Свет
Медицинска сестра обвинета за убиство на седум бебиња во Англија: „Целиот мој свет застана“
Медицинската сестра Луси Летби плачеше додека го опишуваше моментот на суд каде беше обвинета за убиство на неколку бебиња, велејќи: „Целиот мој свет застана во тој момент“, пренесуваат светските медиуми.
Медицинската сестра негираше дека повредила некое дете и рече дека и е „скршено срцето“ што е обвинета за убиство на седум бебиња и обид за убиство на 10 други.
Давајќи докази за прв пат во нејзиното осуммесечно судење пред судот во Манчестер , 33-годишната Летби рече дека „само давала се од себе за да се грижи за нив. „Тука сум да помогнам и да се грижам, а не да наштетам“.
На прашањето на нејзиниот адвокат дали некогаш повредила дете под нејзина грижа, таа одговори: „Не, тоа е целосно спротивно на она што е медицинската сестра“.
Летби изјави: „болно e – едноставно не можев да поверувам“, кога беше прашана за моментот кога ѝ беше кажано дека е осомничена за убиство на бебиња во неонаталното одделение во болницата каде што работеше од јануари 2012 година.
На прашањето како се чувствува рече: „Беше поразително. Мислам дека не може да те обвинат за ништо полошо од тоа. Мојата работа беше мојот живот. Не можам да го опишам со зборови, целиот свет ми застана. Мислам дека тоа целосно промени сè за мене, мојот живот, надежите што ги имав за иднината. Едноставно сè исчезна“, рекла поранешната медицинска сестра.
Луси Летби е по потекло од Херефорд и негира дека убила седум бебиња и се обидела да убие уште 10 други во болницата помеѓу јуни 2015 и јуни 2016 година.
Ја прашале и за белешките пронајдени во нејзиниот дом на кои пишувало „Не ми е добро“, „Не можам да дишам, не можам да се фокусирам“ и „Се мразам себеси“, а таа изјавила дека ги напишала белешките откако била отстранета од одделението за новороденчиња во 2016 година.
„Почувствував огромна одговорност. Чувствував дека сум неспособна или дека сум направила нешто лошо што им наштетило на децата“, вели обвинетата.
Судењето на медицинската сестра продолжува, пишува Гардијан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Запалени фигури на политичари: албанските пратеници од опозицијата протестираа во Собранието
Пратениците на албанската опозиција денеска протестираа во Собранието, палејќи фигури на политичари, а потоа се судрија со обезбедувањето, откако нивниот колега Ервин Салијањи беше осуден на затворска казна за клевета.
Пратениците на конзервативните демократи кои повикаа на бојкот на денешната седница се обидоа да им го блокираат влезот во салата на своите колеги од владејачката Социјалистичка партија, пренесува АП.
Chaos has continued in the #Parliament in #Albania. Prime Minister #EdiRama's party on Wednesday expelled 23 opposition MPs, who will no longer be able to participate in parliament for 60 days. this has fueled clashes between the majority and opposition groups in parliament. pic.twitter.com/GotXgfHyd1
— Isa Myzyraj (@IsamyzyrajAlb) October 3, 2024
Салијањи во 2018 година побара оставка од тогашниот министер за внатрешни работи поради обвинувања дека братот на министерот извршил незаконски активности, кои подоцна се покажаа како лажни, анализира медиумот.
Демократите ја прекинаа парламентарната седница во понеделникот, велејќи дека осудата на Салијањи е политички мотивирана и повикаа на протести во Тирана.
Пратениците денеска се скараа со обезбедувањето и ги запалија фигурите на премиерот Еди Рама и министерот за внатрешни работи Фатмир Џафај.
Откако не влегоа во салата, пратениците од опозицијата го прекинаа протестот, а социјалистите ја затворија седницата и си заминаа.
Демократите долго време го обвинуваат Рама за злоупотреба на власта.
Рама ги предводеше социјалистите од 2005 година и моментално е во третиот премиерски мандат.
Следната година во Албанија треба да се одржат парламентарни избори, пренесува Танјуг.
Свет
Спијат на плажите: раселените во Либан исплашени поради израелските бомбардирања
Махмуд спие на ќебе со сопругата и двегодишниот син на плажа во главниот град на Либан, Бејрут.
Тие се меѓу десетиците илјади луѓе кои побараа засолниште во Бејрут откако избегаа од разорните израелски воздушни напади низ Либан.
