Свет
Млад човек се спасил од фестивалот на смртта во Израел: Се чувствував како животно што го ловат
Џилад Карплус за Би-би-си го раскажа своето искуство на фестивалот „Супернова“ во пустината во јужен Израел, кој беше нападнат од милитантите на Хамас.
„Имаше ракети, па почнаа да пукаат. Доаѓаше од разни страни и стануваше сè погласно и погласно“, се присетува.
„Видов како луѓето се движат. Кога го видовме тоа, само скокнавме во џипот и се возевме во полињата“, продолжи тој. Тој рече дека во еден момент низ нивата го бркале осум вооружени лица на мотори, облечени во израелски воени униформи.
Еден истрел во автомобилот и фрагменти од куршумот поминале низ задниот дел од капата и го погодиле во главата.
„Почнав да крвавам. Не знаев каква е ситуацијата – дали имам куршум во черепот или што. Само знаев дека треба да ја држам главата колку што можам поцврсто за да не искрвавам“, нагласи тој.
Гилад и неговиот пријател потоа се скриле надевајќи се дека некој ќе дојде да ги спаси. Гилад вчера беше на преглед во болница за да го смени завојот на раната на главата за кој вели дека е потсетник за тоа колку среќа имал.
„Целото утро кога се случи таа ситуација се чувствував како животно што го ловат… Никогаш повеќе не сакам да бидам во таа положба“, рекол тој.
Агенцијата за спасување „Зака“ објави дека повеќе од 260 тела биле извлечени од местото на фестивалот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.