Европа
Медведев: „Лиз Трас е неспособен русофоб, нема идеи, ќе заврши како и нејзиниот претходник“
Поранешниот руски претседател и заменик претседател на Советот за безбедност на Русија, Дмитриј Медведев, уште еднаш ја скандализира западната јавност и политичарите со навредливи пораки против британските политичари, пишуваат светските агенции.
Медведев, според написите, го нарече Борис Џонсон вујко на изродот, а Лиз Трас тетка на изродот.
Неговиот текст кој е објавен на Телеграм има два чина, првиот е насловен: „Промена на власт во Британија, тетинот изрод го нема, тетката изрод е тука“.
За Лиз Трас, тој ги направи следните забелешки, истакнуваат медиумите.
„Новиот премиер: а) неспособен и просечен термонуклеарен русофоб кој нема елементарни идеи за политика, историја, географија, но сака да ја победи Русија во сè; б) под Маргарет Тачер, не поседувајќи ги нејзините способности ниту за 5 проценти; в) очекува да ја надмине енергетската криза и инфлацијата на храната, кои станаа резултат на сопствените налудничави санкции. Ќе се скара со сите, се ќе пропадне и срамно ќе замине, како и нејзиниот претходник, бушавата Бориска. Па, во Британија, позната по своите традиции, се чини дека има уште една.
Втор чин. Човек со тажно лице по име Борел рече дека Русија е фашистичка држава.
Не би се навраќал на оваа одвратна изјава но морам да нагласам дека таквите работи никогаш никој не смее да ги заборави. Овој службеник треба трајно да биде наведен како суштество кое не е подобно за помилување“, напишал Медведев, според медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Лукашенко: Се договоривме со Путин, Орешник ќе го добиеме во следните неколку дена
Белорускиот лидер Александар Лукашенко рече дека очекува Русија многу брзо да распореди Орешник, нејзината нова балистичка ракета со среден дострел, во неговата земја.
„Ќе го добиеме Орешник во следните неколку дена“, рече Лукашенко на прес-конференција.
Тој рече дека е постигнат договор со рускиот претседател Владимир Путин за испорака на хиперсонична ракета во Белорусија пред таа да биде распоредена во Русија.
Лукашенко рече дека Белорусија ги сака ракетите на нејзина почва за да се заштити од новите американски ракети со среден дострел распоредени во Европа.
Москва веднаш не ги потврди наводите на Лукашенко.
Русија лани во ноември истрела ракета Орешник врз украинскиот индустриски град Днипро.
Еден месец подоцна, Путин тврдеше дека западните одбранбени системи не можат да го пресретнат Орешник. Тој исто така рече дека може да погоди цели во Западна Европа.
Западните воени аналитичари велат дека Орешник може да носи нуклеарни боеви глави.
Европа
Лукашенко го „освои“ седмиот мандат
Александар Лукашенко, лидерот кој владее со Белорусија три децении, го освои седмиот мандат на избори на кои немаше вистинска конкуренција.
Државните медиуми објавија дека 70-годишниот Лукашенко, близок соработник на рускиот претседател Владимир Путин, според излезните анкети освоил 87,6 отсто од гласовите.
Традиционално, излезните анкети се речиси идентични со подоцнежното објавување на резултатите од изборната комисија.
Со оглед на тоа што опозициските политичари се или во егзил или се затворени, а четворица алтернативни кандидати се сметаат за статисти одобрени од државата на наместени избори, се очекуваше Лукашенко да освои уште еден петгодишен претседателски мандат.
Европа
Фаворитот за германски канцелар вети продолжување на поддршката за Украина: „Тие мора да победат“
Фридрих Мерц, лидерот на германската опозиција и парламентарната група на ЦДУ/ЦСУ (Унија), како и кандидат за иден германски канцелар, најави дека завршувањето на руската војна против Украина ќе биде клучен стратешки приоритет доколку тој стане канцелар, пишува Шпигел.
Според извештајот, Мерц ветил континуирана поддршка за Украина, нагласувајќи дека ставањето крај на руската агресија ќе биде приоритет за неговата влада. Тој нагласи дека Украина мора да ја добие војната.
„Победата значи враќање на територијалниот интегритет со демократски легитимирана влада која има целосен суверенитет“.
Мерц, исто така, истакна дека Украина мора да има слобода да избира свои политички и воени сојузи.
Кандидатот за канцелар избегна директно да ја коментира актуелната дебата за предложениот пакет помош од 3 милијарди евра за дополнителни испораки на оружје. Како и сегашниот канцелар Олаф Шолц, Мерц остана на својот став дека Германија не смее да стане активна страна во војната.