Свет
(Видео) Напаѓач кој тврди дека „работи за Газа“ зароби 7 работници на американската фабрика: детали за заложничката драма во предградието на Истанбул
Маж кој тврди дека „работи за Газа“ држи неколку вработени како заложници во фабрика на американската групација Procter & Gamble (P&G) во предградијата на Истанбул, потврди локалната полиција.
Според турските медиуми, мажот е вооружен, додека синдикатот Умут Сен известува дека има седум вработени.
„Работниците се евакуирани од фабриката P&G во Гебза, седум работници останаа како заложници. Сопственикот е одговорен за нивната безбедност“, напиша синдикатот Умут-Сен во пораката преку мрежата Икс.
Gebze’de Procter & Gamble fabrikasında 7 emekçiyi rehin alan şahsın sosyal medya paylaşımı.
İçeridekiler vatandaşlarımızın çocuğu, eşi, anası ve babası…
Buna rağmen hala sosyal medyada “İsrail Firmasında çalışanları rehin aldı” diyen kendini bilmezlere Allah akıl fikir… https://t.co/Vagj8b14wd pic.twitter.com/Cn2NuoVI8B
— Serkan Tanyildizi (@srkntnyldz) February 1, 2024
Фотографијата објавена во турските медиуми, која АФП не можеше да ја потврди, покажува маж со лицето делумно скриено со палестинска марама, со експлозив залепен околу телото и нешто што изгледа како мал пиштол во десната рака.
Слоганот нацртан со црвени букви на ѕидот зад него гласи „За Газа“.
Локалните медиуми, исто така, покажаа дека полициските автомобили го блокираат пристапот до фабриката која произведува производи за домаќинство и хигиена во источната периферија на Истанбул.
Турскиот претседател Реџеп Таип Ердоган, еден од лидерите кои најмногу го критикуваат Израел од почетокот на војната меѓу Израел и палестинското исламистичко движење Хамас, исто така ја осуди американската поддршка за Израел.
Имаше и бројни повици за бојкот на американските производи во Турција од почетокот на конфликтот во Газа. Неколку ресторани на Мекдоналдс и кафулиња Старбакс беа вандализирани низ целата земја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кралот Чарлс му ги одзема титулите на принц Ендру и го сели од кралската резиденција
Британскиот крал Чарлс официјално покрена постапка за одземање на сите титули и почести на принцот Ендру, како и негово селење од резиденцијата „Ројал лоџ“, јави Си-Ен-Ен.
Одлуката уследи по нови реакции во јавноста поради поврзаноста на Ендру со осудениот сексуален преступник Џефри Епштајн и објавувањето на мемоарите на Џуфре, која го обвини принцот за сексуално злоставување додека била тинејџерка, обвинение што тој го негира.
Во соопштение на Бакингемската палата се наведува дека „Неговото Височество денес започна формална постапка за одземање на стилот, титулите и почестите на принц Ендру“ и дека тој отсега ќе биде познат како Ендру Маунтбатен Виндзор.
Палатата потврди дека Ендру ќе мора да се исели од резиденцијаа и да се пресели во приватен престој, додека неговите ќерки, принцезите Евгенија и Беатрис, ги задржуваат своите титули.
Во изјавата се нагласува дека „кралското семејство останува со мислите и најдлабокото сочувство со жртвите и преживеаните на сите облици на злоупотреба“.
Јавноста со остри реакции го коментира случајот, особено по откритијата дека Ендру за резиденцијата платил симболичен износ и плаќал минимална кирија, иако од 2019 година не е активен член на кралското семејство.
Свет
Саграда Фамилија официјално стана највисока црква во светот
Познатата барселонска базилика Саграда Фамилија од денес е и официјално највисоката црква во светот, откако беше поставен новиот дел од централната кула, пренесе „Гардијан“.
Делото на Антонио Гауди сега се издига на 162,91 метар, со што ја надмина катедралата во германскиот Улм, висока 161,53 метра. Во следните месеци се очекува кулата на Исус Христос да ја достигне својата крајна висина од 172 метра.
Темелите на базиликата се поставени во 1882 година, а Гауди починал пред да го види проектот завршен.
Последните децении работите се забрзани благодарение на милионите туристи што ја посетуваат црквата; минатата година ја разгледале 4,9 милиони луѓе, а приходите од билетите целосно се користат за финансирање на изградбата.
Комплетното завршување на Саграда Фамилија се очекува околу 2035 година, а 2026 ќе се одбележи 100-годишнината од смртта на Гауди со низа културни настани.
Свет
Трамп го ограничи бројот на бегалци во САД на 7.500 за наредната година
Американскиот претседател Доналд Трамп го постави годишниот лимит за прием на бегалци на 7.500 лица за фискалната 2026 година, што претставува најниско ниво досега.
Одлуката е дел од поширока промена на политиката кон бегалците, при што Трамп најави дека приоритет ќе имаат Јужноафриканци од белата етничка заедница Африканери, тврдејќи дека се соочуваат со расен прогон — тврдење што властите во Јужна Африка го негираа.
Трамп претходно го паузираше приемот на бегалци, наведувајќи дека ќе продолжи само ако тоа е „во најдобар интерес на САД“. До септември годинава, во земјата пристигнале само 138 Јужноафриканци.
Во документот објавен денес, Белата куќа најави дека ќе се разгледува прием и на други жртви на „незаконска или неправедна дискриминација“, а интерен владин извештај сугерира дека приоритет би можел да се даде и на Европејци кои биле мета поради ставови против масовна миграција или поддршка на популистички партии.
Покрај тоа, администрацијата најави дека надзорот над програмите за бегалци ќе се префрли од Стејт департментот на Министерството за здравство и социјални услуги.

