Свет
Најмалку четворица загинати, 11 ранети во бомбашки напад на центар за хуманитарна помош во Запорожје
![](https://makfax.com.mk/wp-content/uploads/2022/10/napadi-vo-ukraina-678x381-1.jpg)
Четири лица загинале, а 11 се ранети во руското бомбардирање на станбена населба во градот Орихив, во областа Запорожје, изјави гувернерот на Запорожје, Јуриј Малашко.
Тој изјави дека меѓу загинатите има три жени и еден маж, сите на возраст од 40-ина години, пренесе „Ројтерс“. Малашко на „Телеграм“ изјавил дека како последица од нападот сите четворица починале на самото место.
Тие биле убиени откога проектилот речиси целосно го уништил училиштето, кое било претворено во центар за хуманитарна помош за оние што живеат во близина на линијата на фронтот.
„Станбениот кварт Орихива, на 10-ина километри од најблиските позиции на руските сили во регионот Запорожје, вчера беше погоден со водена воздушна бомба“, изјави локален официјален претставник додавајќи дека цел на руските сили била испорака на хуманитарна помош.
Според написот на „Украина фронт лајнс“ на „Твитер“, во нападот на Орихив со две бомби загинале најмалку четири лица, а 13 се ранети.
Малашко изјави и дека Русија извршила 36 целни напади врз 10 населени места во областа Запорожје. „Ројтерс“ не може независно да го потврди извештајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Путин: Москва мора да започне со производство на ракети со среден и краток дострел
![](https://makfax.com.mk/wp-content/uploads/2024/05/putin4.jpg)
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
![](https://makfax.com.mk/wp-content/uploads/2019/07/bajden-tramp.jpg)
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.