Свет
Мигрантите пробиваат нова рута до Европа низ Босна
Босанските гранични патроли уапсиле 100 мигранти кои во понеделникот се обиделе да влезат во соседна Хрватска, пренесува „Еј-би-си њуз“. Мигрантите што беа блокирани на границата во понеделникот се дел од многу поголема група африкански, азиски и арапски мигранти, кои живеат во импровизираните кампови во босанскиот град Велика Кладуша.
Повеќе од 5.600 мигранти влегоа во Босна и Херцеговина од јануари во споредба со 754 за 2017 година. Со оглед на тоа што Италија ги заострува граничните контроли и патролите во медитеранските води на Либија, мигрантите и трговците со луѓе се принудени да изнаоѓаат разни рути кон континентот.
Балканската рута кон Западна Европа почнува во Грција, а потоа се движи низ соседните балкански држави, како Бугарија, Србија или Црна Гора, пред да стигне до Босна. Балканските држави се неподготвени за да се справат со голем број мигранти, немаат доволно ресурси кај силите за спроведување на законот за справување со нив. Истиот ден кога 100 хрватски имигранти беа вратени на хрватската граница, друг босански мигрант беше избоден во бегалски центар јужно од преминот.
Во 2015 година, годината на насилните новогодишни напади во Германија, стотици илјади мигранти одеа кон запад преку Балканот, што имаше значително негативно влијание врз стапката на криминал.
Фронтекс предупреди дека во Европа може да дојде нов голем мигрантски бран. Кога германската канцеларка Ангела Меркел прифати повеќе од еден милион баратели на азил во 2015 година, уделот на мигрантите во насилните кривични дела од 2014 до 2016 година се зголеми повеќе од трипати, од 4,3 на 13,3 отсто.
Една германска студија откри дека 27 отсто од мигрантите што ги прифати Меркел биле мажи на возраст меѓу 14 и 30 години, демографски особено склони кон насилен криминал. Како што објави „Блумберг“, пред доаѓањето на мигрантите трендот на насилниот криминал во регионот одел по надолна насока и се намалил околу 22 процента во периодот меѓу 2007 и 2014 година. Сепак, до 2017 година трендот тргна во нагорна насока и се зголеми 10,4 отсто. Изненадувачки 91 отсто од злосторствата што биле решени биле извршени од мигранти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.