Европа
Мајка и очув во Велика Британија, со месеци камшикувале деветгодишно дете, го измачувале со ладни купки

Мајка и нејзиниот партнер во Велика Британија се обвинети за убиство на деветгодишно момче, а во јавноста се појавија потресни детали од злосторството.
Карла Скот (35) и нејзиниот љубовник Дирк Хауел (41) го убиле малиот Алфи Стил во февруари 2021 година, откако го малтретирале со месеци додека тој бил заклучен, а сето тоа се случувало во нивниот дом во Дројтвич и Ворчестершир. Неговото тело, кое било пронајдено со повеќе од 50 повреди, било извлечено од кадата, пренесуваат медиумите во регионот.
На Судот му било презентирано дека насилниците се обиделе да ја прикријат својата безмилосна злоупотреба. На денот на фаталниот напад, неговата мајка плачела и на полицијата и кажала дека нејзиниот син си ја удрил главата во кадата. На видеото направено по пристигнувањето на 911, Скот плаче и вели дека го нашла детето во када 10 минути порано.
Судот слушнал дека Алфи бил мачен и тепан по строг режим на казнување. Деталите според написите биле толку мачни што судијата им кажал на поротниците дека никогаш повеќе нема да мора да седат во поротата откако ќе слушнат за последните моменти на момчето.
Бруталните дисциплински техники вклучувале камшикување на Алфи со ремени и апостолки, како и потопување во ладни купки. Го терале и навечер да стои надвор и го полевале со вода. Физичкото и психичкото малтретирање што довело до убиството на момчето продолжило и покрај тоа што било под надзор на социјалните служби.
Хауел, поминал повеќе од половина од својот живот во затвор, беше прогласен за виновен за убиство. Мајката, пак, е осудена за убиство од небрежност.
По пресудата, дедото на Алфи, Пол Скот, му оддаде почит на неговиот внук, велејќи дека има внук кој може да го стопи срцето со насмевка.
„Нашиот драг Алфи беше шармантно, смешно и љубопитно момче чија добрина и насмевка беа доволни да ви го стопат срцето. Имаше уникатна личност, можеше да ве насмее и да донесе солзи радосници. Исклучително сме тажни што никогаш повеќе нема да можеме да ја видиме таа насмевка“, кажал тој.
Суровата двојка мислела дека е прифатливо да го удира момчето со појаси или тешки чевли и користеле други форми на казна. Го држеле во када под ладна вода кога мислеле дека ги лаже. Модринките по телото укажувале на тешко малтретирање, а трагите на задникот му биле предизвикани од ударите на возрасен човек кој „изгубил контрола“, заклучиле надлежните.
Алфи починал откако бил претепан и намерно ставен во ладна бања.
Поротниците на судењето гледале застрашувачки снимки на кои се гледало како детето вреска и моли да го пуштат во куќата. На друго видео се гледало како неговата мајка ја лаже полицијата велејќи дека тој заспал откако ја удрил главата во кадата. Таа приказна во полиција ја раскажала додека телефонирала со своето момче, правејќи се дека не знае каде е.
На друго вознемирувачко видео бил повикот во полиција на соседот кој пријавил дека слуша како некој да злоставува дете во када.
На денот кога момчето починало, мајката се јавила во полиција велејќи дека детето се уште дише, но слушала звуци како да се гуши.
Алфи бил под заштита на социјалните служби и имало дискусии за тоа дали треба да се одвои од мајка си, откако наставниците во училиштето изразиле загриженост за фактот дека Алфи постојано бил гладен на училиште.
Мајката и нејзиниот партнер не изразиле каење и не прифатиле одговорност за своите постапки на суд.
„Дејли Мејл“ пишува дека смртта на ова момче е една од серијата смртни случаи на деца кои се случиле за време на карантинот и пандемијата на коронавирус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Русија го нападна Харков со дронови четврти пат за една недела, четири лица загинаа

