Свет
Медведев го нарече новиот украински командант предавник
![](https://makfax.com.mk/wp-content/uploads/2023/02/ILHK4XH5DNPE7HE7M6YOQFOK6E.jpg)
Врховниот руски безбедносен функционер Дмитриј Медведев денеска изјави дека новиот врховен командант на вооружените сили на Украина, роден во Русија, Олександр Сирски, е предавник, а Кремљ рече дека неговото назначување нема да го промени исходот од конфликтот во Украина, што Русија го нарекува специјална воена операција.
Украинскиот претседател Володимир Зеленски синоќа го смени популарниот врховен командант на украинските вооружени сили Валериј Залужни со генерал-полковник Олександр Сирски (58), командант на копнените сили.
Дмитриј Медведев, поранешниот претседател кој сега е заменик на Советот за безбедност на Русија, го обвини Сирски, кој не служел во постсоветската руска војска, дека ја прекршил заклетвата на својот офицер.
„Гледајќи ја биографијата на новиот врховен командант на украинските вооружени сили, Сирски, се чувствува омраза, презир, гадење“, напиша Медведев на својот официјален канал на „Телеграм“.
„Одвратност кон човек што бил советски руски офицер, но станал предавник, кој ја прекршил својата заклетва и им служи на нацистите уништувајќи ги своите најблиски. Нека му гори земјата под нозете“, напиша тој.
Кремљ соопшти дека не верува оти промената на врвот на украинското воено раководство ќе го промени исходот од конфликтот.
Во телефонски разговор со новинарите, портпаролот на Кремљ, Дмитриј Песков, рече: „Мислиме дека овие фактори не може да го променат текот на специјалната воена операција“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.