Свет
(Видео) Масовнo пукање во ноќен клуб во Калифорнија
Неколкумина се повредени во пукотници во ноќен клуб во Калифорнија, кога вооружен напаѓач отворил оган од засега непознати причини, пренесуваат американските медиуми. Не е потврдено дали има и загинати. Напаѓачот најпрво го застрелал членот од обезбедувањето на влезот на клубот, а потоа фрлил димни бомби внатре и продолжил да пука, рекле очевидци.
Multiple shooting victims in #ThousandOaks pic.twitter.com/QH9ucjNvFw
— christina heller (@CHellerTVNews) November 8, 2018
Според непотврдени информации, напаѓачот сè уште е на слобода, а огромно полициско присуство е на терен во обид да го обезбеди теренот околу клубот.
Околу 30 истрели биле испукани за време на инцидентот, а исто така има и засега непознат број повредени, изјавил претставник на полицијата. Според наводите, напаѓачот бил од Блискиот Исток, на возраст од 20-тина години, со брада и облечен во црна облека.
Според досегашните неофицијални информации, полициски офицер го запрел напаѓачот за да го идентификува, при што тој отворил оган и го застрелал со три куршуми. Но не е јасно дали во престрелката е повреден или загинат и напаѓачот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Напад во воз во Англија, 9 лица се борат за живот
Девет лица се во животна опасност по напад со нож во воз во близина на Кембриџ, источна Англија, јави „Индекс“. Полицијата уапсила две лица, а британскиот премиер Кир Стармер го нарече настанот „страшен инцидент“.
Полицијата потврди дека била активиран кодниот збор „Платон“ – сигнал за можен „подвижен терористички напад“, но подоцна таа квалификација била повлечена, и не е познат засега мотивот за нападот.
Two people have been arrested after a stabbing spree on a train in Huntington, Cambridgeshire.
Reports suggests up to 10 people have been stabbed, including staff members.
This can’t be the new normal. We should be able to walk our dog, visit the bank or travel without fear. pic.twitter.com/jDgeqWJYMZ
— Chris Rose (@ArchRose90) November 1, 2025
Нападот се случил во петок околу 18:25 часот во возот на линијата Донкастер – Лондон, кратко по поаѓањето од станицата Питерборо. Возот бил запрен во Хантингтон, каде што полицијата ги привела осомничените.
Според сведоци, патници со рани од нож трчале низ вагоните бегајќи од напаѓачот. Во акцијата интервенирале вооружени полициски единици и голем број екипи на итната помош.
Стармер изјави дека неговите мисли се со повредените и им се заблагодари на службите за брзата реакција. Министерството за внатрешни работи апелира да се избегнуваат шпекулации додека трае истрагата.
Железничката компанија LNER соопшти дека станува збор за нивен воз и ги предупреди патниците дека линиите се блокирани.
Свет
Израелска компанија: Претставник на крадеците од Лувр нè контактираше и ни понуди накит
Израелска безбедносна компанија соопшти дека ја контактирале крадците кои стојат зад кражбата на накитот од Лувр, нудејќи тајни преговори за продажба на украдените предмети преку „даркнет“.
Компанијата CGI Group тврди дека управата на Лувр ја игнорирала понудата, иако крадците доставиле очигледен доказ дека поседуваат дел од украдените драгоцености. Тие побарале десетици милиони евра за накитот, проценет на 88 милиони евра.
Извршниот директор на компанијата, Цвика Навех, изјави дека пет дена по кражбата (19 октомври) добиле шифрирана порака од лице кое тврдело дека ги претставува крадците: „Ни понудија преговори на даркнет за откуп на накитот, со рок од само 24 часа,“ рече Навех.
Според него, компанијата водела неколку шифрирани разговори со претставникот на крадците и добила индикации дека навистина поседуваат дел од предметите.
„Беа во бегство и морале брзо да се ослободат од пленот“, додаде тој.
Навех преку посредник се обидел да ја извести управата на Лувр, но вели дека тие шест дена не реагирале: „Го изгубивме кредибилитетот кај крадците, а Лувр ја пропушти вистинската шанса да го врати накитот. За жал, изгледа дека егоизмот и двоумењето ја одиграа својата улога.“
Тој потсетува дека уште пред неколку месеци во интервју за италијанскиот весник „Ил Темпо“ предупредил на дискусии на даркнет што упатувале на планови за грабеж во музејот.
Некои извештаи наведуваат дека CGI Group учествува во истрагата, но од Лувр негираат дека имале директен контакт со компанијата. Тие велат дека комуникацијата најверојатно се одвивала преку италијанската подружница, која можеби ја ангажирала осигурителна фирма поврзана со музејот.
Во кражбата крадците провалиле во една од најраскошните сали на Лувр и побегнале со кралски накит, меѓу кој се наоѓа смарагдно-дијамантска огрлица што Наполеон I ѝ ја подарил на својата сопруга Марија Лујза, како и тијара со 212 бисери и речиси 2.000 дијаманти што ѝ припаѓала на царицата Евгенија.
Досега се уапсени неколку лица, но украдениот накит сè уште не е пронајден.
Регион
Политико: Бугарија ја разгледува можноста да бара ослободување од санкциите на САД против „Лукоил“
Бугарија ја истражува можноста да побара ослободување од новите санкции на Соединетите Американски Држави против двете најголеми руски нафтени компании, Роснефт и Лукоил, објави Политико, пренесе бнр.бг.
Рафинеријата за нафта во Бургас, во сопственост на Лукоил, снабдува 80 отсто од горивото во земјата.
Според изданието, бугарската влада испратила барање до Вашингтон со цел да ја разбере можната реакција на американската администрација во случај на барање за ослободување од санкциите откако ќе стапат во сила на 21 ноември. Изданието се повикува на извори кои побарале анонимност.
Бугарските власти се загрижени за опасноста санкциите да доведат до затворање на рафинеријата во Бургас, што пак би можело да предизвика недостиг на гориво и последователни протести во земјата, коментира изданието.
Министерството за енергетика одби да даде коментар за Политико. Претседателската институција, исто така, не одговори.

