е поврзана со претходните две, кои одекнаа во Келн минатата недела.
Европа
(Видео) Додека Зеленски говореше дека ќе ја добие војната, рускиот амбасадор прелистуваше хартии и гледаше во мобилниот телефон
Украинскиот претседател Володимир Зеленски му порача на Советот за безбедност на Обединетите нации дека неговата земја ќе излезе како победник и целосно ќе ги одбие руските напаѓачи.
„Еден ден во оваа сала сигурно ќе се каже дека војната на Русија против Украина е завршена“, рече тој.
„И тоа ќе се случи не само затоа што некој се уморил од војна, не затоа што некој разменил нешто со (рускиот претседател Владимир) Путин. Војната на Русија против Украина ќе заврши затоа што Повелбата на Обединетите нации ќе функционира. Тоа мора да функционира. Нашето право на самоодбрана ќе надвладее“.
Советот се состана на маргините на Генералното собрание на ОН во Њујорк.
Vasily Nebenzya,🤡 https://t.co/w9zJc95jpM pic.twitter.com/jtWEcmOxYS
— filou (@JoelTarnawski) September 24, 2024
Додека Зеленски зборуваше, рускиот амбасадор во ОН, Василиј Небензија, демонстративно ги прелистуваше документите и гледаше во неговиот мобилен телефон.