Свет
Меркел за „случајот Навални“: Русија мора да одговори на некои тешки прашања

Германската канцеларка, Ангела Меркел, изјави дека рускиот опозиционер Алексеј Навални е жртва на злосторство.
„Алексеј Навални е жртва на напад со хемискиот нервен агенс од групата ‘новичок’. Овој отров несомнено е најден во анализите. На тој начин се потврдува дека Алексеј Навални е жртва на злосторство. Требало да се замолчи. Најостро го осудувам нападот во име на германската Влада“, изјавила Меркел во Берлин.
Канцеларката додала дека тоа што му се случило на Навални отвора тешки прашања на кои само Русија може да одговори.
„Министерството за надворешни работи го извести рускиот амбасадор за резултатите. Очекуваме руската Влада да објасни што се случило. Се појавија некои тешки прашања на кои може и треба да одговори само руската Влада“, рекла Меркел.
Според неа, судбината на Навални го привлече светството внимание.
„Светот чека одговори“, нагласила Меркел.
Таа навела дека Берлин ќе ги извести своите партнери во ЕУ и НАТО за новите околности за случајот со Навални и дека ќе биде договорена заедничка реакција и ќе биде објавена заедничка изјава.
Портпаролот на Кремљ, Дмитриј Песков, изјави дека Берлин не ја известил Москва за новите наоди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Акциите на Тесла потонаа откако Маск најави дека ќе формира партија

Акциите на „Тесла“ паднаа за речиси 7% еден ден откако извршниот директор Илон Маск најави формирање на нова политичка партија, наречена „Американска партија“, со што пазарната вредност на компанијата се намали за повеќе од 68 милијарди долари.
Маск во саботата изјави дека партијата би можела да се фокусира само на „2 или 3 места во Сенатот и 8 до 10 места во Претставничкиот дом“, што, според него, би било „доволно за да се одлучи за контроверзното законодавство и да се осигури дека тоа навистина ја одразува волјата на народот“.
Зголеменото политичко присуство на Маск долго време е загриженост за акционерите на Тесла. Порано оваа година, тој работеше во таканаречениот Оддел за владина ефикасност (DOGE) работејќи со претседателот Доналд Трамп, потег што многумина го сметаа за потенцијално штетен за брендот на Тесла.
By a factor of 2 to 1, you want a new political party and you shall have it!
When it comes to bankrupting our country with waste & graft, we live in a one-party system, not a democracy.
Today, the America Party is formed to give you back your freedom. https://t.co/9K8AD04QQN
— Elon Musk (@elonmusk) July 5, 2025
Акциите на Тесла пораснаа откако тој го напушти DOGE во мај. Но, неодамнешната најава на Маск за враќање во политиката повторно предизвика загриженост.
„Едноставно кажано, сè подлабокиот ангажман на Маск со политичката елита на Вашингтон е токму спротивното од она што инвеститорите во Тесла го сакаат во ова клучно време“, рече Ден Ивс, раководител на технолошки истражувања во Wedbush Securities, во белешка до клиентите.
„И додека најлојалните поддржувачи на Маск ќе го поддржат секој негов потег, расте бројот на акционери кои чувствуваат замор од неговата политичка насока“, додаде Ивс.
Свет
Британија: Путин изгубил 16 генерали на бојното поле од почетокот на војната

Рускиот претседател Владимир Путин изгубил 16 генерали на бојното поле од почетокот на војната против Украина, според британското Министерство за одбрана, пишува HuffPost.
Британското Министерство за одбрана (МО) вели, како што пренесува медиумот, дека оваа загуба сериозно го нарушила синџирот на команда и контрола во некои делови од руската војска.
Во извештај на социјалната мрежа X, објавен за време на викендот, МО истакнува дека двајца високи генерали биле убиени во 2025 година, а вкупно пет во последните 12 месеци.
„Загубата на толку многу високи офицери веројатно го нарушила синџирот на команда и контрола во делови од руските вооружени сили. Ова веројатно придонело за тактичките и оперативните тешкотии на Русија за време на конфликтот“, вели МО.
Најновата жртва е генерал-мајорот Михаил Гудков, кој почина по украинскиот напад врз руска командна позиција на 2 јули во регионот Курск во западна Русија.
Според Министерството за одбрана, Гудков веројатно ги предводел обидите на поморските пешадиски единици да воспостават тампон зона во украинскиот Сумски регион. Напредокот на Русија во регионот е забавен од украинските контранапади и значителните руски загуби.
Министерството за одбрана претходно објави дека бројот на руски воени жртви надминал еден милион од почетокот на инвазијата во февруари 2022 година.
Свет
Медведев за Фон дер Лајен: Се чини дека злобната старица – гинеколог им здосади на сите

Претседателката на Европската комисија, Урсула фон дер Лајен, најверојатно ќе остане на функцијата, иако непријатен впечаток остави приказната за набавката на вакцината „Фајзер“ за време на пандемијата, според заменик-претседателот на Советот за безбедност на Русија, Дмитриј Медведев.
„Се чини дека злобната старица – гинеколог им здосади на сите. Покрај тоа, беше откриено дека си ги извалкала рацете и учествувала во манипулации со набавката на вакцините на „Фајзер“ за време на пандемијата“, изјави Медведев.
„Не е познато што, и во какви количини добила, секако остави непријатен впечаток. Ова започна непријатен процес за неа. Уште оваа недела, за судбината на Урсула ќе одлучува бесмислениот и немилосрден Европски парламент. Ситуацијата е нејасна. Многу е веројатно дека оваа токсична жена сепак ќе ја задржи својата позиција“, напиша тој на својот Телеграм канал.
Во понеделникот, Европскиот парламент на својата седница во Стразбур ќе разгледа гласање за недоверба на претседателката на Европската комисија поради сериозни неправилности во набавката на вакцини за време на пандемијата на коронавирусот, пренесуваат медиумите.