Најмоќните светски лидери на патот до највисоките позиции во своите земји, неколкумина од нив водеа многу поинтересни животи – некои возеа автобуси, работеа како продавачи, понекогаш дури и снимаа фанк-албуми.

Некому ваквото искуство добро му дојде за време на политичката кампања, каде што полесно можеа да се продадат како луѓе од народот, а други го туркаа своето минато под тепих.

„Бизнис инсајдер“ направи листа на светски лидери што ги извршувале најнеобичните работни места, а при креирањето на листата воделе сметка за тоа колку скромни биле нивните почетоци, како и неусогласеноста меѓу нивните политички кариери и старите работни места.

Претседателот на Боцвана, Могвици Масиси ,глумеше во второкласни филмови од Јужноафриканската Република.

Last night my wife and I were treated to the Mascom President’s Concert at Maitisong, celebrated under the theme: “Thari Ya Sechaba” which featured poetry, storytelling, music and dance. pic.twitter.com/L5m4meTLg5

— Dr. Mokgweetsi E.K Masisi (@OfficialMasisi) November 28, 2018

Турскиот претседател Реџеп Таип Ердоган продаваше ѓеврек на улица. Тој студирал менаџмент, а бил успешен и како фудбалер. Меѓутоа, неколку години како тинејџер продавал лубеници и ѓевреци на улица за да заработи џепарлак. Неговото скромно воспитување му донесе голема популарност на почетокот на неговата политичка кариера и го направи локален херој во населбите во кои работеше како продавач.

Актуелниот претседател на Мадагаскар, Андри Рајоелина, кој е син на богат полковник, работеше во медиумскиот бизнис пред да тргне на патот што го водеше до претседателскиот кабинет. Рајоелина од 1999 година организира музички фестивали со името „Лајв“.

Поранешен разбојник стана претседател на Никарагва. Диктаторот Даниел Ортега дојде на власт како револуционер. Тој извршил серија вооружени грабежи за да ги финансира сандинистичките социјалистички револуционери и бил уапсен во 1967 година, пишува „Вашингтон пост“. Тој е уапсен кога се обидел да ја ограби Банката на Америка со митралез во рацете, објави Би-би-си.

Луксембуршкиот премиер Ксавиер Бетел веќе влезе во локалната политика кога ја водеше емисијата „Недела во 8“ на националниот кабелски канал.

Долго пред Адама Бароу да стане претседател на Гамбија во 2017 година, тој дипломирал управување со недвижности во Лондон. За да ги финансира студиите, Бароу три години работел како обезбедување во британскиот синџир „Аргос“.

Венецуелскиот претседател Николас Мадуро не завршил средно училиште, но од почетокот бил политички активен во студентската унија, пишува „Гардијан“. Тој почна да се залага за правата на работниците како возач на автобус во компанија во Каракас основајќи неформален синдикат во време кога тие беа забранети.

Асад дипломирал како офталмолог во Дамаск во 1988 година, а потоа го продолжил своето образование во престижната очна болница „Вестерн ај“ во Лондон. Хирургот што го обучувал, Едмунд Шуленберг, пред една деценија изјави за „Мејл онлајн“ дека се сеќава на идниот диктатор како „чувствителен млад човек, кој бил неверојатно точен и љубезен“.

Популарно наречен Лула, претседателот на Бразил, Луис Инасио да Силва, имаше навистина скромно детство. Би-би-си пишува дека како дете работел како продавач на кикиритки, а исто така чистел чевли во малото крајбрежно гратче, каде што пораснал. Научил да чита на 10 години. Најпрвин работел во магацин, а потоа во обработка на метали, каде што го изгубил малиот прст на раката кога имал 19 години.

Либерискиот претседател Жорж Веа го исполни сонот на милиони деца, играше за најдобрите фудбалски клубови во светот. И потоа стана претседател.

Претседателот на Габон објави фанк-албум. Ондимба се претставуваше како кандидат за младите и рапуваше на сцената со габонската хипхоп-заедница.

Украинскиот претседател Володимир Зеленски ја замени својата кариера како комичар со политичка, неговата приказна е веројатно најпозната на оваа листа. Зеленски ја почна својата кариера во светот на забавата како 17-годишник кога се пријави на натпревар во комедија и со група пријатели од училиштето ја основа исклучително успешната продукциска куќа „Квартал 95“.

Години пред да се кандидира за претседател на Словенија, Наташа Пирц Мусар имаше уште една стресна работа, таа беше адвокатка на Меланија Трамп во пресрет на претседателските избори во САД во 2016 година.

Папата Франциско во 50-тите работел како обезбедување на кафуле, млад човек од Буенос Аирес, кој бил љубител на тангото, пишува италијанскиот весник „Газета дел суд“.