Свет
Над 100 лица повредени од земјотресот во Иран

Како резултат на земјотресот со јачина од 5,9 степени според Рихтеровата скала во Иран, повредени се најмалку 128 лица, неколку часа откако два земјотреси ја погодија провинцијата Хормозган на југ, пренесе новинската агенција „Ројтерс“.
Гувернерот на провинцијата Керманшах истакна дека поголемиот дел од повредените добиле медицинска помош, но не е неоходно да бидат хоспитализирани.
Државните медиуми објавија дека на земјотресот претходеле два помали потреси, со јачина од 4,7 и 5,7 степени според Рихеровата скала кои причиниле материјални штети во неколку села.
Иран претрпе неколку катастрофални земјотреси во последниве години. Во ноември минатата година, земјотрес со јачина од 7,3 степени ја погоди провинцијата Керманшах во западниот дел од земјата, пришто загинаа најмалку 620 лица, а беа повредени илјадници луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Објавено е кога ќе биде погребан папата

Погребот на папата Франциско ќе се одржи во сабота, соопшти Ватикан.
Погребот на папата ќе се одржи во сабота, со почеток во 10 часот, објави Ватикан, пренесуваат медиумите во регионот.
Во соопштението за медиумите се истакнува дека погребната миса на римскиот епископ Франциско ќе се одржи на плоштадот „Свети Петар“.
Ватикан објави дека папата починал од мозочен удар што предизвикал кома и неповратна срцева слабост.
за неговата смрт пристигнуваат од целиот свет. Ватикан објави фотографија од папата Франциск во ковчег.
Свет
Германските католици се плашат од конзервативен папа: „Ризикот постои и не е мал“

Шефот на Централниот комитет на германските католици (ZdK) изрази надеж дека следниот папа ќе го продолжи наследството на отвореност што го следи папата Франциско, предупредувајќи дека изборот на конзервативна личност би можел да претставува предизвик за Црквата во Германија.
Претседателката на ЗдК, Ирма Штетер-Карп, за агенцијата ДПА изјави дека на Црквата ѝ е потребно лидерство способно да одговори на барањата на 21 век. Таа рече дека изборот на конзервативен папа веројатно би претставувал значаен предизвик за Католичката црква во Германија.
Таа предупреди на присуството на сили во рамките на Католичката црква кои сакаат да ја задржат свештеничката моќ и ја сметаат преголемата слобода за верниците за закана за единството на Црквата.
„Тој ризик постои и не е мал“, рече таа.
Анкетите постојано покажуваат дека мнозинството германски католици ги поддржуваат либералните реформи, вклучувајќи ги поголемите права за жените и промената на ставот на Црквата за сексуалниот морал.
Свет
Кина го егзекутира мажот кој го избоде јапонско дете до смрт

Кина погуби маж за убиство на 10-годишно јапонско момче во септември минатата година, соопшти јапонската амбасада во Пекинг, пренесува Би-би-си.
Жонг Чангчун беше осуден на смрт во јануари откако избоде момче кое одеше кон јапонско училиште во градот Шенжен, во југоисточна Кина.
Тој случај ги потресе двете земји и дополнително ги подигна дипломатските тензии, со сомневање дека станува збор за ксенофобичен напад.
„Јапонската влада го смета убиството на целосно невино дете за непростливо злосторство и на оваа егзекуција гледа со најголема сериозност“, се вели во соопштението на јапонската амбасада за Би-би-си.
„Поради овој инцидент, јапонската влада ќе продолжи да ги презема сите можни безбедносни мерки и силно ќе ја повика кинеската страна да ја обезбеди сигурноста на јапонските граѓани во Кина“, додаваат оттаму и појаснуваат дека за егзекуцијата биле информирани од кинеското Министерство за надворешни работи.