Свет
Во Мјанмар ослободени новинарите на „Ројтерс“ по 500 дена затвор
Двајца новинари на „Ројтерс“, кои беа осудени во Мјанмар поради кршење на Законот за службената тајна, се пуштени од затвор во близина на градот Јангон по повеќе од 500 дена поминати зад решетки.
Новинарите Ва Лон (33) и Кјау Соу О (29) во септември беа осудени на седум години затвор во случајот што предизвика прашања за демократски прогрес на Мјанмар и предизвика незадоволство на дипломати и борците за човекови права.
Тие беа ослободени со амнестијата на претседателот Вин Минт, во која беа вклучени 6.520 затвореници.
„Ројтерс“ тврди дека двајцата новинари не сториле никакво злосторство.
Кјау Соу О насмеан излезе од затвор мавтајќи им на новинарите, а Ва Лон ги крена палците и рече дека е благодарен за меѓународните напори да се пуштат на слобода.
„Многу сум среќен и возбуден што ги гледам мојата фамилија и колегите. Не можам да дочекам да одам во редакција“, рече тој.
Пред да бидат уапсени во декември 2017 година, двајцата новинари работеа на истрагата за убиствата на 10 мажи и момчиња Рохинџа-муслимани за кои се вели дека се извршени од страна на безбедносните сили и будистички цивили во западната држава на Мјанмар, Ракајн, за време на воените акции што почнаа во август 2017.
Според процените на ОН, поради таа операција, 730.000 Рохинџа-муслимани избегале во Бангладеш.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.