Европа
Маќеа од САД како казна ставила аутистично дете во ладна гаража, тоа починало
Маќеата од Лонг Ајленд во петокот беше прогласена за виновна за убиство на 8-годишното момче што премрзна до смрт во јануари 2020 година. Анџела Полина (45) беше прогласена за виновна по сите точки од обвинението за убиство од втор степен и четири точки од обвинението за загрозување на благосостојбата за смртта на Томас Валве.
Томас почина еден ден откако ја помина ноќта во гаражата на семејната куќа на температури што паднаа под минус 6 Целзиусови степени. Следниот ден Мајкл Валва, таткото на момчето и поранешен свршеник на Полина, се јавил на 911 и рекол дека Томас паднал на патот додека чекал автобус. Но, температурата на телото на детето била 24,4 степени кога било донесено во локалната болница.
Мајкл Валва, кој работеше во њујоршката полиција од 2005 година, беше прогласен за виновен за убиство од втор степен и четири точки од обвинението за загрозување деца. Тој е осуден на 25 години затвор. Томас и неговиот постар брат Ентони (10) поминале 16 часа во незагреана гаража како казна за мокрење и нужда во куќата, објави „Ен-би-си њуз“.
Медицинскиот вештак пресудил дека смртта на Томас е убиство бидејќи примарна причина за смртта била хипотермија.
Обвинителите за време на судењето изјавија дека и Томас и Ентони имале нарушување од аутистичниот спектар и дека нивниот татко и маќеата ги казнувале за нивното однесување испраќајќи ги во гаражата.
Мајката на починатото момче, Јустина Зубко-Валва, рече дека постојано го предупредувала семејниот суд во округот Сафолк и барала на Валва да му биде одземено старателството над нивните три деца. Не е познато зошто таа не го доби старателството по разводот во 2018 година. Но, сега повторно е наградена со две деца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Најголемата егзекуција на војната: Русите убија 16 Украинци, кои се предадоа, јавуваат украинските медиуми
Руски сили егзекутираа 16 украински воени заробеници во близина на Покровск во областа Донецк. Ова е најголемиот случај на егзекуција на украински воени затвореници, јавуваат украинските медиуми повикувајќи се на Канцеларијата на главниот обвинител.
The Russian military executed 16 (!!!) surrendered Ukrainian soldiers at sight.
This is the worst incident of POW execution known so far in this war.
It happened near Pokrovsk.
Look at what the Russians did – they lined the surrendered Ukrainians up, shot them all down, and… pic.twitter.com/U3ub7PKx3x
— Illia Ponomarenko 🇺🇦 (@IAPonomarenko) October 1, 2024
Вчера, на каналите на „Телеграм“ се појави видео од егзекуцијата на 16 украински војници. Се претпоставува дека тоа се случило во атарот на селата Миколаивка и Сукји Јар кај градот Покровско за што со месеци се водат жестоки битки.
Европа
(Видео) Вуледар падна, Русите веат знамиња во центарот на градот
Руските сили имаат целосна контрола над градот Вуледар во областа Донецк во источна Украина, објави утринава каналот SHOT на комуникациската платформа „Телеграм“ и проруските воени блогери.
„Ројтерс“ не може независно да ги потврди извештаите. Руското Министерство за одбрана сè уште не го потврди заземањето на градот.
Confirmed. Russia has fully occupied Vuhledar. Russian units from the 36th Separate Guards Motor Rifle Brigade raised their flag over the Vuhledar City Council. Ukrainian forces have withdrawn to Bohoyavlenka, north of Vuhledar. pic.twitter.com/q2OZueh9Gc
— NOELREPORTS 🇪🇺 🇺🇦 (@NOELreports) October 1, 2024
Регионален украински функционер синоќа изјави дека руските сили стигнале до центарот на градот, стратешко упориште, кое повеќе од две години се спротивставувало на руските напади. Снимките од руските сили како го веат своето знаме на покривот на административната зграда во центарот на градот во вторникот покажаа дека зградата е делумно претворена во урнатини со скршени прозорци.
Европа
Експлозии во близина на израелската амбасада во Копенхаген
Данската полиција истражува две експлозии во близина на израелската амбасада во Копенхаген, објави утринава Ројтерс.
„Никој не е повреден, ние спроведуваме првична истрага на местото на настанот“, објави полицијата во Копенхаген на Икс.
„Се истражува можна поврзаност со израелската амбасада во областа“, додаде полицијата.