Свет
Најдолгиот тунел на светот е затворен откако товарен воз излета од шините во Швајцарија

Несреќата на товарниот воз што излета од шините во швајцарскиот тунел Готард оваа недела, предизвикувајќи сериозни оштетувања на железничкиот систем, го запре сообраќајот барем до следната среда, објави вчера Швајцарската Федерална железница (SBB/CFF/FFS).
Најдолгиот железнички тунел во светот од 57 километри го поврзува германскиот дел на Швајцарија со италијанскиот Тичино и е дел од оската север-југ од Германија до Италија. Поради ограничените алтернативни врски, SBB/CFF/FFS советува да не се патува по железничката линија Готард во следните неколку дена.
Според менаџерот на железничката инфраструктура Рудолф Буечи, несреќата се случила во лошо време поради летниот сообраќај и претстојната улична парада во Цирих овој викенд, на која градот очекува да има милион луѓе. Во излетувањето на возот од шините во средата нема повредени, а несреќата најверојатно е предизвикана од техничка грешка на возот со 30 вагони, соопшти SBB/CFF/FFS.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Израел го ракетира Бејрут, има мртви: ИДФ тврди дека цел бил член на Хезболах

Најмалку три лица загинаа, а седум се ранети во израелски воздушен напад утринава врз јужните предградија на Бејрут, соопшти либанското Министерство за здравство.
ИДФ тврди дека цел бил член на Хезболах
Претходно, либанската државна новинска агенција ННА објави дека израелскиот воздушен напад со два проектила бил насочен кон зграда во јужните предградија на Бејрут.
🚨An Israeli raid on the Southern suburbs of Beirut. Ambulances rush to the scene. pic.twitter.com/WyvnH74Pys
— Al-Amili العاملي (@resist_truth) April 1, 2025
Во соопштението на израелската војска се наведува дека цел на нападот бил член на Хезболах, кој претставувал непосредна закана за израелските цивили.
Во петокот израелски воени авиони бомбардираа и уништија зграда во населбата Хадат во јужните предградија на Бејрут, што го означи првиот израелски напад врз областа откога беше постигнат договор за прекин на огнот меѓу Израел и Хезболах на 27 ноември 2024 година.
Кревкиот прекин на огнот е во сила во Либан од ноември, со што стави крај на повеќемесечната прекугранична војна меѓу Израел и Хезболах, која ескалира во целосен конфликт во септември со илјадници смртни случаи.
Свет
(Видео) Патничка се обиде насилно да ја отвори вратата додека авионот бил над Индискиот Океан

Авион со повеќе од 200 патници, кој летал од Бали, Индонезија, до Мелбурн, Австралија, бил принуден да се врати назад кога патничка се обидела насилно да ја отвори вратата додека авионот бил над Индискиот Океан, соопшти нискобуџетската авиокомпанија „Џетстар“.
„Нашиот авион се врати на ‘Денпасар’ (аеродром во Бали) минатата ноќ кога патник предизвика вознемиреност со обидот да ја отвори вратата на авионот навредувајќи го и попречувајќи го нашиот персонал“, се вели во соопштението на компанијата за инцидентот, кој се случи во понеделникот вечерта на 31 март.
Jetstar has denied disruptive passengers are on the rise after a woman tried to open a door at 33,000 feet and a brawl erupted on another flight over a reclined seat: https://t.co/cYG6jF0pni pic.twitter.com/v423A3S72s
— The Australian (@australian) April 1, 2025
Патникот беше преземен од локалните власти на Бали по слетувањето, додаде „Џетстар“.
Според видеото што се појави на социјалните мрежи, жена што седела во задниот дел на авионот успеала да ја подигне рачката на вратата, но потоа бил активиран безбедносниот сигнал, кој го алармирал екипажот, по што капетанот ги предупредил патниците.
Податоците од порталот за следење летови Flightradar24 покажуваат дека авионот свртел еден час по полетувањето додека сè уште бил над Индискиот Океан.
Свет
Драматични снимки: голем пожар на гасовод кај Куала Лумпур, повредени најмалку 63 лица

Најмалку 63 лица се згрижени во болница во Малезија кога избувна голем пожар на гасовод со кој управува државната енергетска компанија „Петронас“, соопштија властите, додека продолжуваат напорите за контрола на пожарот и евакуација на жителите, објави „Ројтерс“.
KEBAKARAN Saluran Paip Gas Petronas, Bukan Stesen Minyak, Penduduk Sekitar Dipindahkan
Berikut kenyataan pihak SSOC:
SMART SELANGOR OPERATION CENTRE (SSOC)
KEJADIAN KEBAKARAN PIPE LINE GAS DAERAH PETALING
Tarikh : 1 April 2025
Lokasi : Stesen Minyak Petronas Putra Heights… pic.twitter.com/TRVmCxSqj0— MYNEWSHUB (@mynewshub) April 1, 2025
Пожарот избувна во вторникот наутро во градот Пучонг, во државата Селангор, на периферијата на главниот град Куала Лумпур, а хоспитализираните добија изгореници, респираторни проблеми или други повреди, соопштија властите.
Petronas Putra Heights Avenue 🔥#petronas #fire Can be seen in front of my housing area. pic.twitter.com/nY6zA8W9u2
— white island 🕊️🫒🌲 (@fizasyaza) April 1, 2025
„Гасоводот е изолиран“, соопштија од „Петронас“.
Противпожарната служба додаде дека компанијата затворила вентил на дел од гасоводот долг 500 метри и дека 49 дома во областа се зафатени од пожарот.
Petronas Dagangan Berhad says that the video circulating online regarding the fire incident in Putra Heights did not occur at any Petronas station.
However, the nearby stations – PS Putra Heights, PS KM2 LDP and PS Putra Bestari – have been temporarily closed as a… https://t.co/idsEKAedOP pic.twitter.com/qFxwExOoJc
— BFM News (@NewsBFM) April 1, 2025
Нема информации за загинати, но сè уште не е познат целосниот обем на повредени и штети. Властите претходно соопштија дека некои луѓе се заробени во своите домови.