Свет
Меркел: Ако продолжи ова темпо, за две недели ќе ја достигнеме границата
Еден ден пред воведувањето на драстичните мерки против ширење на коронавирусот, во Германија се регистрирани 14.177 новозаразени, а од последниот пресек починале 29 луѓе.
Како што соопшти Институтот Роберт Кох, вкупно досега се заразиле 532.930 луѓе, а починале 10.481.
Поради големиот пораст на бројот на заразени, Германија од утре воведува драстични мерки со кои владата сака да го сузбие ширењето на епидемијата. Мерките ќе бидат на сила до крајот на ноември, а оваа одлука, со која прилично се ограничува секојдневниот живот, предизвика бурни реакции кај граѓаните.
Канцеларката Ангела Меркел изјави дека владата е свесна дека бара многу од луѓето, но дека мора сега да се делува.
„ Нашиот здравствен систем денеска може да се носи со овие предизвици. Но, ако се продолжи со ова темпо, ќе ја достигнеме границата за неколку недели. Поради тоа овие строги мерки се неопходни“ порача Меркел.
Целта е до Божик да се намали бројот на нови инфекции, потоа да функционира економијата, а училиштата и градинките да останат отворени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Маж со метална вилушка нападнал тинејџери а потоа удрил патник на лет за Германија: авионот принудно слетал
Драма во авион со лет од Чикаго за Германија откако патник нападнал двајца тинејџери со метална вилушка, принудувајќи го авионот да биде пренасочен кон Бостон, соопштија американските власти, објави NBC News.
Напаѓачот, идентификуван како 28-годишниот Пранит Кумар Усирипали, бил уапсен веднаш штом авионот слетал на меѓународниот аеродром Логан во Бостон.
Канцеларијата на државниот обвинител на Масачусетс го обвини за кривично дело напад со смртоносно оружје со намера да предизвика телесни повреди. Засега не е познато дали Усирипали има адвокат кој ќе го застапува, а авиокомпанијата сè уште не го коментирала инцидентот.
Детали за нападот врз авионот
Според федералните обвинители, инцидентот се случил во саботата откако бил послужен оброк. 17-годишен патник, кој спиел на средното седиште, се разбудил и го нашол Усирипали како стои над него со вилушка. Усирипали се нафрлил врз тинејџерот, удирајќи го во левата клучна коска, а потоа прободел друг 17-годишник во задниот дел од главата, соопштија официјални лица. Другиот млад човек претрпел посекотина.
Кога екипажот на авионот се обидел да го врзе, Усирипали направил пиштол со прстите, го ставил во уста и се преправал дека го повлекол чкрапалото. Обвинителите велат дека потоа тој удрил шлаканица на патничка и се обидел да удри член на екипажот.
Истрагата утврдила дека Усирипали е индиски државјанин кој претходно бил во САД со студентска виза и бил запишан на магистерска програма по библиски студии. Според Канцеларијата на американскиот обвинител, Усирипали моментално не е со легален престој во САД, пренесуваат медиумите.
Фото: принтскрин
Свет
Лавров: Русија е подготвена да даде гаранции за ненапаѓање на земјите членки на НАТО и ЕУ
Рускиот министер за надворешни работи, Сергеј Лавров, изјави дека Москва е подготвена да им даде на земјите членки на НАТО и Европската унија гаранции за ненапаѓање, нагласувајќи дека Русија нема намера да нападне ниту една од нив.
„Повеќепати сме порачале дека немаме намера да нападнеме ниту една сегашна членка на НАТО или ЕУ,“ рече Лавров на Евроазискиот безбедносен форум во Минск, додавајќи дека овој став може да биде дел од идните безбедносни гаранции за регионот.
Тој ги повтори критиките кон западните земји, обвинувајќи ги дека одбиваат вистински колективни безбедносни договори со Русија.
Лавров оцени дека дијалогот со лидерите на ЕУ е невозможен, бидејќи тие не прифаќаат заеднички безбедносни гаранции „со Русија, туку само против Русија“.
Свет
(Видео) Американските сили убиле 14 лица во напад на бродови со дрога во Пацификот
Американските сили убиле 14 лица во напади на четири пловила во Пацификот за кои се сомнева дека превезувале дрога, потврди американскиот министер за одбрана Пит Хегсет. Едно лице преживеало и било спасено од мексиканските служби.
Според Би-Би-Си, нападите во источниот Пацифик се извршени во понеделник по наредба на претседателот Доналд Трамп и претставуваат ескалација во акциите против трговците со дрога.
U.S. Secretary of Defense Pete Hegseth has announced that yesterday, October 27, 2025, at the direction of President Donald J. Trump, the United States Armed Forces carried out a series of strikes against four vessels alleged to be trafficking drugs in the Eastern Pacific. As a… pic.twitter.com/P9HPfXE6UD
— OSINTdefender (@sentdefender) October 28, 2025
Хегсет изјави дека четирите бродови биле познати на разузнавачките служби и се движеле по познати рути на шверц со дрога, нарекувајќи ги убиените „нарко-терористи“.

