Европа
Млад човек избоден до смрт на фестивал во Германија: уапсени двајца американски војници
Дваесет и осумгодишниот маж, кој почина по расправија со двајца американски војници на локалниот фестивал во западна Германија, бил избоден повеќепати со ладно оружје, покажаа резултатите од обдукцијата.
Властите соопштија дека тепачката избувнала во раните утрински часови во саботата на фестивал во Витлих, град меѓу Трир и границата со Луксембург.
Жртвата наводно била нападната од двајца американски војници, кои не биле на должност. Резултатите од обдукцијата покажале дека мажот бил прободен повеќе пати во горниот дел од телото. „Тој на крајот искрвави“, рече високиот обвинител Манфред Стемпер.
Осомничените, на возраст од 25 и 26 години, им беа предадени на американските воени власти во согласност со договорите, со кои се регулира присуството на силите на НАТО во сојузничките земји. И двајцата ќе останат во американски притвор додека не заврши истрагата, соопшти американската воздухопловна база Спангдалем, на 20-ина километри од Витлич.
Обвинителот Стемпер изјави дека мотивот за нападот и причината за тепачката сè уште се „целосно нејасни“. Никој од осомничените не го признал делото, а еден војник тврди дека не се сеќава на инцидентот, додаде Стампер. И двајцата го посетија фестивалот со своите пријатели.
„Ова, секако, за нашата мирна заедница е трагедија, која не може да се толерира и можеше да се спречи“, рече во изјавата полковникот Кевин Крофтон, командант на 52. борбено крило, според американскиот воен весник Stars & Stripes.
Смртоносниот напад фрли сенка врз традиционалниот фестивал Saeubrennerkirmes, именуван по народната приказна за средновековната опсада на градот. Фестивалот го посетуваат луѓе од цела Германија, а годинава се очекуваат до 100.000 посетители.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украина: Русите го нападнаа Харков, уништени се згради, меѓу повредените има и дете
Украина ги уништи сите 10 беспилотни летала во руски напад во текот на ноќта, но две лица се повредени, а станбени згради во регионот Харков беа зафатени од пожар, соопштија денеска украинските власти.
Воздухопловните сили на „Телеграм“ соопштија дека Русија лансирала и две противвоздушни наведувани ракети. Портпаролот на украинските воздухопловни сили во телевизиски пренос изјави дека руските ракети, најверојатно, биле насочени кон североисточниот град Харков.
Гувернерот на регионот Харков, Олех Синехубов, рече дека три станбени куќи биле запалени, а десетици биле оштетени како резултат на рускиот напад, чија цел, според него, биле и инфраструктурата и станбените области. На фотографиите што ги објави Синехубов на „Телеграм“ се гледаат големи пламени јазици од станбените згради.
„Две лица, меѓу кои и едно 11-годишно дете, се ранети во нападот и се на медицинска помош“, рече Синехубов на апликацијата „Телеграм“.
„Ројтерс“ сè уште не ја потврди независно оваа вест. Москва негира дека цели на цивили во овие „легитимни напади врз воената, енергетската и транспортната инфраструктура на Украина“.
Европа
Повредени двајца полицајци во Париз кога маж им го украл пиштолот и пукал во нив
Двајца полицајци се повредени во престрелка во полициската станица во Париз, кога на еден од нив му бил одземен пиштолот од маж кој претходно бил приведен поради напад со нож врз жена.
„Полицијата интервенираше и го донесе овде, во полициската станица, и тој потоа му го грабна пиштолот на полицаецот“, изјави началникот на полицијата Лорен Нунес.
Обвинителството соопшти дека еден од полицајците е во тешка состојба, пренесува „Монд“.
Полицијата возвратила, а напаѓачот се здобил со повреди во пределот на градниот кош, по што бил пренесен во болница.
Како што информираат од болницата, животот на напаѓачот не е во опасност.
Европа
Путин го избра премиерот
Рускиот претседател Владимир Путин предложи повторно именување на Михаил Мишустин за премиер во неговиот нов претседателски мандат, изјави утрово претседателот на Државната дума, долниот дом на рускиот парламент.
Откако Путин во вторникот положи заклетва за нов шестгодишен претседателски мандат, тамошната влада, според одредбите на рускиот Устав, поднесе оставка.
И додека во последните денови се шпекулираше дека може да има промени на некои важни и суштински позиции, а руските независни медиуми споменуваа евентуално заминување на Михаил Мишустин од премиерската позиција, Путин повторно го предложи за таа функција.
„Претседателот Владимир Владимирович Путин достави до Државната дума предлог за кандидатурата на Михаил Владимирович Мишустин за функцијата премиер. Денеска претставниците ќе донесат одговорна одлука за ова прашање во име на нивните гласачи“, изјави претседателот на Думата, Вјачеслав Володин на апликацијата Телеграм.
Ова е петти мандат на Путин на власт, а тој го номинираше Мишустин за премиер за прв пат во јануари 2020 година, кога Владата предводена од Дмитриј Медведев поднесе оставка по најавените важни уставни промени во политичкиот систем на земјата од страна на претседателот.
Мишустин, кој ќе зборува во Думата пред гласањето, мора да одговори како ќе реши низа задачи што Путин и ги постави на владата, вклучително и „зголемување на одбранбената способност на нашата земја“, рече Володин.