Свет
Московици: Конфликтот за буџетот на Италија е повеќе политички отколку економски
Отфрлањето на нацрт-буџетот на Италија од страна на Европската комисија не значи почеток на нова економска криза во Европа, но открива постоење политички конфликт во ЕУ, изјави европскиот комесар за економски и финансиски прашања, Пјер Московици, за францускиот сервис CNews.
„Ова е политичка криза, ова се облозите ставени пред европските избори. Се соочуваме со егзистенцијална криза, која се покажа првпат од создавањето на ЕУ, се појавија популистички сили, силите на нетолерантната демократијата што ја напаѓаат слободата. Ова е италијански предизвик што сега не е криза, туку буџетски предизвик, предизвик за правилата на ЕУ“, рече Московици.
Економијата во еврозоната расте, се отвораат нови работни места, финансиската состојба во повеќето земји членки на ЕУ е подобрена, а нивниот јавен долг, со исклучок на Италија, беше во пад, истакна тој.
„Европската економија не е во криза“, заклучува еврокомесарот.
Во вторникот Европската комисија го отфрли нацрт-буџетот на Италија за 2019 година и му даде на Рим три недели за ревизии. Московици тогаш забележа дека нацрт-буџетот одобрен од актуелната италијанска влада на 15 октомври не е во согласност со обврските што ги постави претходната влада во јули 2017 година.
Во врска со прашањето италијанскиот министер за внатрешни работи и вицепремиер, Матео Салвини, рече дека Рим нема да промени дури ни запирка во буџетот за 2019 година нарекувајќи ги активностите на Брисел напад на италијанската економија и обвинувајќи го раководството на ЕУ за обид да го попречат економскиот раст на Италија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.