„Дојдовме во Бејрут затоа што мислевме дека градот ќе биде побезбеден“, рече Махмуд. „Но, сега спиеме овде, на плажа, без ништо, пренесува Радио Слободна Европа.
Махмуд и неговото семејство побегнале од јужниот либански град Газија, една од најтешко погодените области, откако нивниот дом бил оштетен во израелски воздушен напад. Откако се качиле во преполн автобус со само три ранци, пристигнале во Бејрут по 20-часовно возење низ патишта блокирани од сообраќај.
Копнената инвазија на Израел во јужен Либан и неговите воздушни напади врз Хезболах, вооружената група и политичка партија поддржана од Иран, која контролира голем дел од јужен Либан, нанесе голема штета на цивилите, пишува медиумот.
Либанските власти соопштија дека повеќе од 1.100 луѓе се убиени откако Израел почна со воздушното бомбардирање на 23 септември. Околу 1,2 милиони луѓе, или една петтина од населението, беа раселени во најголемото раселување во историјата на таа земја.
Во Бејрут училиштата, универзитетите, џамиите, па дури и фудбалските стадиони се претворени во засолништа за раселените. И покрај тоа, илјадници немаат каде да одат и спијат на плажите, во парковите и плоштадите или во своите автомобили.
Махмуд и неговото семејство ги поминаа последните четири дена на плажата Ел Манара во Бејрут. Тие преживуваат благодарение на донациите на храна од локалното население, стои во написите.
„Не знаеме што да правиме“, рече Махмуд. „Сите засолништа се полни“.
Неговото семејство стравува дека наскоро може повторно да се преселат. Бејрут, густо населен град со околу 2,5 милиони жители, беше сцена на смртоносни израелски воздушни напади кои ги претворија делови од градот во урнатини.
„Ние сме ужаснати“, рече Махмуд. „Секој ден бомбите паѓаат сè поблиску и поблиску. Но, не знаеме каде да одиме“.
Привремената влада на Либан, оптоварена со обемот на раселувањето во земјата, веќе се бори да им помогне на сите на кои им е потребна. Прифатните центри се преполни и покрај тоа што локалните власти околу 500 училишта претворија во привремено сместување.
Светската програма за храна започна итна операција за да обезбеди храна за повеќе од милион луѓе погодени од зајакнувањето на израелската офанзива во Либан.
Организацијата, која предупреди дека Либан е во „пресвртна точка“, соопшти дека дистрибуира оброци и пари во засолништата низ целата земја.
Свет
Макрон: ЕУ може да умре ако не стане поконкуретнтна со САД и Кина
ЕУ може да умре ако не стане поконкурентна со САД и Кина, предупреди францускиот претседател Емануел Макрон.
„Унијата регулира премногу, а премалку инвестира“, рече Макрон, пренесуваат регионалните медиуми.
Вашингтон и Пекинг веќе ја надминуваат ЕУ по економски резултати и инвестиции, додаде.
„ЕУ може да умре, ние сме на работ на многу важен момент“, рече Макрон. „Нашиот стар модел е минато – ние регулираме премногу, а инвестираме премалку. Ако ја следиме нашата класична агенда во следните две до три години, ќе исчезнеме од пазарот“.
Во април, Макрон повика на поголема интеграција на европската одбрана и предупреди дека блокот не може да стане вазал на САД кога станува збор за безбедносни и воени прашања.
Неговото предупредување доаѓа по уште едно предупредување објавено во извештајот на поранешниот италијански премиер и поранешен шеф на Европската централна банка Марио Драги.
„Постои ризик нашата Европа да умре. Ние не сме опремени да се соочиме со ризиците“, рече Драги кога ја изложи својата визија за иднината на ЕУ. Извештајот на Драги, исто така, ги повикува владите на ЕУ да инвестираат повеќе во заеднички одбранбени проекти бидејќи „веќе не можат целосно да сметаат на САД“.
Некои европски влади стравуваат дека вториот мандат на Доналд Трамп може да претставува ризик за НАТО доколку победи на американските избори во ноември.
Макрон го нарече НАТО „мозочно мртов“ во 2019 година, посочувајќи дека Европејците повеќе не можат да сметаат на САД да обезбедат безбедносен чадор против заканите како што е руската агресија, анализираат медиумите.