Европа
Назначени комесарите во новата Европска комисија

Поранешниот унгарски министер за правда Ласло Трошањи е предложен за еврокомесар за проширување од страна на новата претседателка на Европската комисија, Урсула фон дер Лајен.
Таа денеска ги презентираше своите предлози за новиот состав на Еврокомисијата. Предложените кандидати за комесари ќе бидат сослушани од страна на европратениците во наредните недели.
Фон Дер Лајен ја предложи Бугарката Марија Габриел за еврокомесар за иновации и млади, Франс Тимерманс од Холандија за животна средина, Австриецот Јоханес Хан за Буџет и администрација, Дидие Рејндерс (Белгија) за правда, Стела Кириакидис (Кипар) ќе го води ресосрот здравство, Кадри Симсон (Естонија) ќе го предводи секторот за енергетика, Јута Урпилајнен (Финска) ќе биде еврокомесарка за меѓународни партнерства, Јута Урпилајнен (Финска) одбранбена и вселенска индустрија, Фил Хоган (Ирска) за трговија, Паоло Џентилони (Италија) – економија, Виргиниус Синкјавичјус (Литванија) за животна околина и океани, Никола Шмит (Луксембург) за пазар на трудот, Хелена Дали (Малта) за еднаквост, Јануш Војчеховски (Полска) за земјоделство, Елиза Фереира (Португалија) – кохезија и реформи, Рована Плумб (Романија) ќе го добие ресорот транспорт, Јанез Ленарчич (Словенија) за управување со кризи, Жилва Јохансон (Шведска) се очекува да биде еврокомесарка за внатрешни работи.
Идни еврокомесари ќе бидат и Дубравка Шуица (Хрватска) за демографија и демократија, Вера Јурова (Чешка) – за транспарентност, Маргрете Вестагер (Данска) за дигитализација, Силви Гулар (Франција) за внатрешен пазар и индустрија, Маргаритис Схинас (Грција) за заштита на европскиот начин на живот, Ласло Трошањи (Унгарија) – проширување и соседска политика, Валдис Домбровскис (Летонија) се очекува да биде избран за еврокомесар за финансиски услуги, Марош Шефчович (Словачка) за меѓуинституционални односи и надзор и Жозеп Борел (Шпанија), предложен претходно од ЕУ за висок претставник на ЕУ за надворешна политика и безбедност.
Откако списокот со предложени комесари ќе биде објавен во Службениот весник на ЕУ, процедурата преминува во Европскиот парламент, каде ќе се гласа за номинираните, кои би требало да стапат на должност на 1 ноември со мандат до 31 октомври 2024 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Авион со руски туристи принудно слета во Естонија поради украински напад со дронови

Патнички авион што превезуваше руски туристи до Санкт Петербург беше принуден да слета во Естонија вчера по украинскиот напад со беспилотно летало врз Русија.
„Авионот беше пренасочен кон Талин бидејќи не можеше да слета на аеродромот ‘Пулково’ поради неговото привремено затворање“, потврди Маргот Холтс, раководител за комуникации и за маркетинг на аеродромот во Талин.
Во ноќта од саботата кон неделата украински беспилотни летала погодија гасен терминал во регионот Ленинград и рафинерија за нафта во регионот Самара. Извор во Службата за безбедност на Украина потврди за „Киев индепендент“ дека разузнавањето стои зад нападот врз терминалот за течен природен гас во регионот Ленинград.
Авионот, управуван од египетскиот превозник „Ал Масрија јуниверсал ерлајнс“, полетал од Шарм ел Шеик и слетал во Талин во 5.33 часот по локално време. Тој го продолжил своето патување кон Санкт Петербург речиси шест часа подоцна.
Според Холтс, на патниците и на екипажот не им било дозволено да го напуштат авионот додека биле на аеродромот во Талин.
Украинските напади со беспилотни летала, кои сè повеќе го нарушуваат цивилниот воздушен сообраќај во Русија, се дел од пошироката украинска стратегија за поткопување на руската логистика далеку над линиите на фронтот. Во првите месеци од 2025 година украинските напади со беспилотни летала наводно ја принудиле Русија да затвори аеродроми повеќе од 200 пати.
фото: принтскрин
Европа
Украинци: Русите извршија 500 напади врз Запорожје за еден ден

Во текот на изминатите 24 часа, руските сили извршија 500 напади насочени кон 13 населени места во регионот Запорожје, објави на Телеграм Иван Федоров, началник на Воената администрација на Запорожје.
„Руските сили извршија четири воздушни напади врз Билохирија, Полтавка и Червони. Три напади со повеќекратен ракетен систем (MLRS) ги погодија Плавни и Мала Токмачка. Вкупно 327 беспилотни летала (главно дронови FPV) ги погодија Запорожје, Биленки, Плавни, Хулајпол, Шчербаки, Новоданиливка, Мала Токмачка и Чаривно. Исто така, 166 артилериски напади се регистрирани во Плавни, Хулајпол, Орихив, Шчербаки, Преображенки, Новоданиливка, Мала Токмачка и Чаривно“, се вели во соопштението.
Властите добија 19 пријави за штети на станбени згради и помошни згради. Немаше пријави за цивилни жртви.
фото: принтскрин
Европа
(Видео) Патниците врескаат во агонија, трепка црвено светло: пекол на летот за Рим

Патниците врескаа од страв откога силни турбуленции го погодиле летот од Шпанија до Рим принудувајќи го пилотот итно да слета.
Преплашените патници гласно врескаа додека авионот се бореше со силни турбуленции на летот од Аликанте до аеродромот во Рим.
Turbulence caught on camera today on a Wizz Air flight from Alicante to Rome, forcing a diversion to Bologna.pic.twitter.com/sbLjXUp1DH
— The Age Of Genz (@TheAgeOfGenZ) August 21, 2025
Кога авионот изврши итно слетување во Болоња, патниците „му се заблагодарија на Бога што се живи“.
Снимките од кабината го покажуваат авионот како силно се тресе, со светла претежно изгаснати, а црвено светло трепка надвор од прозорецот.
Лошите временски услови во регионот предизвикаа проблеми за авионот додека се обидуваше да слета во Рим.
По неколку обиди за слетување на аеродромот во Рим, авионот беше пренасочен кон Болоња. Таму слетал во 3.53 часот наутро, речиси три часа откога требаше да пристигне во италијанската престолнина.
Патот од Аликанте до Рим обично трае нешто помалку од два часа.