Свет
Медведев со нова порака: Москва треба жестоко да му се одмазди на Западот

Москва треба жестоко да му се одмазди на Западот за неселективни санкции кои им штетат на обичните граѓани, изјави поранешниот руски претседател, Дмитриј Медведев.
Медведев на „Телеграм“ напиша дека ограничувањата не се наметнати само на функционери и деловни субјекти, туку „се насочени против сите граѓани на Русија“.
„Идејата е јасна: колку повеќе Русите страдаат, толку подобро за Западот“, напиша поранешниот претседател, сега потпретседател на рускиот Совет за безбедност и еден од најгласните критичари на Западот.
Медведев презентира и контраплан. Според него, Русија треба да ги казни своите непријатели создавајќи проблеми за западните економии поттикнувајќи го јавното незадоволство од „глупавите политики“ на западните влади и промовирајќи меѓународни одлуки, кои ги поткопуваат интересите на западниот свет.
Тој е лут на последните американски и европски санкции. Соединетите Американски Држави во петокот објавија дека ставаат на црната листа 500 поединци и компании, а Советот на Европската Унија го посочи тоа за речиси 200 субјекти.
Министерството за финансии на САД одлучи да го ограничи државниот оператор на платниот систем „Мир“, чија популарност порасна откако Русија беше отсечена од глобалниот финансиски систем „Свифт“, а „Виза“ и „Мастеркард“ ја откажаа соработката.
Кремљ упорно повторува дека санкциите се незаконски и дека нивната цел е да ја дестабилизираат Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Големо враќање на легендарната руска шпионка, за која целиот свет пишуваше во 2010 година: Путин ѝ довери нова мисија!

Поранешната руска шпионка Ана Чепмен, некогаш најпознатата тајна агентка во светот, повторно влезе во светот на шпионажата, овој пат со сосема нова задача од Москва.
Според руските медиуми, 43-годишната Чепмен, сега под името Ана Романова, е назначена за директорка на новоотворениот Музеј на руската разузнавачка служба, проект директно поврзан со елитната тајна служба на Владимир Путин, СВР (наследникот на поранешната КГБ).
Од британски државјанин до симбол на руската шпионажа
Чепмен стекна меѓународна слава во 2010 година, кога ФБИ ја уапси во Њујорк како дел од руска „скриена ќелија“. По кратко судење, таа беше вратена во Русија во размена на шпиони во која, меѓу другите, беше испратен и двојниот агент Сергеј Скрипал во Велика Британија. Скрипал подоцна беше отруен во Солсбери во напад за кој западните служби ја обвинија Москва.
Нејзиниот нов музеј е регистриран во близина на московскиот парк Горки, во зграда што ѝ припаѓа на Службата за надворешно разузнавање (СВР), и има за цел да ја прикаже „историјата и успесите на руската шпионажа“, со посебен акцент на операциите против Западот.
Чепмен и претходно се прослави во Лондон, каде што го искористи својот шарм и врски за да влезе во круговите на богати бизнисмени, политичари и олигарси. Таму, наводно, била регрутирана од руски агент кој дејствувал од британскиот главен град.
Таа станала британски државјанин преку бракот со Алекс Чепмен, но бракот завршил бурно. Нејзиниот поранешен сопруг, кој подоцна починал, еднаш се обидел да ја нападне Ана со дупчалка, објавија британските таблоиди.
Во својата автобиографија објавена минатата година, Чепмен се прикажува себеси како „женски Џејмс Бонд“ – таа е, како што вели, самоуверена, заводлива и пресметлива.
„Природата великодушно ми даруваше: тесен струк, гради и долга црвена коса. Сè што требаше да направам беше да ја нагласам со едноставна, но секси облека и лесна шминка. Најважно беше што не се трудев премногу. И тоа функционираше како магија“, напиша таа во своите мемоари.
Во мемоарите, таа опишува и патувања, раскошни забави и средби со влијателни луѓе, а меѓу деталите се споменува и како наводно се вработила во лондонски хеџ фонд – по партија стриптиз-покер.
Сепак, Чепмен не открива какви информации можеби ѝ пренела на Москва, ниту пак ги споменува британските политичари и милијардери со кои наводно се зближила.
фото: принтскрин
Свет
Хамас: Ги суспендираме јавните егзекуции на членови на сопернички банди и кланови

Хамас им соопшти на мировните преговарачи дека ќе ги запре јавните егзекуции на членови на сопернички банди и кланови, изјавија арапски претставници за „Волстрит џурнал“.
Одлуката на терористичката организација дојде откога преговарачите ѝ кажаа дека Израел може да ги искористи егзекуциите како изговор за да продолжи со борбите во Газа, се вели во извештајот.
Во извештајот не е разјаснето дали одлуката се однесува исклучиво на јавни егзекуции.
Извештаите за егзекуции на луѓе од страна на Хамас и за пукање од ривалски сили предизвикаа немири во Појасот Газа и на други места, само еден ден по потпишувањето договор за прекин на огнот со Израел.
Видеата објавени на социјалната мрежа „Икс“ покажаа масовно егзекутирање осум лица на плоштад во град јужно од градот Газа, опкружени со голема толпа луѓе. Сведоците за германската новинска агенција ДПА на телефон изјавија дека Хамас ги обвини егзекутираните за соработка со израелската армија.
Видеата прикажуваат неколку мажи со оружје како постројуваат осум лица со врзани раце зад грбот на јавен плоштад пред толпа. Иако Би-би-си не можеше да ги потврди идентитетите на маскираните напаѓачи, некои од нив носат зелени ленти за глава поврзани со Хамас.
Американскиот претседател Доналд Трамп изјави само еден ден пред јавната егзекуција дека Хамас добил зелено светло за внатрешни безбедносни операции што ги спроведува во Појасот Газа велејќи дека групата сака да „ги запре проблемите“ и „ние им дадовме одобрение за одреден временски период“.
JUST IN:
Reporter: Hamas is rearming itself as a police force, shooting rivals. What’s the message to Hamas?
Trump: They want to stop the problems. They have been open about it. And we gave them an approval for a period of time…
Surprisingly based
pic.twitter.com/GYk8imJt0o— ADAM (@AdameMedia) October 13, 2025
Палестинската милитантна група, која, според предлогот на Трамп за прекин на војната, мора да се разоружа и да престане да ја води Газа, распореди внатрешни безбедносни сили во делови од крајбрежната енклава по стапувањето во сила на прекинот на огнот велејќи дека сака да ги запре беззаконието и грабежите и да спречи безбедносен вакуум.
Сепак, Трамп подоцна се закани дека САД ќе ги убијат членовите на Хамас ако групата продолжи да убива цивили во Газа.
— Karoline Leavitt (@PressSec) October 16, 2025
„Ако Хамас продолжи да убива луѓе во Газа, што не беше дел од договорот, нема да имаме друг избор, освен да влеземе и да ги убиеме“, напиша тој.
фото: принтскрин
Регион
Вучиќ: Терористички чин пред српскиот парламент

Српскиот претседател Александар Вучиќ денес во Палатата на Србија изјави дека пред српскиот парламент се случил терористички чин.
„Јас сум првиот што зборува и се извинувам што ќе морам да го напуштам овој прекрасен состанок. Причината е терористичкиот чин што се случи пред српскиот парламент, па ќе морам да се занимавам со други работи“, рече претседателот на Србија на состанокот по повод потпишувањето договор за распределба на средства за купување селска куќа“, јавуваат српските медиуми.
Претходно денес, пожар избувна пред српскиот парламент кратко по 10 часот наутро, а пред тоа се слушнаа истрели. Во меѓувреме, едно лице е уапсено.