Русија лансира серија беспилотни летала во нападот на Украина во текот на ноќта, при што загинаа најмалку четири лица, а беа ранети 35 во североисточниот град Харков, соопштија регионалните власти.
Во четвртиот ваков напад врз градот оваа недела руски беспилотни летала погодија станбени области оштетувајќи неколку високи згради и предизвикаа повеќе пожари.
Спасувачките екипи цела ноќ ги пребаруваа урнатините барајќи преживеани.
Overnight, Putin’s forces attacked Kharkiv with deadly drones. At least four civilians were killed and more than 30 injured. The target of the strike was a residential building.
A massive fire broke out at the scene, covering an area of over 600 square metres. pic.twitter.com/7q0DnIBQJB
— KyivPost (@KyivPost) April 4, 2025
„Од утрово, за жал, веќе има четворица мртви. Телото на уште едно лице ,кое беше убиено од рускиот агресор (беше извлечено) од урнатините“, рече градоначалникот Ихор Тереков на апликацијата „Телеграм“. „Имаме и 35 ранети“.
Канцеларијата на главниот обвинител соопшти дека обвинителите работат на идентификување на убиените. Во соопштението беше наведено и дека меѓу повредените во нападите со дронови има и три деца.
Украинските единици за воздушна одбрана и мобилните групи за лов на беспилотни летала соборија 42 од 78 руски беспилотни летала во текот на ноќта низ Украина, соопшти военото воздухопловство.
Минатата недела Харков беше цел на напади со руски беспилотни летала речиси секоја вечер. Градските индустриски компании и инфраструктурата беа оштетени во претходните напади, соопштија властите.
Европа
НАТО: Ова се вистинските загуби на Русите во Украина, ситуацијата е многу тешка

Русија претрпе околу 900.000 жртви откако ја започна својата инвазија на Украина пред повеќе од три години, изјави во четвртокот висок претставник на НАТО. Според податоците на НАТО, до 250.000 војници загинале во конфликтот што избувна на 24 февруари 2022 година.
Украина се брани од руска инвазија со широка поддршка на нејзините западни сојузници. Откако киевските сили успеаја да ја вратат контролата врз дел од територијата што првично ја зазеде Русија, двете страни се најдоа во повеќемесечна војна на исцрпување, при што Русите постепено остваруваа територијални придобивки.
Според оценката на НАТО, „ситуацијата на бојното поле е сè уште многу тешка“.
– Иако не очекуваме голем пробив на украинските одбранбени линии во следните неколку месеци, дури и ако Москва продолжи да напредува, веруваме дека Русија ќе продолжи да го зголемува притисокот долж линијата на фронтот и врз Украина воопшто – рече функционерот на маргините на состанокот на министрите за надворешни работи на земјите членки на НАТО во Брисел.
Укажувајќи на неодамнешните територијални придобивки на руските сили во источна Украина, вклучително и Торецк и во близина на Покровск, официјалниот претставник рече дека Русија ја продолжува својата стратегија за „големи загуби во замена за бавни придобивки“.
Русија претрпе 35.140 жртви само во февруари, според официјални лица. Во меѓувреме, украинскиот претседател Володимир Зеленски изјави дека го смета минатогодишниот ненадеен упад на непријателска територија за успешен и покрај општото повлекување на неговите војници од рускиот регион Курск.
Киев одлучи да ја донесе војната во Русија со започнување на сопствена ограничена инвазија во август.
– Целосно е фер војната да се врати таму од каде што дојде – рече Зеленски во видео обраќањето.
Европа
(Видео) Зеленски: Успехот во Курск ги спаси регионите Суми и Харков

Успехот на операцијата Курск спаси многу животи и ги заштити украинските региони Суми и Харков, рече украинскиот претседател Володимир Зеленски за време на состанокот со војниците на 36-та одвоена поморска бригада, именувана по контраадмиралот Михаил Билински, и 82-та одвоената воздушна јуришна бригада, кои учествуваат во Курск, пренесе УНН.
Според украинските медиуми, Зеленски ги сослушал извештаите за напредокот на борбените операции во одбранбената зона, а особено за тактиката на севернокорејските единици вклучени во конфликтот. Со командантите разговараше и за обуката на војниците, развојот на системи за беспилотни летала, употребата на беспилотни летала со оптички влакна и соработката во рамките на проектот Линија на дроновите.
Our warriors, our defense.
I was briefed on the course of the Kursk operation – our active operations in designated areas on enemy territory.
We continue to defend the Sumy and Kharkiv regions by destroying the occupiers on the approaches to our land.
I’m grateful to all the… pic.twitter.com/xxYcYZSkzs
— Volodymyr Zelenskyy / Володимир Зеленський (@ZelenskyyUa) April 3, 2025
Зеленски истакна дека му претставува чест лично да им се заблагодари на војниците и да им додели државни награди. „Цела Украина е благодарна за вашата храброст и издржливост“, додаде претседателот.